فهد الهلالي
18/07/2011, 02:33 AM
اسلام عليكم ورحمة الله وبركاته
يتقدم العمر وتبقى الذكريات
هذا هو موضوع قصتي من بقايا الامس
في عام 1395 هـ كنت قادم من البر انا وابن عمي على طريق الرياض المجمعه القصيم ( القديم)
اول مافتتح ذلك الطريق وكان الوقت ليله سبت حوالي الساعه العاشره مازلت اذكر ذلك الوقت
ونحن نسير وباقي على مفرق حريملا ممكن عشره او 13 كيلوا المهم فيه صاحب سياره بيجو بكس متعطل على الطريق وهو يشر لنا يطلب المساعد ه
وقفت عنده وهو شخص واحد لحاله لم نشاهد معه احد
سلمنا عليه هه وش فيه قال بنشر ولا معي استبنه او اسبير ومعي عائله والدنيا ضلام قلنا وين العائله مانشوف احد
قال موجودين بس نزلتهم عن الطريق لايجي واحد يصدمنا والطريق ضيق ابعدتهم عن الخط
جالسين داخل عن الطريق وابيكم تاخذون الاسبير تصلحونه في صلبوخ
قلنا محطه صلبوخ بعيده اقل شي خمسه وعشريناوثلاثين كيلو
ولكن انا معي لستك جديد ومعي ارقع ولي هواء والوايرات يعني الاغراض كامله
احسن من الروحه والرجعه لصلبوخ وانت معك عائله
وانت ارتاح وان شاء الله مايكون خاطرك الاطيب
نزلت الاغراض من السياره وقعدت اصلح البنشر انا وابن عمي وعياله بالداخل في الضلام بيني وبينهم يمكن ثلاثين متر
رحت ابجيب شي من السياره ماتذكره بالضبط ياهو اللي يالرقع المهم شي يتعلق بالبنشر
الرجال معه امه عجوز كبيره بالسن ولا تستطيع ان تبعد بالحيل عن الخط وخلاها تنسدح
في شطب مجرى سيل فيه رميله وسدحها هي وعباته قريبة من السياره وصارت على مستوى الارض وضلام وعباة سودا انا ماشتفته وهو ماعلمنا عنها انها هنا قريبه
وانا اروح للسياره لعلي وطيت ابطنها وهي تزعقك زعقه العجز ووه ووه وانا اطمر مدري وش اللي طلع لي من الارض وشي لين وارفع رجلي عنها ووطاها بالثانيه اوخر هالرجل تطب الثانيه عجزت اوخر عنها وهي ووه ووه اه ايه اه والغريبه ان جسمه صغير كبر البيز وعجزت اوخر عنها
شعر راسي وقف وصار جسمي مثل المشبوك على خط 220 فولت كله يكهرب وخذ عاد جادة النمل تمشي من ساقي الى راسي ويوم وخرت عنها وانا اطيح شي طلعلي من الارض مع زعاق والضلام والعباة
وهو يطمر صاحبنا يصيح ذبحت امي الله لايعيد ك لا انت ولا لستك يمه يمه ويقعدها على حيلها
هه يمه عسى ماتعورتي
مايدري اني انا المتعور من امه
قلت يااخوي امك هبلتن هبله ما انهبلها احد لاقبلي ولابعدي
انت تقول اهلك بالداخل
وش يدرين ان امك حاطه بالشطب وعندنا
المهم كملنا تصليح السياره وتوكل على الله وانا راسي نصفه شيب
من امه الله يرحمها حية ميته
انتهت السالفه وارجوا ان اكون وفقت بالاختيار للسالفه
يتقدم العمر وتبقى الذكريات
هذا هو موضوع قصتي من بقايا الامس
في عام 1395 هـ كنت قادم من البر انا وابن عمي على طريق الرياض المجمعه القصيم ( القديم)
اول مافتتح ذلك الطريق وكان الوقت ليله سبت حوالي الساعه العاشره مازلت اذكر ذلك الوقت
ونحن نسير وباقي على مفرق حريملا ممكن عشره او 13 كيلوا المهم فيه صاحب سياره بيجو بكس متعطل على الطريق وهو يشر لنا يطلب المساعد ه
وقفت عنده وهو شخص واحد لحاله لم نشاهد معه احد
سلمنا عليه هه وش فيه قال بنشر ولا معي استبنه او اسبير ومعي عائله والدنيا ضلام قلنا وين العائله مانشوف احد
قال موجودين بس نزلتهم عن الطريق لايجي واحد يصدمنا والطريق ضيق ابعدتهم عن الخط
جالسين داخل عن الطريق وابيكم تاخذون الاسبير تصلحونه في صلبوخ
قلنا محطه صلبوخ بعيده اقل شي خمسه وعشريناوثلاثين كيلو
ولكن انا معي لستك جديد ومعي ارقع ولي هواء والوايرات يعني الاغراض كامله
احسن من الروحه والرجعه لصلبوخ وانت معك عائله
وانت ارتاح وان شاء الله مايكون خاطرك الاطيب
نزلت الاغراض من السياره وقعدت اصلح البنشر انا وابن عمي وعياله بالداخل في الضلام بيني وبينهم يمكن ثلاثين متر
رحت ابجيب شي من السياره ماتذكره بالضبط ياهو اللي يالرقع المهم شي يتعلق بالبنشر
الرجال معه امه عجوز كبيره بالسن ولا تستطيع ان تبعد بالحيل عن الخط وخلاها تنسدح
في شطب مجرى سيل فيه رميله وسدحها هي وعباته قريبة من السياره وصارت على مستوى الارض وضلام وعباة سودا انا ماشتفته وهو ماعلمنا عنها انها هنا قريبه
وانا اروح للسياره لعلي وطيت ابطنها وهي تزعقك زعقه العجز ووه ووه وانا اطمر مدري وش اللي طلع لي من الارض وشي لين وارفع رجلي عنها ووطاها بالثانيه اوخر هالرجل تطب الثانيه عجزت اوخر عنها وهي ووه ووه اه ايه اه والغريبه ان جسمه صغير كبر البيز وعجزت اوخر عنها
شعر راسي وقف وصار جسمي مثل المشبوك على خط 220 فولت كله يكهرب وخذ عاد جادة النمل تمشي من ساقي الى راسي ويوم وخرت عنها وانا اطيح شي طلعلي من الارض مع زعاق والضلام والعباة
وهو يطمر صاحبنا يصيح ذبحت امي الله لايعيد ك لا انت ولا لستك يمه يمه ويقعدها على حيلها
هه يمه عسى ماتعورتي
مايدري اني انا المتعور من امه
قلت يااخوي امك هبلتن هبله ما انهبلها احد لاقبلي ولابعدي
انت تقول اهلك بالداخل
وش يدرين ان امك حاطه بالشطب وعندنا
المهم كملنا تصليح السياره وتوكل على الله وانا راسي نصفه شيب
من امه الله يرحمها حية ميته
انتهت السالفه وارجوا ان اكون وفقت بالاختيار للسالفه