أي موقف ظريف يحصلك تعال وأسدحه هنا-- برعاية أبو فايز الجبرتي [الأرشيف]

مشاهدة النسخة كاملة : أي موقف ظريف يحصلك تعال وأسدحه هنا-- برعاية أبو فايز الجبرتي

**محمد الجبرتي**

18/07/2011, 01:33 PM

http://www.mekshat.com/pix/upload04/images177/mk163694_mk49539_sa00.jpg

أسعد الله مسائكم بكل خير جميعاً
من أعضاء ومشرفين وزوار هذا الصرح الشامخ منتديات مكشات
بما أننا في وقت ركووود
قلت خلينا ياأبو فايز نفرفش مع هالوجيه الطيبة والغانمة
خلينا نونسهم ونضحكهم ونوسع صدورهم
وقلت مالها إلا المواقف الظريفة المضحكة اللي تحصلنا

والله وانا اخوكم ما أبغى الشماته لأحد لكن مقصدي الضحك والفرفشة
بس ما مطولاٍ عليكم أنا أبدابكم
***
الموقف هذا سلمكم الله حصلي قبل سنتين
وانا وقتها جاي من الدوام قافلة معي واصلة أتش على قول الشباب الطاحسين
واول مادخلت البيت و طلعت الثوب
توي مطلعه بغير ملابسي وإلا تجيني ست الحبايب أمي الله يحفضها
قالت أبغاك تروووح تجيب أغراض للغداء
من البقالة قلت أبشري اطلع ثوبي وأغير ملابسي قالت
لا روح طلع ثوبك وروح قلت يالله اخذت الفلوس
***
وطلعت مع الباب وانا اللي مخه فاصل والله من العتب اللي فيني
ماستحمل أدور الفراش أبغى انام والله وأدخل البقالة
وأخذ الاغراض ووقتها كان الهندي اللي يبيع يغسل الارضية
حقت المحل وأنا خارج مسرع تدرون ايش صار
والله ماطلعت إلا من نص الباب تخيلوا بسرعه متهورة
والله لوتشوفوني وانا طايح برا تقال فيلم هندي
***
انظر فيدي ورجولي واحصحص راسي
ألا كلي أحمر دم من الضربة القوية
اللي بغت تخليني تالف وألتفت للهندي
ألقاه فاتح فمه متريين من الظحك قلي
انت سمسم جاكيشان قلت فنفسي لا وربي إني عافيشان يعني<عفش>
والله ويطلع و احد من الجيران من صوت الصقعه
ماقصر الرجال الله يحفظه ساعدني جابلي ماء
ووداني للمركز الصحي قريب من الحارة اللي حنا فيه
وينظفون الجروح ويعقمونها وماقصر وقفني عند الباب حق البيت
والمصيبة اللي أكبر من ذي اللي فك الباب
أمي وهاتك صياح زعيق رج البيت
وانا وأقسم بالله كلي ضحك عشاني
نسيت الاغراض اللي صوتني أمي بها فالمستوصف

المهم حكيت القصة كلها لأمي قالت
الحمد لله على كل حال
وفي الختام أشكركم أخوتي
على استحسانكم واستمتاعكم قرااائت هذا الموقف
أرجو من جميع الاعضاء ان يتفاعلوا مع الموضوع وان مايقف عندي

احترامي وتقديري لكم
محبكم

محمد بن فايز الجبرتي

Al3rands

18/07/2011, 01:41 PM

هههههههههههههههه الحمد لله على السلامه

سليمان الربيعان

18/07/2011, 02:28 PM

ههههههههههههه
الحمد لله على السلامه وهانت يوم جت على كذا
نتظر جديدك...

