الكاتم الفحل المزيون وملك جمال الكواتم عمره اكثر من 30سنه ( عمله نادره من SEB )

[ابوسعودد]

السلام عليكم ورحمة الله وبركاته

اتقدم اليكم بهذه الصور عن الكاتم الSEB الذي اسميته الفحل المزيون لتشاركوني في الآراء والتعليقات حوله
وهو حسب ماروى لي صاحبه ان عمره اكثر من 30 سنه .....اليكم الصور :

الصوره الاولى
صور وهو واقف بكل شموخ ...لا احد يلومني يوم اقول مزيون
http://www.mekshat.com/pix/upload05/images222/mk84370_44441.jpg

الصوره الثانيه

http://www.mekshat.com/pix/upload05/images222/mk84370_44441.jpg

الصوره الثالثه
صوره علوية

http://www.mekshat.com/pix/upload05/images222/mk84370_444443.jpg

مع تحيات ابوسعود

[ابوصالح77]

ما شاء الله تبارك الله
الله يطرح فيها البركة

[wafi4sa]

الله يبارك لك فيك
شكلة يشبة الأيراني
اخي الكريم تأكد ماهوب الغطاء مولف توليف عليه
والله اعلم

[ابن هويشل]

تبارك الله كاتم نادر حقيقة الله يبارك لصاحبه ويطعمه خيره ويكفيه شره
وشكرا لك ابو سعود

[سرهيد]

السلام عليكم

هلا باخوي الكريم ابو سعود

ويحيك ربي

هذا من مزايين الفحول قصدي الكواتم :) هههههه

عز الله انه من نوادر السب

ربي يطعمك خيره ويكفيك شره

شكرا لك ولعرضك الطيب

تقبل احترامي

ابو عبدالله

[1711]

هلا بالمسهلا كاتم شخص اجل وش تصير لحمة الحاشي بوسطه

تقبل مروري

[صاحب وفى]

الله يبارك لك فيك
شكلة يشبة الأيراني
اخي الكريم تأكد ماهوب الغطاء مولف توليف عليه
والله اعلم



لا اتوقع اخي الكريم انه ايراني ولسبب بسيط ان الايراني له بلفين تنسيم حسب معرفتي

والله يبارك لابو سعود فيه ويعطيه خيره ويكفيه شره

[الخولاني]

ماشاء الله تبارك ارحم الراحمين

الوالد عنده اخوه بس اكبر خاص بعيد الضحية يا عليه مرق يشق الدماغ ماشاء الله

[MasterMind]

ما شاء الله اهنيك على هالكاتم

[المهاجر انا]

هل كان استيل من قديم الساب

[راعي الصملة]

ماشاء الله تبارك الله

[الحصان 1]

ما شاء الله تبارك الله

[نـجم الـشمال]

ماشاء الله عز الله انه انه النادر الله يطعمك من خيره بارك الله فيك ............

[حمودي96]

ماشاء الله تبارك الله

[سوبر152]

ماشاء الله شكله يهلص لحمة الهرش بخمس دقايق

[الحاتمي2006]

ما شاء الله تبارك الله يابو سعود

انشهد انك نادر ولا تجيب الا النوادر

اما من ناحية الزين ودنا نسوي مسابقة عن الكواتم


مزاين كواتم هههههه

وارشحك رئيس لجنة التحكيم

موفق يالغلا لا خلا ولاعدم

واصل ابداعك وابحارك في خليج النوادر

تقبل مروري وزودني بما تطرح

تحياتي لشخصك الكريم

[الخفاره]

يقولون مايظبط اللا بلحم ديناصور صدق؟
ههههههههه الله يبارك لك فيه

[badr_1]

يقولون مايظبط اللا بلحم ديناصور صدق؟
ههههههههه الله يبارك لك فيه

لا والله لحم الضباع فيه من اروع الطبخات في هذا الكاتم الاسطوره للمعلوميه لديه واحد وارثه من 20سنه للاخ الاكبر للصيد الكبير

[alrsash911]

