ممكن مساعده بليز سجلت بسالكم

[علامه استفهام]

السلام عليكم
بدون مقدمات انا وحده مالي بهالمواضيع .....اكيد طبعا
بس بالمختصر ابغى اهدي زوجي بندقية صيد هو دايم يصيد ارانب او طيور او ضبان
الشي اللي بساله البنادق لمن تجون تشترونها عادي تشترون من المحل وتطلعون وش سالفه التصاريح معليش قدروا اني ما افهم
ثاني شي ابغى احسن بندقيه تصير عمليه وتصير هذا الشي اللي من تحت خشب ضروري معليش على الوصف ما اعرف اسمه
وابغى سعرها والمحل عادي اي مكان سمعت ان سوق الزل فيه بنادق ما ادري ترى وش القصه بس ما ابغى شي مستعمل يعني
وبس
صراحه مستحيه منكم بس صار لي سنه ابحث في الموضوع ما عرفت قلت مالي اللا انتم

[R.C]

قلت مالي الا الله ثم انتم



وعليكم السلام

اذا عندك استعداد تدفعين من 15 الف الى 17 الف اشتري له اكستريما2

وبالنسبه للبيع الحين متشددين يعني الافضل انك توصين اخوك يشتريها

اتمنى اني افدتك

[GMC 111]

نفس كلام اخوي RC

[ابومعاذ z22]

والله يااختي في الله تبين العلم لالالالاتشترين له بندق من تولع بالصيد تراه مايجلس بالبيت بالعربي (من شعيب الى شعيب)
وبعدين تقولين زوجي مايجلس بالبيت.
نصيحتي اعطيه المبلغ الي بتشترين به البندق وقولي هذا هدية
وهو يتصرف فيه يمكن عليه ديون ولا التزامات ثانية تراها تنفعة
خذيها من ناصح..

[ابوريان القحطاني]

والله يااختي في الله تبين العلم لالالالاتشترين له بندق من تولع بالصيد تراه مايجلس بالبيت بالعربي (من شعيب الى شعيب)

وبعدين تقولين زوجي مايجلس بالبيت.
نصيحتي اعطيه المبلغ الي بتشترين به البندق وقولي هذا هدية
وهو يتصرف فيه يمكن عليه ديون ولا التزامات ثانية تراها تنفعة

خذيها من ناصح..



بيض الله وجهك كلامك عين العقل



افضل هدية تقدمها المراءه لزوجها

احجزي ع ماليزيا 15 يوم ورجلك على رجله ووالحمد لله ع النعمه انا اشوف هذي افضل هدية

[ابوطيف2]

السلام عليكم

عليكم السلام
بدون مقدمات انا وحده مالي بهالمواضيع .....اكيد طبعا
بس بالمختصر ابغى اهدي زوجي بندقية صيد هو دايم يصيد ارانب او طيور او ضبان
الشي اللي بساله البنادق لمن تجون تشترونها عادي تشترون من المحل وتطلعون
بالنسبة للمحلات مافيه محلات رسمية الشراء يكون بالسوق السوداء فقط وبتحفظ

وش سالفه التصاريح معليش قدروا اني ما افهم

بالنسبة للتصاريح هو رخصة من الدولة للسلاح الذي تشتريه عشان إذا مسكوا الدولة السلاح معك يفكون الواحد,,,
للمعلومية التصريح مغلق منذ سنوات هناك نوعان من الأسلحة نوع مرخص ونوع غير مرخص يعني السلاح المرخص أغلى من الغير مرخص بحكم إغلاق الترخيص
,,,يعني إذا تبين تشرين اشري غير مرخص اسهلك من إجراءات نقل الترخيص ووغيره
ثاني شي ابغى احسن بندقيه تصير عمليه
أنواع وأشكال لكن مثل الجوالات عشرين ألف نوع لكن مثل ماقال اخونا اكستريما ممتازة

وتصير هذا الشي اللي من تحت خشب ضروري معليش على الوصف ما اعرف اسمه
وابغى سعرها والمحل عادي اي مكان سمعت ان سوق الزل فيه بنادق ما ادري ترى وش القصه بس ما ابغى شي مستعمل يعني
وبس
الجديد غالى وغير متوفر إلا ماندر والمستعمل متوفر اكثر من الجديد
صراحه مستحيه منكم بس صار لي سنه ابحث في الموضوع ما عرفت قلت مالي اللا انتم


عاد من كثر الصيد الحين انا عندي البارود ماثارت من فترة هههه

[سعودأبوفهد]