حائل 2010

18/07/2011, 02:40 PM

اجل الهندي ميت من الضحك ههههههه

ملك الفكتوريا

19/07/2011, 12:15 AM

أنا موقفي يرفع الضغط

تخيلوا مضيعين أنا وواحد من الشباب ندور مطعم مشويات مضبوط

تخبرون المشوي لازم واحد يضبطه

المهم وقفنا عند نقطه قالنا امشوا وانا وقفت وقلت له وين الشارع التجاري

قال الشارع التجاري

هات الرخصه والاستماره وخويك الاثبات

ويرصعنا بمخالفه عدم ربط حزام

وبالاخير خويي يقول مالها داعي مشوي خلها فول ونرجع

قلت والله ما اتعشى الا فيه مخالفتين وبالاخير فول

وبالاخير يا ليتنا اخذنا شاورما ابرك

Makaveli

19/07/2011, 12:22 AM

ههههههههههههههههه

قوافي ( أم نهار )

19/07/2011, 12:35 AM

حياك الله اخوي
المواقف المضحكه والمحرجه لا يخلو منها شخص
مشكور على طرح الفكره
تحياتي.اختك
..قوافي..

سما وماء

19/07/2011, 12:40 AM

ههههههههههههههههههههههههههههههه

الحمد لله على السلامه

ياشين الزلقه شيناه :)

ذكرتني كنت معزوم على عشى باستراحه المهم بالمدخل مبلط والشيبان والشباب كلهم متكين بالثيّل

والله وانا اللي اجي مدرعم مع البلاط واثاري فيه طمنه مع الثيّل وانا عيوني فوق للسماء هههههههه

ودردب الا انا على وجهي والثوب طلع اخضر :) والناس تقولي اسلم اسلم وانا عرقي له صبصبه :)

بس الحمد لله عدت على خير هههههههههههههههههههههه

بندر الشريف

19/07/2011, 12:59 AM

الله يعطيك العافية يالجبرتي على هذه المساحة الجميلة اللتي من خلالها نطرح المواقف الطريفة اللتي مرت علينا
وإن شاء الله لي عودة لموضوعك لكي أطرح مامر علي من مواقف طريفه بس خليني أتذكرها ولي رجعه بإذن الله
بارك الله فيك أخي الكريم
تحيتي لك

أخوك / بندر الشريف

حسن ابو طالب

19/07/2011, 01:00 AM

هلا فيك ابو فايز

وانا من المتابعين لهالمواضيع

لما فيها من قصص روعه

لكن فيه موضوع مشابه من اخونا ناصح وقديم وفيه من القصص والمواقف الي ماتخطر على بالك

تفضل

من منكم حصل له موقف غريب خارج عن المألوف..!!! (http://www.mekshat.com/vb/showthread.php?t=51370)

رفيع المقآم

19/07/2011, 11:25 AM

ههههههههههههههههههههههههههههه
واصلوإأآ

**محمد الجبرتي**

19/07/2011, 12:09 PM

أشكركم جميعاً اخواني لكل من شارك بهذا الموضوع

لا زلنا في انتظار مزيد من المشاركات والقصص

خالداللهيبي (ابو احمد)

19/07/2011, 01:13 PM

تسلم يابو فايز الجبرتي
على الموضوع
على مااعتقد انه لابد كل شخص مر بموقف لاينساه بس الكثير يتحاشا حتى
يسولف به
يالربع المقصد المشاركه والوناسه فقط لاغير 0"
شاركوا يالربع

الموقف اللي بقوله لكم
ماحصل علي انا شخصيا وانما حصل على واحد من الربع
وانا اخترته لانه موقف قوي 00 قوي جداااااا
واصلا نادر جدااااههههه

الرجال بدوي ومعزوم عند واحد من الربع فالبلد في مكه وماقصر راع البيت وطبخ له غدا بالبيت
هو ومعه اهل البيت ويجهزون فيه

المهم الرجال قبل الغدا بشوي يبي دورة المياه الله يكرمكم وروح ويوم رجع يبي المجلس وتشابه عليه الابواب
فتح باب ثاني جنب باب المجلس وهو يدخل بصاله وتوهق
الرجال استمر وفتح باب والياه في ممر وداخ
ماعرف يرجع للمجلس
ونشب
الغرف والابواب كلها مثل بعضها ومن رهبة الموقف ضاعت البصيره
واصل يقول انه يبي يخرج من الغرف باية طريقه
قبل يصادف احد

استمر
والياه بوسط بيت معزبه داخل
والا صياح الحريم والورعان

ياولد
ياولد
عود وراك
قدامك الحريم

المعزب انحرج وزعل وضحك وفهم الموضوع الذي واضح عليه حسن النيه

لكن
صاحبنا من شدة الاحراج كره الحياه ويقول انه ماتغدى
ومااذاق العيشه
من الاحراج
ومعزبه ميت من الضحك
ياولد هونها الموضوع بسيط

