المساعد الشخصي الرقمي

مشاهدة النسخة كاملة : شاي الربيع مع الطبخات البرية.....يرتفع سعره


علاوي المكاوي
19/07/2011, 04:39 AM
بسم الله الرحمن الرحيم

السلام عليكم ورحمة الله وبركاته

اليوم تفاجأت بأن شاي ربيع يرفع سعره إلى ثلاث ريالات أو أربع ريالات ماني متأكد بالظبط وبالنسبة للمحل إلي قريب مني لاحظت إرتفاع ريال واحد قبل أسبوع وتحدثت مع البائع وأعرفه شخصياً وقلت له شاي ربيع ارتفع ريال عن أول قال صحيح هذا الكلام قبل أسبوع والحين ارتفع مرة ثانية يعني خلال أسبوعين ارتفع مرتين المرة الأولى ريال والمرة الثانية
ثلاث ريال أو أربع ريال وقال أنا ماأرفع السعر وأنا أمشي بالسعر القديم لين ينتهي إلي في المستودع ((يعني إنسان يخاف الله)) وقبل شوي مريت على سوبر ماركت وحصلت العلبة حجم 400 جرام سعرها 17 ريال
والسعر القديم كان 14 ريال أو 13 ريال تقريبا ماني متأكد بالظبط.

وتعود ملكية الشركة لأحمد محمد صالح باعشن وشركاه

وهو أيضاً المصدر لشاي أبو جبل

وأنا عارف إنه تاجر مستغل سمعت شاي ربيع وأبو جبل وعلى باله إنه الشاي الأول في المملكة مادرى المسكين إن شاي ربيع تغير طعمه من سنتين بعد ماغير شكل العلب البلاستيك وغير شكل العلبة الحديد وفوق كذا صار يعبأ ويستورد من مصر يعني ماعندك أحد.

((اللهم أبعد عننا الغلا والوبا والربا والزنا والزلازل والمحن وسوء الفتن ماظهر منها ومابطن))
ع العمرو
19/07/2011, 04:44 AM
الله يريد بنا خير الصبر الصبر والله المستعان.
ابولولو
19/07/2011, 05:02 AM
اخوى قبل 8 ساعات شريت ربيع حبيبات 200غرام 7 ريال
من محلات الربوه
وطبعن لو شريت 400غرام يبى يطلع 12او 13
وسلامى لوزاره التصبيره والتشغيره:D
ياما نبى نشوف عجب من وزاره الطفش
galawy1
19/07/2011, 05:06 AM
ما حبوش اصلا
رعد الصحراء
19/07/2011, 06:19 AM
وعليكم السلام ورحمة الله وبركاته



حياك الله



بالنسبة لزيادة الأسعار لا جديد !!!



كل شي أرتفع والمشكله أننا شعب ندفع !!!



طيب إلى متى ؟؟؟



ليه مايكون فيه مقاطعه مثل ماصار على شركة المراعي ؟؟؟



الحقيقه أنا استخدم شاي الوزة وتفاجأت في زيادة السعر من 14 إلى 17 والآن في 16



لو تبحث أو تسأل ماهو سبب الإرتفاع مافيه أي دليل !!!



التاجر مسيطر ولا حياة لمن تنادي !!!



فيه شاي أستخدمه الآن ( العالمية ) والصراحه أنه ممتاز والسعر 9 ريال



موجود في ثلاجة العالمية



وهذي صورة الشاي


http://www.m5zn.com/uploads/2011/7/18/photo/071811200711z6xntnsj.jpg



ومن خلال هذا الموضوع نبدأ بمقاطعة شاي ربيع والوزة



وخلوها تخيس بالكيس :)



تقبل تحيتي
أبوحمزه
19/07/2011, 06:41 AM
وخلوها تخيس بالكيس


يالله ياشباب المسلمين فكر في غيرك من اخوانك الفقراء

جزاك الله خير
بوخليفه77
19/07/2011, 11:48 AM
الله المستعان
صحيح كلامك اخوي رعد
(( نقاطع ))
بس صدقني اذا راح نقاطع وندور البديل بنلاقي بس
اعتقد بيكون كل وقتنا ورى
المقاطعه ووو والبديل

