حرارة لاندكروزر ربع 97

[khaledd]

السلام عليكم ورحمة الله وبركاته
ياشباب عندي جيب ربع 97 ترتفع حرارة إلى فوق النص يفور مع العلم أن الرديتر أصلي ألمنيوم وتم تصييخه وكذلك وضعت بلف جديد 76 اللي يفتح بسرعة وغيرت كذلك غطا الرديتر ووضعت مراوح سوبارو قوية مرة أقوى من مروحته الأصلية
وش رايكم ما المشكلة هل المشكلة في المكينة ومن يعرف مكانيكي شاطر في الصناعية القديمة أو الصناعية الجديدة

[khaledd]

من يفيدني ياشباب ؟

[white heart]

تأكد من اراس لايكون فيه شعر

[khaledd]

معليش أخي كيف أعرف إن الرأش منشعر

[عطيب ومايغيب]

بجاوبك با الخط العريض
ارجو (ن) تعم الفائده للجميع ولااريد غير الدعاء ثم الدعاء

الاديتر والغطى والبلف حسب كلامك مافيه كلام


خله يحتر ووقف

وطالع في الخرطوش من المكينه الى الاديتر احيان ينصفط انتبه على ها الشي..يمكن يسكر تراى بعض الشركات يعطيك قطاع بكرتون الوكاله ويقول اصلي وهو خايس انتبه على ها الشي ...
ولو صار الخرطوش سليم شيك على طربة الماء وبعدها ابدء با المكينه يمكن الراس مشعور والله الهادر الى سوا السبيل

[khaledd]

في البدايه جزاكم الله خير لتفاعلكم مع الموضوع
إذا إحتمى يحشر وأضغط على الخرطوش أجده محجر
جربت وفكيت الخرطوش الأيمن وجدته يخرج ماء عندما أدوس على البنزين

[khaledd]

من يدلني على مكانيكي جيد في الصناعية الرياض

[شبل داورد 1]

أذا تبي تعرف الراس منشعر
أفتح غطا الاديتر أذا يرد الموتر وخله شغال
شف يطلع فقعات من الاديتر يعني كنه يطبخ أذا كان كذالك فراس تعبان

[khaledd]

شكله الراس تعبان بس من يعرف مكانيكي شاطر

[khaledd]

من يدلني ياشباب

[~EmPeRor~]

هذي مشكلتنا

من قال لك مراوح السوبارو اقوى من مراوح الوكالة .!!!!!!

هي اقوى في حالة الوقوف

اما حالت المسير < العكس

مروحة الوكالة اقوى الى 6 اضعاف من مروحة السوبارو في حالة السير بسرعه 120-150

بعدين ياليت توضح متى الحرارة < اثناء الحمل الكامل اوالسرعه العالية < فرجع مروحة الوكالة

اثناء الوقوف ,!

ولي رجعه للموضوع

[مركز حراره]

نفس السول متى يحتمي
بعد التسييخ غسلت السرندل افتح الغطاء وشوف فيه وسخ اولا
لانه حصل عنديجنا واحد منكسره غطاء الرديتر الي فوق وركبناله وحد جديده وصيخناله الرديتر وقلت له اغسل السرندل قال لا بعد اسبوع جا الرديتر متسكر من الوسخ لان الوسخ يخرج من المكينه ويسكر الرديتر انتبه وابد بلاسهل

[khaledd]

أولا جزاكم الله خيرا على تفاعلكم معي
الحرارة تأتي إذا مشت السيارة تقريبا 70 و80 ترتفع فوق النص وتستمر
ومشكلة الحرارة كانت موجودة حتى في مروحتة الأصلية أنا قلت لعله إذا ركبت مراوح تكون الحرار ة أخف لكن المشكلة استمرت

[khaledd]

مع أن الحرارة انزلت أقل من أول لكن فوق النص وتفور

[khaledd]

ونظفت السرندل والدليل الماء نظيف عندما أردت أن أركب البلف

[شاعر وحساس]

من اكبر الاخطاء هو تنظيف المكينه ياخوان والله هذا جريمه في حق سيارتك

نظف الاديتر لكن عند منظف محترم وحط ماء وكاله بدون ماء وتوكل على الله

[khaledd]

أخي حطيت ما الوكالة مع ماء مقطر ونفس المشكلة

[khaledd]

والله ياشباب صارت الحرارة لغز ماعرفنا لها حل

[التفق]

المشكله وانا اخوك من طرمبه الماء جرب شل البلف وركب الكوع بدون بلف وصب ماء اديتر مع مقطر وجرب اذا ضبط الموتر غير البلف واذا ماضبط غير الطرمبه دمت بود

[khaledd]

الله يوفقك كان مافيه بلف ويحتمي .
تتوقع الطرمبه شكلي ابغيرها وأشوف .

[التفق]

وياك الله يجزاك خير جرب شل البلف وانتضر النتائج:good2:

[khaledd]

أخي التفق الله يوفقك مافهمتي ماكان فيه بلف والحرارة موجودة قالوا ركب بلف 76 وتنزل الحرارة لانه إذا ما فيه بلف يحشر هواء ثم يحتمي قلت لشباب أنا خابر السيارة اللي ما فيها بلف تكون باردة دائما قالوا جرب وركبت بلف والحرارة هي هي موجودة ثلاثة أرباع قبل التش بشوي
الحين أبغير طرمبة المويه للعلها تنزل الحرارة

[التفق]

اوكي وانا اخوك غير الطرمبه والله يهدي موترك ويضبط:D

[وبل نجد]

احتمال كبير من الطرمبه

وترى على فكره الرديتر الألمنيوم اذا احتر الموتر فوق النص تخرب الطبات الداخالية والمواصير الداخلية

و

[ALNADR]

شوف اذا كان الموتر تويوتا والحراره ما ترتفع زياده الا اذا مشيت فوق الثمانين او مع الخط يكون دائما الاديتر كاسب حراره يعني ما ينفع لا تسييخ ولاتنضيف يبي تغيير اديتر

[khaledd]

يعني تتوقع الريديتر بس اللي سيخه يقول زين الرديتر

[hawwamT]

ياخي الكريم انا مثلك تعبت مع حرارة الموتر..وركبت مروحة خارجية..وكانت الحرارة تطلع فوق النص وانا واقف وبدون مكيف..ولكن غيرت شيئين دفعة واحدة ونزلت بعدها الحرارة..غيرت طرمبة الموية ولديتر المكيف لأنه كان يحول دون دخول الهواء من الخارج الى لديتر المكينة..لكن حاليا مع المكيف فقط تطلع الحرارة..وخرجنا من المشكلة الكبيرة والحمد لله والحين فيه مشكلة وهي حرارة الموتر مع المكيف والله المستعان..

[khaledd]

ممتاز كلامك أنا ناوي أغير الطرمبة إن شاء الله

[khaledd]

أدري إن غثيتكم لكن إعذروني عقدتني الحرارة أبي أشوف تجارب الشباب مع المشكلة ونصايحكم

[khaledd]

الحرارة وما أدراك ماالحرارة أنا أجزم إن المشكلة بسيطة لكن أين الخلل

[مركز حراره]

بدل الغطاء اذا كلن الماء
ينقص

[ابومحمد88]

غير طرمبه المويه انا قد صارتلي غيرت كل شي يوم فتح الطرمبه لقى المراوح الحديد اللي جوا متشعره اغلبها متكسره و غيرتها والحين الحراره 100 100 نفس الموديل ولاكن دوج رام 97 1500

[khaledd]

جزيل الشكر لهذا الموقع الرائع ولكل من شاركني في مشكلتي وجزاكم الله خيرا