اما هو تنكد
وحلف ماعاد يروح العزايم
فالشقق وقعد يومين مريض من هاك الزعل

والقصه واقعيه ومضحكه 00

اتمنى تنال اعجابكم وتقبلوا كل التحيه

مطر وسم

19/07/2011, 09:25 PM

بما انكم بالمواقف المحرجه والمضحكه بقولكم قصه حصلت علي ثاني ايام عيد الفطر المبارك قبل عدة سنوات قليله
كنت مشخص ولابس لبس العيد ومعزوم على العشاء في استراحه اقارب لي مجتمعين جمعة عيد
المهم كنت لابس ومتجهز وناقصني بس عقال عقالي الاول اخذه اخوي ووهقني رحت بسرعه لمحل مستلزمات رجاليه بشري عقال على وقت اذان العشاء ولبق بسرعه عند المحل وجايك مدرعم بخش المحل احسب بيبانه مفتوحه طبعا قزازشفاف ونظيف مره اللي يشوفه مايقول فيه باب واصقع بالباب بقوه على وجهي وارجع ورى مترين من قوة الصقعه واطيح وتتوصخ ثيابي ويصب خشمي دم والله لايوريكم طلعت كأني صلاخ ذبايح
كل من شافني مات ضحك وانا دوروني ماتحصلوني ضعت واستحيت وبسرعه ركبت سيارتي وعلى البيت وشطبت على العزيمه

وسلامتكم

**محمد الجبرتي**

20/07/2011, 10:28 AM

ألف شكر لكم أخواني
عبودي اللهيبي وعاشق أم سيلان
على المشاركة الأكثر من رائعه
بارك الله فيكم
لا زلنا في انتظار مزيد من المشاركات والمواقف

وكل عام وانتم بخير
أخواني اعضاء ومشرفين وخبراء
منتديات مكشات

سارق الوقت

20/07/2011, 11:52 AM

مره دخلت البيت وشفت المره لحالها وما قدرت امسك نفسي وقربت يمها ......... مشفر :D
وما انتبهت ان حدى العيال 7 سنين يشوفني مدري منين طلع علي
واجلس اهوش عليه ليه تطلع للشارع وهو اصلا ما طلع وقصدي اخرشه واصرفه عن اللي شافه :p
هذا اقوى موقف محرج حصل لي

اذا فيه حرج لكم حق حذفه

ضامي الشوق 20

20/07/2011, 01:14 PM

سارق هههههههههههههههههههههههههههههههههههههههههههههههههه ه

**محمد الجبرتي**

22/07/2011, 05:38 AM

بارك الله فيكم
لا زلنا في انتظار مزيد من المشاركات والمواقف

ولا يوقف لا يوقف لايوقف
:good2::good::good2::good:

ارتاح بالبر

22/07/2011, 05:53 PM

الله يعطيكم العافية على ها المواقف الطريفة والرائعة

عساس المطر

22/07/2011, 10:07 PM

.
.
اذكر موقفين حصل لي شخصيا ..
الاول :: احد الجيران بعيدين عن بيتنا شووي توفى والـمـهـم قالوا العزاء في الاستراحة الفلانية ,,
المـهـم ذهـبـنـا الى الاسـتـراحـة قـبـل صــلاة الـعـشاء وطبعا مانعرف اهل الميت واقاربه زين
المهم نحن اربعة اشخاص ونخش عليهم ونسلم ونقول عظم الله اجركم واحسن الله عزاكم ..
والنــاس مــسـتـغـربـة مـنا >> طــلـع عـنـدهـم عـقـيـقـة وتعال شوف الاحراج هههههه
فكان موقف جدا محرج .. عزونا على العشاء لكن طلعنا من عندهم بكل كلفة .
:::

اما الموقف الثاني اعوذ بالله نسيته
اذا اذكرته برجع من جديد

تقبلوا مروري وتقديري للجميع ..

,,,

ابو صفوق

23/07/2011, 05:41 AM

فكره ممتازه وزوينه

**محمد الجبرتي**

23/07/2011, 06:59 AM

.

