ركب جيب فكسار ((اللي يعرف اسم الركب بالكويتي يدخل))

[عبدالله المطيري]

السلام عليكم


كما هو مذكور بالاعلى عندي ركب الجيب الاربع خربانة


وجلد المقصات كذلك


حصلتها عند وكلة تويوتا فرع خريص ب 822 ريال


وعند الضحيان 660 ريال


طبعاً الوحدة ويجبرونك على المقص كامل معها



دقيت على وكالة الساير بالكويت قلتلهم ركبه قالوا مانعرفها طيب جوزات قالوا
هم ما نعرفها بيضات نفس الشئ مقص مافيه فايدة



اللي يعرف وش يطلقون عليها يعلمني ويكسب اجر



طبعا الرقم يختلف اللي عندنا رقم كامل مقص وركبة

ووكالة الساير عندهم الركبة لحالها تجي


سؤال أخير (( لقيت بمحلات القطع ركب تجارية على 100 ريال هل فيه احد جربها ، اذا كان موجود ياليت يخبرنا بوضعها كيف ))



دمتم بود

[شبل داورد 1]

المسميات يفيدونك الاخوان

من ناحية الركبه التجاريه نصييييييييييحه لاتركبها لو تقاها بلاش
مالها أماااااااان

[يالبى الهلا]

ركب المقص =بيضات شيال هذا اسمها بالكويتي
جلد مقصات =بوشات شيال
تاخذ الركبة وتكبسها على المقص وعندراعي االشكامين لحام حتى لا تنفلت؟؟

[عبدالله المطيري]

أبو مصعب 2 جزاك الله خير

يالبى الهلا كلامك صحيح والاسما طلعت صحيحة ولكن للاسف الساير يبيعها ايضاً بالمقص ( الشيال)

وسعرها 80 دينار اتوقع قبل الخصم

[عبدالله المطيري]

الحين باقي ركب المحلات ام مية ريال


أو ركب العضيب سعرها تقريبا 180 ريال الوحده



ياليت اللي ركبها يفيدنا

[عبدالله المطيري]

الركب الموجودة بمحلات قطع الغيار الاحد 1432/8/16 هـــ

قطع غيار العضيب

ركبة صناعتها صينية وسعرها فوق 140 ريال تحت 150 ريال

بمحلات القطع العادية

ركبة صناعتها سورية سعرها 80 ريال


ركبة صناعتها صينية سعرها 100 ريال وتختلف عن اللي عند العضيب





وكلهم يمدحون يقولون ركبها ولا عندك خلاف

[البيـرق]

اخوي نصيحة ان بغيت تركب تجاري على اشياء لاتضر براحتك

لكن الركب خطره جدا.........انصحك ابعد عن التجاري

والله الحافظ سبحانه

[جيبي جايزلي]

ركب اصلي ولا تتردد ابد الركبه ضروري اصلي

[Lover gmc]

والله غالي تويوتا

وتقولون رخيص

عجيب والله

[عبدالله المطيري]

جزيتم خيراً

[عبدالله المطيري]

فيه واحد من الشباب اللي قلت لكم انه اشترى الركب لحالها من الكويت وعلمته بكلام
الوكالة×

قالي فيه محلات قطع غيار بالفحيحيل يشترونها كاملة ويفصلونها هم قدامك يعني×
قطع اصلية بس ااركبة لحالها والمقص لحالها


المهم رحت وفريت محلات القطع عندنا بالرياض وشفت الركب التجارية بجميع انواعها. ×



وانا اكتب هذا الرد وانا متعدي رماح رايح الكويت ااساعه الان ١:٩ ليلا عرق الرويكب

[sameer_1798]

النهدي يبيع الركب لحالها من شركة مايز سعرها 40 ريال وممتازه انا مركب اللي فوق و لها حول 8 أشهر
تركب على اللاند من 2007 وتحت .

[~EmPeRor~]

والله غالي تويوتا

وتقولون رخيص

عجيب والله


فاااقع كبدي من زمان بغلا قطع الغيار

ياشباب ياليت تحددون المحل الي موجودة عنده التجارية .!

[ابو نايف هدد]

مساء الخير

كيف تلحم الركب

[de7my]

اخوي ليه ماتشوف بالامارات القطع ارخص....

[sameer_1798]

مساء الخير

كيف تلحم الركب
اللي عند النهدي تركب بسهولة مكان القديمة بالتمام .(بدون تلحيم أو ترهيم ) هذه الركب العلويه فقط .

[آخر العنقود]

نصيحه لوجه الله لا تركب الركب بالذات الا أصلي لأنها خطيره لأنها لو انفكت والسياره ما شيه احتمال كبير انها تقلب السياره في حالة السرعه الله يكفينا الشر فنصيحه اشتر راحتك وسلامتك حتى لو كان السعر غالي ......

[العرمه]

كانك ما بعد رجعت علمني كم لقيتها وهل هي اصليه

انا ابي اربع ولكن مثل ما قلت الاصلي غالي مررررررررره والتجاري يخوووووف

ابي ارسل لك رقمي على الخاص كانك ما بعد رجعت اتصل وكانك رجعت الله يسمح امرك

[عبدالله المطيري]

السلام عليكم

اولاً اشكر كل من رد على موضوعي


ثانياً انا توني واصل ولذلك تأخرت بالرد عليكم .... وراح اسرد عليكم القصة بالتفصيل انا مشيت من الرياض الساعة 12 ليلا يوم الاحد ووصلت الاثنين 4,5 فجرا عند الحدود وع طول للورش اللي بالفحيحيل ووصلتها حول 5.5 ص وانتظرتهم الى 8،5 ص المهم جلست ادور بالمحلات اللي موزعين للوكيل الساير ولكن كلهم قالوا نفس الكلام اللي بالسعودية الركبة ماتجي الا كاملة بالمقص قلت فيه واحد يقول انكم تفكون الركبة من المقص وتبيعون كل قطعة لحال قالوا معصي المهم ما اقتنعت وقررت افر كل محلات القطع وجلست الى الساعة 10 وانا افر المحلات ،، وانا طالع من احد المحلات وبعد ما يئست الا واحد من الجماعة من اهل الصمان قدامي المهم سلمت عليه وقال وش عندك المهم علمته باللي عندي وقال بسيطه
ووداني لمحل قال هذا المحل عنده ركب انا مركبها على موتري من 4 سنين ولا شفت منها الا كل خير (طبعاً هو بدوي والموتر لاعب فيه لعب ) المهم خذيت الركب من عندهم صناعة يابانية والقيمة الجمالية 26 دينار حوالي 360 ريال
وطلعت من الكويت الساعة 12 الظهر الاثنين لذا اعتذر لكل من ارسل رسالة على الخاص والله ماشفت رسايلكم الا بعد ماوصلت


الفوائد من السفرية :
قطع الغيار عندهم في الوكالة نااااااار
التجاري عندهم جيد بالنسبة للي عندنا ولكن اذا شافوك سعودي كل واحد يعطيك سعر




الحين باقي عندي جلد المقصات والاذرعة
وتركيب الركب

اذا تعرفون احد يشتغل بذمة سعره مناسب ياليت تدلوني عليه




دمتم بود