السلام عليكم
بدون مقدمات انا وحده مالي بهالمواضيع .....اكيد طبعا
بس بالمختصر ابغى اهدي زوجي بندقية صيد هو دايم يصيد ارانب او طيور او ضبان
الشي اللي بساله البنادق لمن تجون تشترونها عادي تشترون من المحل وتطلعون وش سالفه التصاريح معليش قدروا اني ما افهم
ثاني شي ابغى احسن بندقيه تصير عمليه وتصير هذا الشي اللي من تحت خشب ضروري معليش على الوصف ما اعرف اسمه
وابغى سعرها والمحل عادي اي مكان سمعت ان سوق الزل فيه بنادق ما ادري ترى وش القصه بس ما ابغى شي مستعمل يعني
وبس
صراحه مستحيه منكم بس صار لي سنه ابحث في الموضوع ما عرفت قلت مالي اللا انتم


والله وانا اخوك صعبه تشترين وصعب انك تنقلين التصاريح

مير اقوللك وخوذي على شوري تراه والله موب قاعد بالبيت

عطيه الفلوس احسن


تقبلي مروري

[علامه استفهام]

شكرا لكم ما قصرتوا حسيتها صعبه جدا
بس انا قريت هنا انكم تشترون بنادق هوائيه وتقولون من محلات المقناص حسبتها سهله

[ابو نعمه]

شكرا لكم ما قصرتوا حسيتها صعبه جدا
بس انا قريت هنا انكم تشترون بنادق هوائيه وتقولون من محلات المقناص حسبتها سهله
هي سهله لما يروح رجال يشتري لانهم يطلبون منه صور و صورة بطاقه و شاهدين ع شان التصريح و الهوائيات اذا بغيتي هوائيه قويه عندك الفايروخ80 او ديانا 350 ماقنوم ممتازه

[مسافر وحداني]

ههههههههه

يا حليلك زوجتي تمنى اني ابيع البنادق اللي عندي من كثر طلعاتي للصيد

لكن احسن لك وله رحلة خارجية تغيير جو وكذا تكون افضل هدية لك وله

[علامه استفهام]

هي سهله لما يروح رجال يشتري لانهم يطلبون منه صور و صورة بطاقه و شاهدين ع شان التصريح و الهوائيات اذا بغيتي هوائيه قويه عندك الفايروخ80 او ديانا 350 ماقنوم ممتازه
طيب هذي يبغى لها بطاقه وشغلات صعبه
بالنسبه للي يقول تراه بيترك البيت هو دايم تاركه للصيد وما راح يترك الصيد ليش انكد عليه وانكد على نفسي تاقلمت وهو مبسوط وانا مبسوطه

[هاوي عبث]

حياك الله اختي ..

انا من رأيي اذا انتي مصره تبين له بندق عطيه الفلوس بيده
وقولي له انك ناويتها لبندق منها يشتريها على نظره وممكن اذا كان في باله وحده اغلا يزيد عليها
ومنها اسهل يكون التصريح باسمه وسهله عليه .
ولا حولي لهديه ثانيه ..

الله يوفقك وعليك بالاستخاره في كل الامور

[دل البحار]

الافضل لاتجيبين سيرة بنادق ولا صيد
بيهج عليك كل يوم ومن ديره في شعب والله يعين
كلام الاخوان ماقصروا معاك انتي الافضل لكم بالمبلغ الموجود
زياره الى جده مكه المدينه عمره
وتكون فيها رفاهيه يعني فنادق حلوه وتسوق هذا مابوسعي اقوله ""

[جهاام]

ههههههههههههههههههههههه لا تعليق

[عناز الحره]

الله يزيد المحبه بينكم


اهديه سلق بس انتبهى تخرعينه ويوديك لاأهلك:mad::D:D
ههههههههههه










مثل ماتفضلو الاخوان عطيه الفلوس بضرف كهديه ماديه احسن:good2:

[بعيد الهقوة]

ماشاء الله تبارك الله

الله يهنيكم ويسعدكم

يالربع بعض الزوجات ترفع الراس بارك الله فيك يابنت الاجواد

انا بالنسبة لي اول ماتزوجت زعلت زوجتي من اللي عندي من اسلحة وجاها خوف

وكل ماطلعت قنص صار موال وليش .. وانت ماتجلس .. واشغلتنا .. وانت مطابني بالاسلحة

قلت خذها معك وخلها تشوف

والله يالربع انها الحين تقنص معي وتكشت وتضبط الدلة وتحوف الكبسة للقميري واللي يقسمه الله من صيد

اذكرو الله يالربع

واخر طلعه صيد حجل وشوينا والحمد لله رب العباد


يابنت الاجواد اذا بتشرين سلاح له اسألية بهدف المعرفة وش السلاح اللي ناقصة ويتمناه

يمكن يكون رخيص ومتوفر وفيدونك الاعضاء
ويمكن يكون غير موجود بالبلد ولاتعبي نفسك

ولا البسي شماغ ولا جا الموسم روحي معه هههههههههههههههههههههههههههه

تحياتي

[راكب النيسان]

