تنبيه هام وموضوع خطير يخص ملاك الفوتشنر والهايلكس ..

[صقر المقانيص]

السلام عليكم

اخواني الكرام حصلت معاي مشكله بسيارتي فوتشنر 2008 6 سرندل طرحت المشكله في المنتدى تجدونها على الرابط هذا


الفزعه ياشباب عطل غريب بالسياره ارجو المساعده قبل اروح للورشه (http://www.mekshat.com/vb/showthread.php?t=424045)


خلاصة الموضوع اني قمت بتغيير البواجي لسيارتي بنفسي وقمت بفصل البطاريه عن السياره وتغييرها بعد الانتهاء من تغيير البواجي شغلت السياره وصار فيها تفتفه قويه جدا ولا تقبل دعس البنزين وتكتيمه طبعا اول ماجا ببالي ان البواجي مهي للسياره او ان التركيب فيه خطاء قمت بترجيع البواجي الاولى الي على السياره وبقيت نفس المشكله عرضتها على كذا كهربائي وكلن يتفلسف من عنده الي يقول كويلات والي يقول حساس المهم اني رحت للوكاله اليوم السبت الموافق 16 / 8 / 1432هـ
دخلت السياره الوكاله وكان ظني ان المشكله بالبواجي او التركيب طلبت من الوكاله تغيير البواجي وواعدوني العصر جيت العصر شغلت السياره الا نفس المشكله موجوده ماراحت سألت المهندس قالي انت فصلت البطاريه قلت اي نعم قالي الله يعوض عليك يبغالك طقم بواجي قيمته 3800 ريال كيف قالي الفوتشنر والهايلكس اذا انفصلت البطاريه تقفل البخاخات وتصير التفتفه هذي طيب وش الحل قالي الحل تغيير البخاخات او تنظفهن وماعندنا تنظيف قلت طيب هالشي هذا مذكور بكتلوج السياره قال لا ماهومذكور طيب هذا خطأ من الشركه المفروض انها تنبه المستخدم قالي الشركه عندها بخاخات اكثر من السيارات وتبغى تصرف قلت صدقت ..


الزبده ياخوان الي مايحب يقراء التفاصيل الهايلكس والفوتشنر لا حد يفصل البطاريه عنها لأن ذلك يضرب البخاخات على طول حسب كلام الوكاله وهذا الي صار معاي بالضبط والطريقه اذا بغيت تغير البطاريه تخلي السياره شغاله وتفصل البطاريه وتغيرها بالجديده ..

حبيت انبهكم يا اخوان وتستفيدون من تجربتي واتمنى كل من اطلع على هذا الموضوع الدعاء ولوالدي وجزاكم الله خير ..

[سحابة قبله]

السلام عليكم

تأكد احس كلامه مو منطقي ابدا

وما تخش المخ

الموضوع موضوع برمجه عاد طريقتها يساعدونك الشباب ان شاء الله

[العرض داري]

ان قد غيرت اسلاك البواجي وشغلت الموتر قام يتفتف ويقطع المهم خفت ان
خربت شي مهم>>>>>ابو الي مسوي فاهم مره ثانيه
لكن وديتها محل قال عندك خطاء في تركيب الاسلاك يجب ان يكون كل سلك في محله

هاذي تجربتي جاب طاريها التفتفه والتقطيع
والله لا يهينك على نفع المسلمين

[بدون لوحات]

والله هذا عجيب

[كاشت وحداني]

العلم سلامتك
مهندس تويوتا نصاب
وكلامه لا يخش عقل اي شخص يعرف شي اسمه سياره بس مو حتى فاهم ميكانيكا
اتوقع مشكلتك بسيطه لكن ماطرت على بال احد
اما حكاية انو لو فصلت البطاريه تقفل البخاخات وكلام فاضي هذا نصااااااااااااااااااب وانا اتحداه

[كاشت وحداني]

استنتاج بسيط
حاليا عمر بطاريات السيارات الافتراضي سنه واحده وقد تزيد شهر الى شهرين
لو كل واحد عنده فورتشنر ولا هايلكس وهم من السيارات المنتشره بكثره كان قد لقيت العلم من اي احد وكان تلاقي اصحابها مع كل بطاريه مغير طقم بخاخات
لكن كلامه معسول وفيه سم
قالك الشركة عندها بخاخات وتبي تصرفها

[صقر المقانيص]

والله ياخوان هذا الي صار معاي ومريت موزع لقطع غيار التويوتا وهو من الاصدقاء الخاصين واعرف انه رجال ماعنده كذب وعلمته السالفه والله انه كملها قبل لاخلص قالي مرو علينا ناس كثيييير صارت معاهم السالفه ذي واخذت من عنده منظف بخاخات وعبيته بالسياره ودعست بها مشوار ولا فاد بشي حسيت بتحسن خفيف لايكاد يذكر والظاهر اني بسوي تنظيف بخاخات ولا بصبر عليها اسبوع اذا ماتحسن الموتر بسوي له تنظيف والله يعين الجميع ..

