سؤال عن كفاءة الزيت والسيارة قليل ممشاها

[You Like Me]

بسم الله الرحمن الرحيم

السلام عليكم ورحمه الله وبركاته

يا اخوان انا حريص اني اغير الزيت في وقتة
وفي العادة كل 5000 كم اغيرة

لكن الحاصل الان عندي سيارة سيدان قليل احركها
وآخر مرة غيرت زيتها قبل 4 اشهر
وطول هالفترة ما مشيت على الزيت الا 1600 كم

رجعت لدليل المستخدم يقول عند الإستخدام الشاق يفضل تغيير الزيت
كل 5,000 كم او كل 6 اشهر
وعند الاستخدام العادي يفضل تغيير الزيت كل 10,000 او كل سنة

وزي ما انتم عارفين جونا اوروبي :D ما شاء الله
انا ماراح انتظر امشي 10,000 او سنة

وحبيت اسأل اهل الخبرة الله يجزاكم خير
هل ضروري اغير الزيت حتى لو ما مشيت عليه كثير
او اكتفي بالتشييك على لزوجة الزيت كل فترة والا مر سهل

[برايدوي عنيد]

هلابك اخوي

شيك على الزيت كل فتره اهم شي ولاهنا الا العافيه

عندنا كم سياره بالبيت جيب ممكن كل 5000 الاف يغيره لو يقعد خمس شهور او اربعه

وكذلك موترين قديمات شوي كل فتره نشيك على الزيت ونزود النقص وونغير الزيت فسق ولاندري كم ماشي لان العدادات خربانه ;)

كلام مستهلك وليس كلام بنشري او تاجر قطع غيار :D

تقبل مروري

[بدوي جنوبي]

الزيت عمره طويل
وما يحتاج تغيره

[دل البحار]

قليل تحركها
انت اعرف بمشاويرك
وبعدين يا اخواني الله عطانا عيووووووووووووون نشوف بها زيت محروق ولا باقي الزيت فيه لون بني على اوسود شبه محروق

[~EmPeRor~]

افضل لك تغيرة كل 6 شهور بالكثير < لان اجوائنا غبار وزي مانت عارف الزيوت الغبار بينها محبة ( الزيت يمسك الاغبرة ) معا انه صعب دخوله عليه

لاكن من باب الاستحياط

وكذالك ازيت غير مكلف تقريبا بالكثير 120 ريال

بالتوفيق

[شيخ البادية]

الزيت ما يتغير الا مع الحرارة الزايدة أثناء الأستعمال مث لالف كيلو مشوار أما إذا السيارة واقفة ومشاوير بسيطة اتوقع السنة
ماهي مشكلة أهم شي شيك لا تصير ناقصة

[You Like Me]

اجل شوركم وهداية الله



هلابك اخوي الامبراطور
بشرنا عنك طال عمرك من طول الغيبات جاب الغنايم
منور يالغالي
والله وانا اخوك ما هيب هم والحمد لله
بس اني اشيك على الزيت ولزوجتة طبيعية وكأنة جديد
وضعت بين دليل المستخدم للسيارة نفسها اللي هي هوندا اكورد
وفي سيارات اخرى مثل الاكسبلورر يقول لازم يتغير كل 3 اشهر
حتى لو ما مشيت علية
قلت اطرح الموضوع بالمنتدى استفيد انا وغيري ايضاً


بريداوي عنيد
::
::
بدوي جنوبي
::
::
دل البحار
::
::
EmPeRor
::
::
شيخ البادية
::
::

بارك الله فيكم جميعاً
والله يعطيك العافية