انا من رايي انكم تسافرون برا وشله بالبنادق البنادق لهل البنادق

[RC4]

وعليكم السلام ورحمة الله وبركاته

اولاً الله يزيد المحبه بينكم ان شاء الله

وبالنسبه لــ الهديه والله وانا اخوك والله صعبه حيل

بسسبب عدم وجود محلات خاصه ب بيع الاسلحه الناريه

كما ذكروا الاخوان

وافضل هديه اعطاه المبلغ في ظرف والحمد لله

[فرخ قطا]

اذا ملزمه على هديه سلاح وصي اخوك ولا اي واحد يقربلك وخليه يشتريله
ولا عطيه مبلغ وقوليله اشتر بارود الي يناسبك

[عبـرود]

ياخي اكلتو بنت الاجواد بقشورها الي يقول عطيه الفلوس والي يقول سافري وش دخلكم انتو

جاوبها على قد سؤالها المره تبي تفاجئ زوجها بهدية من النوع الي يهواه مالكم شغل الرجال يطلع والا يدخل ..

شوفي اختي انا معك في فكرة الهدية اذا ميزانيتك فوق ٥ الاف اخذيله سلاح

ناري الي يسر الخاطر بالتعاون مع احد اقاربك اخذيله خرازه مثلا مجرد مثال

والله يديم المحبه مابينكم .. ودي وتحياتي

[قانوص قديم]

السلام عليكم عسى الله يجمعكم على طاعة الرحمن والله ماني من السعوديه الحبيبه انا من اخت السعوديه الصغيره الكويت ولا كان فدتك

[ابو صقر 111]

والله يا اخوان انا بدأ يضعف نظري ويوم قلتوا ان زوجاتكم تخرج معكم للصيد سوف ابحث عن زوجه جديده وسوف اشترط يكون نظرها سته على سته وأقوم بتدريبها من اجل تصيد وأنا آكل00وشكرا

[مخاوي دابذريع]

قبل أمس مطوقين سوق خبن البشوت بالدوريات الظاهر ان الدعوه خاربه خاربه .......

[علامه استفهام]

والله يا اخوان انا بدأ يضعف نظري ويوم قلتوا ان زوجاتكم تخرج معكم للصيد سوف ابحث عن زوجه جديده وسوف اشترط يكون نظرها سته على سته وأقوم بتدريبها من اجل تصيد وأنا آكل00وشكرا
لالالا انا ما اتقبل الصيد نهائي ولي موقف ضده ومستحيل اضيع وقتي اركض ورى ارنب
بس ما احب افرض رايي ولا انكد على زوجي واذا هو يحب اي شي اعطيه جوه بس هذا كل ما في الامر
وبالنسبه للبندق خلاص هونت ما عاد ابغى اشتري حسيتها صعبه جدا
لو عندي اخو او احد بيشتري لي كان خليته يسال لي ويشتريها بس ما عندي عشان كذا انا محتاره واسالكم
وما قصرتوا واقتراحاتكم للهديه بصراحه ما تطري على بال اي حرمه صدق ان تفكير الحريم بوادي والرجال بوادي ثاني
وشكرا لكم ما قصرتوا
واسفه اني تطفلت على منتداكم

[ibrahim.k.s]

شوفي وانا اخوتس


ازل شي تعوذي من ابليس وقولي لا اله الا الله

اذا هو هاوي صيد انا اشوف حلوه الفكره

بش معليش على هالكلمه

يمكن عشانتس حرمه منتب قادره تدبرين تفستس

خوذي شوري

اذا لتس اخو ولا خال ولا عم او اي احد وصيه ومب مقصر ان شاء الله

وافضل ان وصيتي احد وصي رجل له بالصيد

واتمنى اني افدتتس

[ibrahim.k.s]

ان وهونتي شوري عليه كشته انتي وياو

انا لو متزوج كان طلعت مع زوجتي عشان اغير نفسيتي ونفسيتها

وانتي ما تطفلتي ولا شي المنتدى هذا جاهز لاي شخص بالعالم يحتاج افاده

وترى ابقولتس شي تفكيرتس هذا تشكرين عليه

لان ما يفكر هالتفكير

وما تصبر الزوجه على الزوج راعي الصيد

وما يسوي الي تسوينه

الا بنت الاجواد

فيه حريم الله يهديهن يطلبن الطلاق من الزوج الي راعي صيد

اما الي مثلتس

مستانسه ومعطيه الزوج جوه وتشجعه علي هالشي تسمى بنت اجواد

وشكرا

واعيد واكرر انتي ما تطفلتي

[محمد الدوسري ٢٠٥]

هههههههههههه