.
اذكر موقفين حصل لي شخصيا ..
الاول :: احد الجيران بعيدين عن بيتنا شووي توفى والـمـهـم قالوا العزاء في الاستراحة الفلانية ,,
المـهـم ذهـبـنـا الى الاسـتـراحـة قـبـل صــلاة الـعـشاء وطبعا مانعرف اهل الميت واقاربه زين
المهم نحن اربعة اشخاص ونخش عليهم ونسلم ونقول عظم الله اجركم واحسن الله عزاكم ..
والنــاس مــسـتـغـربـة مـنا >> طــلـع عـنـدهـم عـقـيـقـة وتعال شوف الاحراج هههههه
فكان موقف جدا محرج .. عزونا على العشاء لكن طلعنا من عندهم بكل كلفة .
:::

اما الموقف الثاني اعوذ بالله نسيته
اذا اذكرته برجع من جديد

تقبلوا مروري وتقديري للجميع ..

,,,

هههههههههههههههههأأأأإإإآآآي

يامرحبا والله بأخوي عساس المطر
بصراحه موقف محرج
قسم بالله تقطع بطني من الضحك
حفظك الله لا تنسى الدين
:D:p:D:p
أقصد الموقف الثاني

لك مني كامل الود لا ينقص منه شيء

**محمد الجبرتي**

24/07/2011, 02:01 PM

بارك الله فيكم
لا زلنا في انتظار مزيد من المشاركات والمواقف

وحيد الليل404

25/07/2011, 11:59 AM

هههههههههههههههههههههههه
الحمدالله على السلامة

عيسى عبد الله

28/07/2011, 02:04 AM

سلام عليكم ورحمت الله وبركاته

أتا صار لي موقف ..بس من نوووووع أخر ...

اليكم الموقف ...

قمت اليوم والى البيت صاير فيع ثوووووووووورة بسب قدووم رمضان

بما أن الوضع في الوطن العربي تعبان

أستغلت أمي الله يحفضها هذا الأسلووب الجديد ..

وسوت على أبوووي أنتفاضه قوووووويه وأحتجاجات ..

وتأمر الثوار على نزووح قائد الشعب ..

وأن الثوره صارت عندي بالبيت ...

والوالده مضربه عن الطعام والطبخ ..في رمضااااااااان

ويقوووووول زعيم الثووووورة الي ههي أمي الله يحفضها ...

أبي خادمه بمناسبت رمضااان ...

والله أثرت فينا أضطربات العرب وسقوووووووط رؤساء ...

وخوفي أن رأيس الشعب ..يسقط من السلطه ثم نروووووح طعام جحوووش ...

وخصوصن أن الشايب أصدر قرار بأنه ..راح يتزوووج ..وأزدات الأمور سوء وتعقيد ...

بما زاد الوضع توتررر وسوء وسقووط زعماء ومنصبين من مناصبهم ...

وبصراحه الشايب حس فيه خيانه في الحرس الجمهوري ...

وضم حرس جمهوري أنتحاري من أفريقيامتخلفين ..

بما أني أنا صرت في موقف أن حيادي جداا...؟؟؟؟

لا أستطسع أن أقف مع واحد واترك الثاني في الأخير والدي ...وحقوق الوالدين صعبه

وأنا صرت ومشيت في باب صلح ...

