أدخل وعلمني

[سلاااامات]

السلام عليكم ورحمة الله وبركاته

وش حالكم ياأعضاء مكشات الحلوين

بغيت منكم نصائح وتوجيهات بخصوص الطير أذا (طلع) يعني لما يكفخ معي بالموتر وش أسويبه اهده وأسلم أمري لله وألا أعس المنطقه قبل لا ارخي أسبوقه لأن العام أو قبل العام واحد من الربع طيره طلع على بومه وشبطته مع الثنادي ومن عقبها هده على حبارى وماعاد يقربها بس يوقع بجنبهااا

وبما إنا من الصمان والله مكثرهن عندنا في كل مكان تلقى طيور البوم

وش السواااه يالربع أبي أرشادتكم يا أساتذه


دمتم بود

[الحمش1]

عليكم السلام

والله شف فيه طيور ماتكفخ الا على الحبارى

اذاك واثق من طيرك انه مايكفخ الا على حبارى هده

[سلاااامات]

عليكم السلام

والله شف فيه طيور ماتكفخ الا على الحبارى

اذاك واثق من طيرك انه مايكفخ الا على حبارى هده


كلامك صحيح بعض الطيور تكفخ على الحبارى وبعضهن على كل متحركه

وأنا ماني واثق بطيري والمشكله ماودي أظلمه أذا كفخ معي وأجازيه بالحبس أخاف تطلع روحه

[@السيف@]

ونا اخوك عطه سبوقه وستودعه الله الذي لا تضيع ودائعه وفالك الخرب لكن هل هو صايد معك ولا مولفه علي هداد الحمام

[سلاااامات]

ونا اخوك عطه سبوقه وستودعه الله الذي لا تضيع ودائعه وفالك الخرب لكن هل هو صايد معك ولا مولفه علي هداد الحمام

هلابك السيف منور الله يخلي لنا هالراس ويطول بعمرك أنا متابع لك أول بأول من خلال مواضيعك وردودك وأستفدت منك حيييييل من غير قاصر في جميع الأعضاء كلهم خير وبركه

ومن ناحية الطير صايد مع صقار قبلي وشراه واحد من الربع وأهداه لي

[ابوعزيز2007]

انت تحقق على خفيف وتوكل على الله يارجال وفالك الخرب ان شاء الله

والسلام خير ختام

[سلاااامات]

انت تحقق على خفيف وتوكل على الله يارجال وفالك الخرب ان شاء الله

والسلام خير ختام



فالك الزين يابو عزيز أشكرك على تفاعلك يالذيب

[فهد الدقباسي]

السلام عليكم ورحمة الله وبركاته

وش حالكم ياأعضاء مكشات الحلوين

بغيت منكم نصائح وتوجيهات بخصوص الطير أذا (طلع) يعني لما يكفخ معي بالموتر وش أسويبه اهده وأسلم أمري لله وألا أعس المنطقه قبل لا ارخي أسبوقه لأن العام أو قبل العام واحد من الربع طيره طلع على بومه وشبطته مع الثنادي ومن عقبها هده على حبارى وماعاد يقربها بس يوقع بجنبهااا

وبما إنا من الصمان والله مكثرهن عندنا في كل مكان تلقى طيور البوم

وش السواااه يالربع أبي أرشادتكم يا أساتذه


دمتم بود


:good2: افضل لك <<<الي بالون الاحمر

[بوغلب]

الصقار ياخوي يعرف وجه طيره مع الخبره .. الطير وجهه عالحبارى يتغير .. وجهه عالحمام غير عالملواح غير عالحبارى .... في طيور طلاعه وطيور لو الحبارى قدامه ماغير الطير يناظر فوق يدور الطاير ... طيرك وأنت أبخص .. نصيحتي أن نقلت الطير ترببه وبعدين تدرج له بط أو رومي صغير أو دجاج حبش على بعد الكيلو أو أقل أو أكثر وشف طير شلو طلعه وشف وجهه .. علمه ويعلمك .. والله يوفقك

[hawwamT]

لا تخلي الطير يهد الا وانت تقص جرة..أو فيه مطر وماتقدر تقص الجرة ...بس في هالحالتين من رأيي

[ابوسمرى]

رايي سم بالله وودعه الله وهده لأنه يمكن يطلع على الحبارى وهي لابده وانت ماتشوفها واذا كانه طلع على بوم حوله بملواح ولا بشلو......
واحترم رأي الاخوان .....

[راعى شاهين]

اذا عندكم بكثره البوم لاتهده وخاصه ام اذان الكبيره تراها تذبح الطير واذا ماذبحته عورته ولا يقوم يهد على الحبارى الا القليل من الطيور لانها هى اذا طارت من بعيد ومقفيه حبارى خالصه فانتبه لاتهد الا ان تعس المكان وتشوف وجهت طلع الطير وتراعى لارض فيها اثر او لا وتقص التلاع الى طلع يمها وسلامتك

[الحربي أبوذيب]

ماقصرو الشباب كلن ادلى بدلوه وفالك الخرب

[سلاااامات]

:good2: افضل لك <<<الي بالون الاحمر

منور فهد هذا هو اللي حاصل أعسها عس ههههه

[سلاااامات]

