هناك رابط قوي بين النار والبر عجزت اصل لسره ومعناه الحقيقي

[صوح الجبل]

السلام عليكم ... اخواني الاحبه .... هناك سؤال يراودني بين وقت ووقت ... قد يكون حله .... سهل ... لاكن عجزت اصل الى سره ومعناه الحقيقي ... وهو (ماهو الرابط بين البر والنار ).... لاتبخلوا علينا ولكم تحياتي ...

[كبريت]

ماتحلى طلعت البر بدون نار

[نقا خريم]

ماتحلى طلعت البر بدون نار
حياك الله ابو عبدالله
مثل كلام ابو محمد
ولسلام

[المتوكل]

السلام عليكم ورحمه الله نعم هناك رابط قوى جدا بين النار والصحراء لايمكن ان ينفصل احداهما عن الاخر فاالنار هداء ومنارودفئ لمن يلج مجاهل الصحراء فكم من تاهئنا ارشدته النار فى البرالى بر الائمان وانقذته من هلاك محقق 0فلا يمكن ان تبقاء في الصحراءبدون ان تفكر با اشعال نارفهى أنس ودفئ 00

لمعت نارهم وقدعسس الليل=====وحار الهادى وتاه الدليلوا

[الدهماني]

يا خوي ما تطلع للبر إلا وقت البرد
والبرد يبيله نار تدفى عليها

[سلطان الوايلي]

(( الرابط الي بينهم كلهم ينتهون بحرف الراء )) :D :D


امزح امزح ...:D

طيب
يمكن وراثة من الأباء والأجداد

:D والله امزح ...

لكن ماعليك من هالسوالف رابط ما رابط الوكاد ان الطلعة ما تصلح بدون شبة النار

,,,,, يعطيك العافية اخوي صوح الجبل بس صراحة اعجبتني كفكرة لم تكن خطرت بالي قبل كذا ,,,,,

[صوح الجبل]

تسلم .... يابومحمد .... على المشاركه .... بالموضوع .... لك تحياتي يالغالي
تسلم .... يانقا خريم .... على المشاركه .... بالموضوع .... لك تحياتي يالغالي
تسلم .... يالمتوكل .... على المشاركه بالموضوع ... واستنباط جيد اعجبني كثير لك تحياتي يالغالي
تسم ... يالدهماني .... على المشاركه بالموضوع .... ولك تحياتي يالغالي

تسلم ....يالغالي .... سلطان الوايلي .... على المشاركه بالموضوع ولك تحياتي
اشكر الجميع على هذا على .... عندي احساس ان الاخوان بيجيبون رابط قوي يقع بصميم القلب .... ننتظر

[صوح الجبل]

اخوي ..... المتوكل ... نظرتك ثاقبه وربطك فيما بينهما ..... هو واقع العرب فعلاً ...... تحيتي لك ومودتي

[مداوي]

الرابط بينهما ( البرد )

[ابوقاسم]

انا اقول شي ثاني غير اللي قالوه الشباب
ان الواحد بالبر ما يستغني عن الاكل ولابد من الطبخ وقبل اكتشاف الغاز الناس كانت تطبخ على الحطب ومن هنا جات العادة حتى لو اخذت معك اسطوانة الغاز لابد من شبة النار
والنار كانت من صفات الكريم عند العرب ليستدل بها التائه والغريب على الملجا ويجد عندها المأكل والمستراح واخذت هذه العادة والله لايخلينا من هالعادات الطيبة
مشكور اخوي صوح الجبل على اثارة الموضوع

[w5070]

ماشاء الله




موضوع رائع




النار في البر يحتاجها الشخص في الشتاء وفي الصيف ..أما في الشتاء فقد يحتاجها للدفئ والطبخ و من هذه الأشياء..وأما في الصيف فقد يحتاجها للطبخ و تستعمل أححياناً للإشارة إو للمساعدة أو التسهيل للوصول إلى المكان..