الأخ ابو سعود أنا لن أعطيك حكمي الا بعد أن اسنتر على النثرية وأمزمز ضليعات الهريفي .. وآخذ قيلوله .. ثم أعطيك رأيي


تحياتي لك

[UI9JO]

السلام عليكم جميعا
هلا بخوي ابو سعودد هذا الكاتم سب اباً عن جد حيث يجي السب
المقاسات اللي من العشرين فما فوق يجي هالشكل ويبداً من 20 - 22 -24 لتر إلى هذا المقاس اللي هو 24 انا شفت ومادري اذا كان يجي اكبر من 24 لتر والدليل صور لي هذا الجزء من الكاتم كي تتضح الرويا للجميع صور نفس الصورة هذي


http://www.mekshat.com/pix/upload05/images222/mk28424_111577778888888.jpg



ويجي كاتم ايراني نفس الشكل
ويجي كاتم روسي 10 لتر شبية لة نفس هذا ادناة


http://www.mekshat.com/pix/upload05/images212/mk28424_201104031175.jpg


وسمعت انة يجي ايضاً نفس الشكل سب 10 لتر بس انا ماشفتة بالعين


وهذي اضافة معلومات عن الكاتم الروسي حيث يتراكب غطيان السب بالروسي والعكس من مقاس


4.5 - 6 لتر سب يتراكب هذان المقاسان بالروسي ب 4.5 - 6 - 8 لتر


http://www.mekshat.com/pix/upload04/images186/mk28424_111.jpg


ينقص هذة المقاسات الروسي ال 4.5 وهو نفس السب بالمقاسات


معلومة مقاسات الروسي الاختلاف في المقاسات بس بالارتفاع ولاكن الغطيان تتراكب من ناحية الروسي


ويارب ان شاء الله قد افدت بمعلومتي وان شاء الله وفقت في ذلك


وشكرا

[ابوسعدبدر]

هذا طول الله اعماركم ايراني ولاله وكيل عندنا ويجيبونه من الامارات تحياتي

[ابوسعودد]

الاعضاء كل من :

ابوصالح77 ( جزاك الله خير )

wafi4sa ( مايحتاج سب يعني سب والاخوان هنا اكدوا ذلك بالبراهين والصور ..راجع الردود )

ابن هويشل ( جزاك الله خير )

سرهيد ابوعبدالله ( جزاك الله خير ونحن نقطة في بحر ابداعاتكم طال عمرك )

1711 ابوعلي ( ياهلا بالمسهلا وبنتظار تقرير طال عمرك حسب الوعد نبي المكشاتيه يستفيدون )

صاحب وفي ( جزاك الله خير مايحتاج سب وردود الاخوان هنا تثبت ذلك )

الخولاني ( جزاك الله خير والله يخلي لكم الوالد ... ويعيد علينا الاعياد والاسلام والمسلين بخير وسلام )

master ( جزالك الله خير )

المهاجر انا ( الموضوع شوف عينك قدامك واشكر مرورك )

راعي الصملة ( الله يجزاك خير )

الحصان ( جزاك الله خير )

نجم الشمال (جزاك الله خير )

حمودي 96 (جزاك الله خير )

سوبر 152 ( انت عطنا الهرش وتشوف الهلص )

اشكر الجميع على المداخلات اللتي زادت الموضوع قيمه و ثراء .

[ابوسعودد]

الاعضاء كل من :

bbsbb5 ( الله يعطيك العافيه بابوحاتم ... ومرورك شرف طال عمرك ... وعلى طاري النوادر قريبا سوف اطرح تقرير عن موقد من النوادر )
الخفاره ( كني اشم فيه ريحة زخمة ديناصور بس ماني متاكد ... الله يعطيك العافيه )
badr-1 ( اشكرك على المرور )
alrsash911 ( ابشر طال عمرك ماطلبت الا عزك يابوخالد )
ui9j0 ( الف شكر لتاكيدك نسب هذا الكاتم وردك طال عمرك يعتبر تقرير ... شرح وافي ومعلومات قيمه )
ابوسعدبدر ( الله يعطيك العافيه ولكن الشباب اثبتوا انه سب وقد يكون كلامك صحيح تحياتي لك )

اشكر الجميع على المداخلات اللتي زادت الموضوع قيمه و ثراء .