ورحت عن أمي أهدي الوضع ...وأحاول احسن في الأموووور ..وكيسين بطل كبير على ضهري ..<<خخخخخخخ
وجيت عن أبي أصلح الأمووووور ..وأبريق شاي ربيع خادر جاني يمشي طبلونه وضربني به لين قامت شوشتي تتدخن ...<<<خخخخخخ
جاء أحد أخواني وزعل من قرار الذي أصدره أبي الي هو زعيم حركة الشعب للأصلاح ..
والقرار مايلي ...
منع أخي من الأقتراب من الأبل الي بديره كلها ومنعه من الحليب وأكل الحووم ...
مما أجعل أخي ينضم لزعيم الثورة (أمي))ويتدرب تحت يد أمي للكراتيل والأحزمه الناسفه والتفخيخ بستعمال ..البر السمن البري والفلفل الحار ..ظ
وزاد الموقف تأهب قصور وحضر التجوووول في الصاله ..والمقلط والمجلس ..والملحق والحوش الكبير
مماقال زعيم الشعب ..بأمر الطائرات الحربيه بقصف عمودي لمن شافووه يوطوط في الحوووش ...
مماتدخل وساطه من الجيران لحقن الدماء ..ورفض ريس الشعب وزعيم الدوله ..من تدخلات أجنبيه ..والمجلس الدولي ..ويقول بكل همجيه ..سنعالج بطريقتنا الخاصه ..
مما منع المواد الغذئيه عن المعارضين ..ومنعهم من مشااهدت التلفاز ..والنت ..
مما أدى ض
صعووبه في أتقاط أي خبر
ووصلنا خبر عاجل يقوووووووول ...
بأن سقطت منطقتين في أيدي المعارضين ...ورفعت أعلامهم هناك ..وهي ..
الصاله والغرفه ووالمطبخ ويقول ريس الثوورة موت جوووووع ياريس الشعب ..
مما أصدر ريس المعارضه بأخذ الحطه والحذر ..وتخبي بالخزااااان ..
وقال ريس الشعب والزعيم ..
بأرجووع للملحق ..والتخبي فيه والتمركزز وتككثيف الدوران الجوووي ..حتى يتم السيطره عليها ...\
وأفادنا مراسلنا هناك ..بأن في سقووط ضحايا ..وهي خرووف ..قد مات بأعيره ناريه ..ونقل للمستشفى ومات هناك ..
اليكم مووجز الأخبااااااار ..
طن طن طن طن طن طن طن طن طن
فرش فرش ..معكم أذاعت لندن ..تحييكم والسلام عليكم ؟؟..
في صباح هذا اليووم شن ريس الثوورة على الزعيم ...عدت هجمات
وقام الزعيم بتصدي لها طائرات الجووويه..
وأصيب فيها مراسلنا هناك أصابات خفيفه ؟؟..
ولما طلبنا أن يتحدث معنا ورفضضضضضض بقوله كبرياء المراسلين قد ينهارر
ويطمنكم بأنه بخير ويقول أني سأخذ بحقي ولن أترك لهم شيء ..وسأخذ بثأري ..ولن يروح جرحي بلاش ..
وتم أستعادة اصاله والمقلط والمطبخ ..من الثووواااار ..
وأصدر الزعيم ..بفقدان جنب حاشي ..كان في الثلاجه وجنب خرووف ..
أثرا تحدث ريس الزعيم ويوققوول جعله حريمه في بطوونكم ..ماخلتوو لنا شيء ..خخخ
مما أثار غضب الثواار ..وأزداد الأمر سووء ..والله الهادي لسواء السبيل ..

أنتضر من ردرودكم كيف التعامل ومعهم ..حخخخخخ

الذيب الاشهب1

28/07/2011, 02:55 AM

88iiiiiiiiiiiiههههههههه عز الله المصيبة موقف صعب جدا

معاذ الحارث

28/07/2011, 11:06 AM

يا عيسى عبدالله
الحل عندي
لاخماد هذه الثورة تحتاج الى اظهار الانقياد والانصياع لمطالب الثوار لكن دس السم في العسل ;)
اليك الخطه ..

.
أولا اذهب لرئيس الدوله وقوله اصدر بيان بأنك ستنصاع لأوامر الثوار وتحقيق كافة مطالبهم باستقدام شغالة قبل ما ما يقوم حلف النيتو "الخوال والاعمام" باعتبار زعيم الثورة هو الممثل الرسمي للشعب .

لكن على مين!

وهنا يجي دور السم اللي بالعسل قوله استقدم شغاله من سلوفاكيا ونتيجة لذلك عند وصول الشغالة في أول يوم وانصدام زعيم الثورة بالمنظر سوف تعلن عن التخلي عن المطالب ووجوب التعاون مع الرئيس للتخفيض من التكاليف الزائدة على البلد نظرا لوضع الاقتصاد المتدهور وهي تتعذر بهالاعذار وتقول يالله الخراج ..