[BLA6K]

أولا : جزاك الله خير ع التنبية

ثانياَ : لو فرضنا ان كلام الوكالة صحيح . تقدر تتخيل معي كيف تنتقل الوساخة للبخاخات وتتقفل ؟
لانه واضح من كلامه بعد التنظيف راح يضبط موترك . بعدين ممكن انت يوم بدلت البواجي عكست الاسلاك
والوكاله ماقصروا ركبوها زي مانت عاكسها

[خالدالعلي]

يا أخي تأكد من اسلاك البواجي كل سلك في مكانه الصحيح لأنه كلامك ما يدخل الخشم :p
قصدي الراس على كلام صاحبك يمكن نص سيارات المملكة يصير لها كذا وهذي اول مرة اسمع بمثل ها المشكلة

[الهاوي vip]

انا قراءة في احد المنتديات ولست متاكد من منطقية الكلام اللي قريته... :(

اذا فصلت البطارية تبي تجيك تفتفه لازم تمسك بالموتر خط ساعه وحولها ترجع وان شاء الله تمام التمام ... :good2:

من بعد اذن الاداره بحط الرابط للتاكد

http://www.toyota4arab.com/forum/t188817.html

المشاركة رقم 5 اقراها هي المهمه :good2:

وشكراا .. :)

[على رمشي تمشي]

الكويلات تسبب رجفه بالسيارة قد تكون احدى الكويلات فيها مشكله حتى صفاية البنزين - او صب كيروسين إلى هو القاز وامسك لك خط طويل يعني قرابه 70كيلو وان شاء الله يضبط

[الهلي 349]

اخوي انا عندي باثفندر 98 السيارة طبيعية كنت في ورشة وقلت للفني اقلب اسلاك البواجي يوم قلبها قامت تنتفض المكينة وتقطع ويوم رجعها الوضع تمام فأنت رح لورشة فاهمين وقلهم شيكولي ترتيب الاسلاك ابدأ بالسهل اولا

[الشاهين ع]

أخواني صاحب الموضوع (( صادق إن شاء الله ))
هذي صارت مع أحد زملائي وعلمني بالسالفة ، عنده هايلوكس 2006 من الشكل الجديد اللي كله فيابر .
المهم إن الرجال انتهت بطاريته وراح يغيرها ولما شبك الجديدة اذا السيارة قامت تتفتف راح الوكالة وقاله مثل ما قال للأخ ( صقر المقانيص ) والرجال الله يجزاه كل خير ما نشر الموضوع إلا للفايدة وعدم الإضرار بالآخرين فجزاه الله كل خير . أما الفورشنر والله ما أدري عنه .
(( اللي مو مصدق يجرب في ها النوعين من السيارات )) والله يعينه

** المشكلة إن عندي لاندكروزر 2006 وما أدري هل هي نفس المشكله (( ومتخوف ))
(( نصيحة )) لمن أراد أن يغير البطارية يغيرها والسيارة شغاله بحيث يفصل البطارية القديمة والسيارة شغالة ويركب الجديدة

[صقر المقانيص]

هلا بالاخوان جميعا واشكر الجميع على الطرح والمشاركه

بالنسبه لاخوي
الشاهين ع (http://www.mekshat.com/vb/member.php?u=151656) انا سالت الوكاله وش السيارات الي تتسبب فيها المشكله ذي بالشكل ذا قالي فقط الهايلكس الجديده والفوتشنر فقط اما البقيه فمايضر فصل البطاريه نهائي

[دروب العارض]

الغالي صاحب الموضوع
انا من ملاك الفوتشنر وحصل أنني فصلت البطارية في ظرف اسبوع مرتين وحصل ما ذكرت بالضبط من التفتفة الا أن الوضع عاد طبيعي خلال دقائق من تشعيل السيارة والمشي بها مسافة كيلو مترات قليلة .. والان انا راجع من سفر قاطع فيه مسافة 3000 كيلو ولله الحمد والمنة والفضل لم يحصل معي أي خلل في التفتفه ..

[صقر المقانيص]

ماشاء الله دعواتك ان موتري يرجع طبيعي والله ضايق صدري من التفتفه الي صارت

[دروب العارض]

ماشاء الله دعواتك ان موتري يرجع طبيعي والله ضايق صدري من التفتفه الي صارت
أسأل الله ان ييسر امرك وان يكتب لك الخيرة وان لا يخسرك ولا مسلم ..