[هبوب العارض]

ماشاء الله عليه نادر من جد
من الصناعات القديمه

[عبار درب]

يا راعي النادر هل هو سنستيل او معدن و هل هو معروض للبيع

[أبوبانا]

هلا والله بخوي أبو سعودد
الحقيقة مواضيعك كلها يتشوق الواحد للإطلاع عليها لأنها غريبة ومتجدده ومفيدة مثل هالفحل المزيون وغيره
ننتظر مواضيعك المتجددة
محبك ومغليك

[أبوعابد 22]

مشاء الله
الله يطعمك خيره ويكافيك شره

[الدافور 1430]

ما شاء الله تبارك الله الله يطرح فيه البركة

[الموركي]

الله الله وش هالكااتم ماشاء الله ...

[ابوسعودد]

الاعضاء كل من :
هبوب العارض ( جزاك الله خير )
عبار درب ( اعتقد انه معدن وهو ليس معروض للبيع )
ابوبانا ( الله يحبك يابوبانا واشكر لك مداخلتك طال عمرك )
ابوعابد ( جزاك الله خير )
الدافور ( جزاك الله خير )
الموركي ( جزاك الله خير )

[نـجم الـشمال]

ابو سعود عند الرجوع لموضوعك ورؤية الكاتم ومنظره
مااقول الا اللهم اني صايم شهويتنا للكبسة على الكاتم
وبعدها حبة جح وبطيخ بذاك الصحن باارده

بارك الله فيك سلمت يمينك وتقرير وافي يالوافي .........

[وحيد الليل404]

ماشاءالله
الله يطعمك خيرة وكفيك شرة

[الهديف]

الله يباركه لك بصراحة مزيون زي ماقلت

[عاشق السيل]

30 سنة ....؟؟؟ ماشاء الله تبارك الله أشوف كرشته طاقة من كثر أكل الدسم !!! ههههههههههه

أمزح معك اخوي عسى الله يبارك لك فيه وعقبال 30 سنة ثانية وهو بأتم صحة وعافية ....

[arrow]

وعليكم السلام ورحمة الله وبركاته ,,,

حيا الله ابو سعود ,,,
ماشاء الله تبارك الله وش هالزين ...
اول ماشفته قلت شكله ايراني ومركب عليه غطاء السيب ...
لكن عقب ردود الشباب وخصوصا مروان اللي اعطانا فكرة كاملة عن تاريخه اتضحت الصورة
ماشاء الله تبارك الله ..
الله يطعمكم من خيره ويكفيكم شره ...

[ALBDRANE]

ماشاء الله تبارك ارحم الراحمين

الوالد عنده اخوه بس اكبر خاص بعيد الضحية يا عليه مرق يشق الدماغ ماشاء الله

حلوه عليه مرق الصراحة أبقول رايي في القدر الصراحة شكله تقول زير
وأعتقد الطبخ فيه متعب بسبب شكله البيضاوي والشكل هذا غير مناسب للطبخ ولا كان أستمرو على شكله والصح كلما كانت قاعدة القدر عريضة ومستوية كان أفضل لسرعة الطبخ وسهولته كما هو حاصل في القدور الحالية .
لا أعتقد أن أحد بيرتاح للطبخ فيه بعد القدور الحالية مهما حاول يقنع نفسه فيه
ولاكن يبقى ذكريات لراعيه .

وجهة نظر وتحياتي يبو تركي

[ابوحور1]

ماشاء الله عليك يابوسعود على الموضوع الشيق والاشوق من ذالك انك تطلع القميري الي بالثلاجه ونجربهن بهاء الكاتم الرهيب والله يوفقك

[ضماوي]

كاتم نادر و غريب .. الله يطرح به البركة قل آمين

[فتاح الجواد]

الله يرزقنا واياك وكل مسلم من واسع فضله

[فتاح الجواد]

هذا جايته او(منفقع في وسطه لغم من الغام الحرب العالمية الثالثة)