الصقار ياخوي يعرف وجه طيره مع الخبره .. الطير وجهه عالحبارى يتغير .. وجهه عالحمام غير عالملواح غير عالحبارى .... في طيور طلاعه وطيور لو الحبارى قدامه ماغير الطير يناظر فوق يدور الطاير ... طيرك وأنت أبخص .. نصيحتي أن نقلت الطير ترببه وبعدين تدرج له بط أو رومي صغير أو دجاج حبش على بعد الكيلو أو أقل أو أكثر وشف طير شلو طلعه وشف وجهه .. علمه ويعلمك .. والله يوفقك

هلابك يالامير الله يوفق الجميع فعلاً كلامك صحيح وطريقة التدريج فكره حلوه وأن شاء الله أجربها

[سلاااامات]

لا تخلي الطير يهد الا وانت تقص جرة..أو فيه مطر وماتقدر تقص الجرة ...بس في هالحالتين من رأيي

الله الله على الرأي وعزالله أنك صادق

[سلاااامات]

رايي سم بالله وودعه الله وهده لأنه يمكن يطلع على الحبارى وهي لابده وانت ماتشوفها واذا كانه طلع على بوم حوله بملواح ولا بشلو......
واحترم رأي الاخوان .....

طريقة الملواح ميه ميه أشكرك ابوسمرى

أنا اعرف لي صقار بندقه ماتنزل من السياره مخصصه للبومه يسدد لها طيار قبل ياصلها الطير بواردي ماشاء الله عليه,,,بس والله من يومن بيجي ويقشط الاثنين:eek:

[راعي صلفوق]

سلام عليكم ورحمت الله وبركاته اخوي اذ طيرك طلع على شي وطلبه هده وتوكل على الله ترقبو مروري راعي صلفوق

[سلاااامات]

اذا عندكم بكثره البوم لاتهده وخاصه ام اذان الكبيره تراها تذبح الطير واذا ماذبحته عورته ولا يقوم يهد على الحبارى الا القليل من الطيور لانها هى اذا طارت من بعيد ومقفيه حبارى خالصه فانتبه لاتهد الا ان تعس المكان وتشوف وجهت طلع الطير وتراعى لارض فيها اثر او لا وتقص التلاع الى طلع يمها وسلامتك

هلابك راعي شاهين أنا ما ذبحني الا أم أذاني (الكندره) وأكثر خوفي منها

أشكرك على المعلومات

[سلاااامات]

ماقصرو الشباب كلن ادلى بدلوه وفالك الخرب

فالك الزين ابو ذيب الشباب ماشاء الله عليهم أساتذه
أنتم كذاااااا:good:

[سلاااامات]

سلام عليكم ورحمت الله وبركاته اخوي اذ طيرك طلع على شي وطلبه هده وتوكل على الله ترقبو مروري راعي صلفوق

وعليكم السلام راعي صلفوق شكرا لك

[جلاد الحباري]

لازم تعرف طلع طيرك بعض الطيوراذا اطلع على حبارى يكفخ على جنب بسرعة تحس انه يبي يتكسر وبنفس الشعور اذا شاف طير معه علف ودائما الطير اذا كان سبق انه طلع على الحبارى من التكايه تلقاه مايوعد واجد تلقاه يطلع على طول الا اذا كانت الحبارى بعيده او انها تحبري تلقاه صامل ومتردد بسبب ان الحبارى تتقي من ورى الشمع وهناك حالات كثيرة المهم وبشكل عام الطير لامن صدت به مره وأمرار وجربته من التكايه راح تعرف طلعه بشكل افضل اتمنى اني قد اوفيت بالمطلوب وسامحني على القصور

[سلاااامات]

لازم تعرف طلع طيرك بعض الطيوراذا اطلع على حبارى يكفخ على جنب بسرعة تحس انه يبي يتكسر وبنفس الشعور اذا شاف طير معه علف ودائما الطير اذا كان سبق انه طلع على الحبارى من التكايه تلقاه مايوعد واجد تلقاه يطلع على طول الا اذا كانت الحبارى بعيده او انها تحبري تلقاه صامل ومتردد بسبب ان الحبارى تتقي من ورى الشمع وهناك حالات كثيرة المهم وبشكل عام الطير لامن صدت به مره وأمرار وجربته من التكايه راح تعرف طلعه بشكل افضل اتمنى اني قد اوفيت بالمطلوب وسامحني على القصور

جلاد الحبارى الله يكثر من أمثالك وماجاء منك أقصور (يا أستاذي;)) عزالله أنك كفيت ووفيت :good2:

[الطبشي]

السلام عليكم
خذ من ها النصيحه اذا طيرك مايطلع على الحباري بس لاتفرعه
الا عند جرتها وهي جديده
واذاكان انت مجبور بحكم الارض حجر
اول مايكفخ وتشوف انه مطلع شي برقعه وعس القاع
وهذا الي اشوفه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

[سلاااامات]

السلام عليكم
خذ من ها النصيحه اذا طيرك مايطلع على الحباري بس لاتفرعه
الا عند جرتها وهي جديده
واذاكان انت مجبور بحكم الارض حجر
اول مايكفخ وتشوف انه مطلع شي برقعه وعس القاع
وهذا الي اشوفه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


هلابك الطبشي منور واشكرك على الافاده يالذيب ومعلومه طيبه