وش حيثي

28/07/2011, 06:41 PM

السلام عليكم ورحمه الله وبركاته
حقيفه الموضع اعجبني جدا
وهذي اول مره اشارك سواء
في المنتى هذا او في اي منتدى اخر
انا مثل ماتقولون المشارك الصامت
اللي يدخل ويستفيد ويطلع
لكن هالمره جاز لي هالموضوع
وحبيت اشارك فيه
لان المواقف الطريفه اللي مرت علي كثيره
لاحصر لها وبعضها طريف وبعضها حزين اومخجل
بالنسبه لي
وكذالك بعض الامور اللي مرت على بعض من الربع
راح اذكرها انشاء الله
وراح استهل كلامي عن موقف صارلي شخصيا في خطبه واحده من خواتي الله يوفقها ويسعدها
والسالفه كا التالي

انا وابوي وعدد من اخواني كنا في انتظار المعرس واهله عشان الخطبه
ولعلي كنت متحمس اكثر من اللازم وكنت انتظر عند درج البيت الداخلي انتظر بس الجرس يرن
وكان الوقت قبيل رمضان بايام السالفه اني مليت من الانتظار ووالله ويدق الجرس
واكون اول المستقبلين عند الباب ويوم فتحت الباب الاوذاك الشويب اللي واقف عند الباب وماامداه يحكي او ينطق كلمه الا وانا حضنه ومبوسه وياهلا ويامرحبا اسفرت وانورت
وطرت به بالعجه وادخله جوا وانا اجره جر والظاهر انه مايبي
ويوم دخلته الا ويسلم عليه ابوي واخواني ويجلسونه بصدر المجلس ويقهونه
ويوم ساله ابوي وين ولدك المعرس قال اي (ولد)
وما امداه ابوي الله يطول بعمره يكمل الا والمعازيم دخلوا مع الباب المعرس واخوانه ومعهم شايب
ويوم قلطناهم وجلسوا ومار يقوم الشويب اللي دخلته ويستأذن ويوم قاله ابوي
تونا ما امدا ويقول للمعرس قل لابوك تو الناس مامداه يجلس ومار يقول المعرس منهو هذا مهوب ابوي
شف الاحراج علي انا وعلى ابوي واخواني فدام المعرس واهله واتاري الرجال يطق الباب يبي يسأل مضيع بيت يبي يسير عليه ولاعادت يطق على بابنا واطير قبل لا اسمع منه
احرااااااااااج مابعده احراج
بعد ذالك منعني ابوي من بعض المناسبات فتره من الزمن
هذي اول قصه والباقي بالطريق انشالله

وش حيثي

29/07/2011, 04:53 PM

الموقف الثاني
يخص واحد من الربع الله يستر عليه
ويقول انه واقف في مطعم يطلب ويوم قضى طالب طلع من المطعم
يقول ما ادري واثره برا المطعم مبلطينه والبلاط متكسر ويقول خشت الزبيريه وانتم بكرامه
بالمتكسر ويخبط على وجهه وكان ماسك بيده اليمنى الجوال وبيده اليسرى ساندويش شاورما
ويقوم مع الخبه ويلقط الشاورما ويخلي الجوال
وهو ناسي ويوم ركب سيارته الاويجي واحد الله يجزاه خير ويطق عليه الدريشه ويعطيه جواله
الموقف الثالث
شباب راكبين هايلوكس 92 وعددهم 5 ومتجهين للديره
ويقوفون عند نقطه تفتيش ومار تجيهم الخبه اللي يسوق مامعه
رخصه والباقين حاطين اثباتاتهم بالبيت
المهم ويوم جا دورهم ويناظر فيهم العسكري
ويقولهم تفضلوا (امشوا) تحركوا شوي همين وقفوا
ومار يعطلون السير ولعل العسكري رجع لهم معصب وقالهم (قلت لكم امشوا ورا ماتمشون)
وينزلون الثلاثه اللي ورا ويدفون الموتر واثرها طافيه عليهم
ويقعد يضحك عليهم العسكري ويساعدهم وينتعون السياره

الذيب الاشهب1

29/07/2011, 10:54 PM

88هههههههههههههههههههههههههههههههههه الموفق الاخير ورطة

عيسى عبد الله

30/07/2011, 08:37 PM