اهل الخبره وخاصه اهل الخبر والدمام ارجو الفائده

[ashoog]

مساكم الله بالخير او صبحكم الله بالخير
انا طال عمركم من سكان الرياض وانوي السفر للشرقيه للتمشيه ونزهه وانا من محبين البحر بس دايم نفسي اصيد عن طريق الشاطي بس ماعرفت ولا عمري صدت سمكه وحده فالمطلوب من اخواني الصيادين ارشادي علي طريقة الصيد
مع العلم انا اشتريت خيط قبل كذا وموجود عندي ارجو الافاده بطريقة الصيد ووقته ونوع الطعم وايش الانواع الي ماتوكل من البحري الاني مره اشوف واحد يصيد سمك ثم يرميه

وبتوفيق لجميع الاخوان

[Makaveli]

أسأل أهل الشرقية عن الجو هناك قبل ماتروح زي صاحبنا
راح بعد ماأخذ فندق للصيد ولقى الدنيا مقلوبة


أسأل صياد الخبر على الخاص

[ashoog]

مشكور اخوي علي المورك الكريم


بس وش الدنيا مقلوبه فيه وش سبب بارك الله فيك

[KING FISAL]

حياك الله اخوي ممكن تدخل ارشيف الخيمة البحريه وتشوف الطريقة الي تبغاها في الصيد وممكن تنسق مع اي واحد من شباب الدمام او الخبر قبل تجي تدق عليه ترتب طلعة في اي موقع او تسئل عن الجو وعن ايام الحمل مع الوقت راح تتكون عندك فكرة جيدة عن الصيد ان شاء الله .
انصحك حتى تريح نفسك تدخل مع طرد داخل البحر يكون خبره تصيد لو انك ما تعرف شكل السمك بتصيد ان شاء الله و تستمتع فعلا بالبحر والصيد .
بالتوفيق

[ashoog]

بارك الله فيك وفي مرورك الكريم

يالغالي انا ماقدر ادخل البحر بحكم بطلع معي عائله صغيره وحبيت اتسلا معهم علي شاطئ اذا فيه فرصه للصيد منه


وانتظر من اخواني الافاده

[ashoog]

56 مشاهد ولا فيه تعليق

[mosafr]

هلا فيك ياغالي

الله يحييك في الشرقية

بالنسبة للصيد أرزاق

يعني ممكن تصيد وممكن ما تصيد

وبالنسبة للجو اليومين الي راحت كان الجو رطوبة وما يسوى

أمس واليوم رطوبة أخف ولكن الجو نوعاً ما مقبول في الليل

أماكن الصيد الي أفضلها دائماً
شاطئ تالا بين شاطي العزيزية وهافمون
إذا جيت للشرقية أسأل عن مخطط تالا أو منزل الصانع بين العزيزية وهافمون
وإذا أنت متجه لهافمون من طريق العزيزية بتلقى لوحة مكتوب منزل الصانع
ادخل معاها وأمسك الطريق سيدة لين ينقطع فيك الطريق وتلقى البحر قدامك

وعندك نهاية شاطئ الهافمون مكان زين للصيد

برضه عندك الشبيلي وعندك الواجهة البحرية في الدمام يمدحونها وخاصة بعد مطعم الفانتايم


بالنسبة لطريقة الصيد بالخيط أو بالسنارة
أبحث في المنتدى بتلقى مواضيع كثيرة تشرح الطريقة

وأنا من رأيي إذا ماتعرف تستخدمها إذا صرت على البحر شوف لك أقرب صياد يصيد وخله يعطيك الطريقة للصيد

أفضل لك على الواقع تتعلم الطريقة من شخص قدامك وبكل سهولة

أو عندك محلات بيع عدة الصيد إذا شريت منه خيط أو سنارة خله يركب لك كل شئ من ميدار وثقاله


أما الطعم المستخدم للصيد

أنا أفضل الخثاق والربيان


وبالتوفيق ياغالي

[ashoog]

جعل عمرك طول كفيت ووفيت ومعلوماتك قيمه

اشكرا لك

ياغالي اغراض الصيد واين احصلها في الخبر وتكون بكثره انا عندي سناره خيط من زمان وانا الي مربط فيها بس لو اروح محل ممكن بيساعدني في نوع السناره والخيط ادري طولتها عليك ومشكور مره ثانيه

[mr_red]

من بعد اذن اخوي mosafr (http://www.mekshat.com/vb/member.php?u=181894)

تعرف مجمع الرحمانيه اللي على طريق الظهران (طريق الملك عبدالله حاليا)
في مجمع قباله اسمه مجمع العيسى ادخله وانزل تحت في محل بيع ادوات الصيد
ان شاء الله يفيدك
وهذي خريطه الموقع .. المجمع اللي عليه قبه باين ولا؟؟ جنب جسر المشاة بالضبط

http://maps.google.com/maps?hl=ar&ll=26.279246,50.214375&spn=0.005022,0.008229&sll=37.0625,-95.677068&sspn=23.875,57.630033&t=k&z=17

وخذلك فره على احوال الجو من الانترنت عشان تكون عارف الاجواء اللي بتقابلك

اتمنى لك رحله وسفر سعيد وامن ,,

[mr-albreak]

من بعد اذنك يا غالي اللي في مجمع العيسى قفل ونقل محله
اتركك منه واذا تبيه بجي على ذكره خذ الوصف الثاني
زي ماقال اخويmr_red (http://mekshat.com/vb/member.php?u=122552) خلي مجمع العيسى يمينك والرحمانية يسارك يجيك يو تيرن
يعني فوق تحت (مسوي يعرف لغات:D)خش معه بس لاترجع ادخل باالشارع الي قدامك
يصير الرحمانيه على يسارك ابتل سيده الين يجيك مواقف على يمينك بعدها بتشوف سوق السمك يسارك
هناك مقابل محلات السمك محل اسمه عرفه وفي فرع لهم توه فاتح مقابله اسال عن عبدالصمد هندي
تراه حبيب وبيخدمك من هاالمكان عدتك وطعومك واذا ماعجبوك في اربع محلات بنفس المكان
واذا في اي استفسار انا حاضر باالتوفيق يا بعدي

[ashoog]

اخوي
mr_red
بيض الله وجهك على المرور الكريم وتوضيحك



اخوي
mr-albreak

كرمت لا ندمت وربي يوفقك دنيا واخره

[mosafr]

ماقصروا الأخوان

كفوا ووفوا

والباقي عليك ياغالي نبي نشوف في المستقبل القريب تقاريرك وصيدك

ورحلاتك البحرية حتى لو ماكان فيه صيد بس نشوف تجربتك مع البحر