فزعتكم ياخوان !!

[ادل 7973]

السلام عليكم ورحمت الله وبركاتة
اما بعد ..
فكما تلاحضون ياخوان موسم الصيد قرب وبعضنا بدا يتجهز ويتولم له
اما انا ابتولم لاكن مامعي بارود فياليت ياخوان تنصحوننا وش نشري من البواريد هذي ؟؟
1\ شوزل
2\نص شوزل
وياليت تبينون وش الصناعه الزينه لها والفشق الزين وكم اسعارة في القصيم تحديداً وياليت مع الصور >> فليته واجد :D

واذا كان الموضوع مكرر ياليت احد يخدمني ويعطيني الرابط >> لا فليته صدق :D

اخوكم \ادل 7973 وسيع الوجه

[R.C]

ادل .. وش تدل :D

اسمع وانا اخوك اذا صيدك طيور منوعه يعني كرك بط قميري قطا...الخ

انصحك بأم خمس وصناعاتها واجد بس الاسعار نااااار واذا صيدك قميري

وصفار ومن هالحركات انصحك بام حبه كامله والكامل وجه الله لا تقرب النص

هذا اللي عندي طال عمرك والاخوان مهوب مقصرين معك

[أبوعابد 22]

شف وانا واخوك خذ لك أم خمس بلجيك 33 أنش
والا أم وحده ام سيلان والرصاص الزين على حسب الظغط فيه 36 وهو أحسن شي
والي كانك بتاخذ أم وحده خلك رصاص مضغوط وعندك كاكا وعندك الفام أبوغزال رقم1

[ادل 7973]

مشكورين ياخوان على الردود وانا صيدي قميري صفار جرجس منب راعي طيور كبار


ومشكورين والله يجزاكم عني خير