فعلاً أخي الكريم النار لها رابط كبير جداً بالبر



:.هذا رأيي والأخوان إن شاء الله مايقصرون .:




:.تقبلو مروري أخوكم أبومحمد.:

[صوح الجبل]

سلمك ربي ياخوي مداوي .... رابطك بأنه البرد .... احس انه امر واقعي لكن ليس امراً فيه اسرار بعيدة بعمق اكثر يخليك ربي آمين ....
مرحبا ومسهلا ابو قاسم تطرقت لامور فعلا صحيحه ..... سلمك ربي آمين
k h ....... تسلم ياغالي ......كلامك اروع ..... فعلا تطرقت لامور .... يحس بها الانسان .... لك تحيتي

[بنزرت]

سلام اخوي
اعتقد الرابط هو انك ماتشوف النار الا في البر والمقصود هنا نار الحطب يعني صعبه شوي تشب النار داخل بيتكم وقد يقول قائل طيب انا عندي مشب في البيت .......... واقوله الغالبيه من الناس ما عندهم مساكن خاصه عشان يصير عندهم مشب وخصوصا ان 78% من الناس مايملكون بيوتهم اللي ساكنين فيها

[EF GE]

مع التحيه للجميع ليس هناك رابط ولاكنه الحاجه فالنار الله ينجينا من نار الاخره شى ضرورى فى الصحراء تقبل الله من الجميع صيامهم وقيامهم
http://www.mekshat.com/pix/upload/do_upload.htm

[ALBDRANE]

الرابط نفسي والله أعلم ....

[برق بريده]

كلهن يوسعن الصدر لا با الشتاء ولا با الصيف

[مدور ربيع]

شبة الضوء بالبر تعطيك ..

(( احساس بالامان )) ;)


هذا الرابط الحقيقي بينك وبين شبة النار في البر


:j

[ربيع الكشته]

وجدت روابط كثيره وليس رابط واحد
1 : النار فاكهة الشتاء وهي نعيم في الدنيا وعذاب في الاخره الله يكفينا شرها في الدارين .
2 : منظرها وهي تلتهم الحطب ببطء وسيلان القطران منها يدعوا للتأمل .وكل حطبه تحكي قصة
نهايه فبعضها لايقاوم وبعضها يقاوم .
3 : رائحة السمر وهي تنتشر في الجوار مختلطه مع الكشنه أو القهوه أو الشاي أ الشواء تبعث في النفس السرور وتفتح الشهيه وأحياناً كثيره تدمع الأعين :)
4 : تنشر الدفء .
5 : تشرح الخاطر وأنت تنظر للهبها وجمرها بينما تسولف فتجعلك تنفذ لمواضع في الذاكره الخلفيه
وبالتالي تطيب السمره للسمار .
6 : عندما تغذيها بكسرات من الحطب حولك وأنت جالس .... تخرج منك شحنات موجبه ( عاد هذي تأكدوا منها )
وسلامتك .

[سحاب1111]

السلام عليكم احبتي
الرابط هو ان النار فاكهت الشتاء
فهي تعطيك الدفئ وتعطيك الضوا وتصلح عليها الاكل وشرب . بالاضافة انها تعطي المئكولات ولامشروبات نكهه غير طبيعية وذلك حسب نوع الحطب . وايضن يستئنس بها البعض عن طريق الترتيب وتحريك للحطب والجمر وتجعلك تعيد الذكريات في ماضي الاباء والاجداد
ولاكن السؤال المهم هل سوف نستطيع ان نستمتع بالنار هاذه السنة وذلك لرتفع سعر الحطب
مجرد استفسار لا اكثر

[االديحاني]

الرابط بينهم

ان النار نار والبر بعيد عن الدار
وانت الان من هالردود وش تختار

( خلوها )

[شقن بقا]

أعتقد إن الرابط اللي بين النار والبر وطبعا المقصود ( شبة نار الحطب في البر ) الضرورة فلا يمكن أن تكتمل الوناسة والكشتة بدون الحطب وشبة النار حتى لو عندك ألف مليون غاز الأشجار حواليك غالبا والحطيبات منثرة في الأرض والبريق والدلة لونها أسود يفتح نفس المكشاتي وغيره يتقرّف منه والقدر مطعّج والعقارب والخنافس والشباث حولك ياحليلهن تجي على الضو ودها بالدفا وريحة الحطب تشيلها معك لين البلد وتبقى في ثوبك يازينهااااااا من ريحة وعسى الله مايحرمنا من الحطب وشجر السمر والسلم بس الوصية لا تشبّون النار في الحطب الأخضر اللي مابعد نشف تراه مايسوى ولا يصلح

[صوح الجبل]

مرحبا باخوي بزرنت ...... فعلا تحليل له وجه جيده لكن ليس هو السر العميق والرابط القوي... لك تحيتي ومودتي