دمت في عافية وخير

[المجنوني]

ياخوك انا عندي هايلوكس 2010 ومشى اكثر من 5 الف من سنة تقريبا معاي
وما غيرت البواجي الا قبل شهر من التفتفة
وللاسف غيرتها بعد ما اشتريتها من الوكالة عند بنشرجي وكانك يا زيد ما غزيت
ولا بعد
يوم شفت البواجي واذا بها محروقة حرق
سالت عن السبب قالوا البنزين الاخضر
علما اني لما دوس للسرعة اعلى شئ 160 ويادوب يجيبها
ولما حولت احمر 95 جاب ال190
والتفتفة فيها الى الان
بس ما اقول غير حسبي الله ونعم الوكيل

[النداوي 200]

سلام عليكم أنا معي برادو 2004 اذ فكيت البطارية تحصل تفتفه والمكينه تكون مو صافيه الزجاج ما يفتح كله تحصل لخبطه في الكمبيوتر بس اصبر عليه شوي بعدين يرجع كل شي كما كان لا يهمك كلام الوكالة نصابين .

[صقر المقانيص]

بواجي الهايلكس قيمة تغييرهن بالوكاله مع الشغل 160 ريال

يعني ماتوقع فيه فرق كبير بين الوكاله والبنشر والوكاله اضمن لان البنشر يمكن يقطع لك سلك ولا مايركب البواجي زين وهذي مشكله ، حنا اخذين فكره عن الوكاله انها غاليه مره وفعلا الوكاله غاليه لكن فيه اشياء تكون معقوله عندهم يعني المفروض الواحد قبل يصح برا يسأل عن التصليح بالوكاله

[صقر المقانيص]

اخوي النداوي الله يبشرك بالخير وان شاء الله يرجع الموتر مثل ماكان

[الشاهين ع]

جزاك الله خير

[صقر المقانيص]

واياااااااااااااك

[abdula33]

صحيح الكلام حصل معي هايلكس 2008 دفرنسين بعد ماغيرت البطارية تفتفة لمدة يوم تقريبأ وبعده سلكت والحمد لله

[البناوي 12]

مشكور والله يجزاك الجنه ووالدينا ووالديك ..امين ..

[الرقباني]

اخواني حسب علمي عند فصل البطاريه خل الدركسون معتدل يعني متساوي تمام وبعدها افصل البطاريه وبعد ماتحط البطاريه سوا القديمه او الجديده احيان يصير تفتفه خلها شغاله مده من ١٠ الي ٢٠ دقيقه راح تلاحظ انها تروح التفتفه او انها تصفي عاد لمن مسكة الخط ان شالله بتصفي اكثر


لكن الي اعرفه من الضروري جدا عند فصل البطاريه يكون الدركسون متساوي ماهو لاف لايمين ولا يسار
هذي معرفتي والله يسر لكم

[1824]

الله يهديكم يا بو سعود ومع الفلسفة كل واحد يعطي من كيسه اذا التفته وانت واقف طبيعي بسبب فصلك للبطارية الكمبيوتر فقد برمجة الخمول الي كان متعرف عليها من طريقة قيادتك وعمر السيارة لان الكمبيوتر او ما يفكر فيه بعد ما تفصل البطارية انه سويت تصفية شاملة للسيارة من تنظيف للحساسات والدعسة والبواجي والفلاتر يعني رجعتها وكالة بس لمن تصير التفتفة يقوم هو يدخل وضعية التعلم وبتاخذ وقت شوي لمن تتبرمج بالكامل بالتوفيق لك لا تسوي شيء ولا شيء امش عليها وسقها عادي لين ما ترجع مثل ما كانت لحالها وتغيرك للبواجي مرة ثانية ماله داعي كان اسال مرة ثانية الفلوس كانت تروح للفقراء مو احسن بالتوفيق لك

[Alas1r1]

يا شباب والله انا غيرت البواجي مرتين مدري ثلاث مرات وما فصلت البطارية بس افصل السلك من الكويل وما صار معي اي تفتفه ولا اي شي بالعكس يتحسن عزم الموتر وماله داعي نفصل البطارية عشان البواجي وسلامتكم وانا اعبي بنزين اخضر واغير الصفايه والبواجي سوا ومن دون ما افصل البطارية وكل الامور زينه وتمام الحمد لله... ذا عن تجربه شخصيه وانا اللي اشتغل بيدي لا وكاله ولا غيرها والله ييسر لنا ولكم