والله يعين الجميع
تحياتي
«نجم الخير»
19/07/2011, 11:56 AM
قد بينوا أن ارتفاع المواد الغذائية والأدوية والعقار والسيارات وغيرها وصل خلال إلـ 5 سنوات الأخيرة إلى ما بين 70 إلى 400 % , مؤكدين على أن هذا الارتفاع سيتسبب مع مرور الوقت إلى اختفاء الطبقة الوسطى بشكل تدريجي مقابل زيادة ثراء الطبقة الغنية مما سيخلق مشاكل سيصعب السيطرة عليها مستقبلا.
pass2love
19/07/2011, 08:49 PM
اصلا الطبقه الوسطي اختفت

ياكثر اتواع الشاهي

السيلاني والهندي

واسعارها رخيصه
دل البحار
19/07/2011, 08:54 PM
الشاي كبوس ابو يمن عليه مزاج
وبلاش ربيع وبلاش صيف
المحصل المالي
19/07/2011, 09:36 PM
نروح للبديل

وقد يكون جديد وغير معروف

ومع الوقت تطاله رياح الغلا
علاوي المكاوي
20/07/2011, 01:36 AM
لحد الآن الارتفاع ريال واحد فقط في العبوة الحديد 400 جرام.

وصاحب البقالة يقول فيه ارتفاع جديد على شاي ربيع من الشركة بس لحد الآن الارتفاع ريال واحد فقط .
صاحب وفى
20/07/2011, 01:56 AM
وعليكم السلام ورحمة الله وبركاته



حياك الله



بالنسبة لزيادة الأسعار لا جديد !!!



كل شي أرتفع والمشكله أننا شعب ندفع !!!



طيب إلى متى ؟؟؟



ليه مايكون فيه مقاطعه مثل ماصار على شركة المراعي ؟؟؟



الحقيقه أنا استخدم شاي الوزة وتفاجأت في زيادة السعر من 14 إلى 17 والآن في 16



لو تبحث أو تسأل ماهو سبب الإرتفاع مافيه أي دليل !!!



التاجر مسيطر ولا حياة لمن تنادي !!!



فيه شاي أستخدمه الآن ( العالمية ) والصراحه أنه ممتاز والسعر 9 ريال



موجود في ثلاجة العالمية



وهذي صورة الشاي


http://www.m5zn.com/uploads/2011/7/18/photo/071811200711z6xntnsj.jpg



ومن خلال هذا الموضوع نبدأ بمقاطعة شاي ربيع والوزة



وخلوها تخيس بالكيس :)



تقبل تحيتي



هذا الكلام الصح ولكن من يطبق كلاً همه نفسه ولو فعلاً نصير يد واحده ضد التجار المغالين بالاسعار والله ثم والله انهم يرضخون ويرضون بالربح المعقول لكن لا حيات لمن تنادي

اما شاهي الربيع كان زمان واذكر مره كنت مسافر للمنطقه الجنوبيه وشربت شاهي والله ثم والله الربيع عنده ولا شي واخذت كرتون منه ويوم رجعت طبعاً بعد فتره خلص وقعدت ادور عليه لين طفشت ورميت الكرون حقه قالي واحد لا تدوره لانه غير معروف ( غير معروف ) هذه مشكلتنا نتبع
الاسماء فقط .

بارك الله فيك اخي كاتب الموضوع وعلى حرصك
ابوعبدالله البدراني
20/07/2011, 02:57 AM
ياليت يتم تفعيل خدمة الفيس بوك ومقاطعة كل شي يرتفع بدون سبب كما فعل مع المراعي
سليمان الربيعان
20/07/2011, 09:21 AM
الوالد مشتري قبل شهر من الي يبيعون قدام مسجد الراجحي
شاهي بنتليز 5 ريل (ريال) ماهنا اطعم منه...
escape_man
20/07/2011, 09:38 AM
قد بينوا أن ارتفاع المواد الغذائية والأدوية والعقار والسيارات وغيرها وصل خلال إلـ 5 سنوات الأخيرة إلى ما بين 70 إلى 400 % , مؤكدين على أن هذا الارتفاع سيتسبب مع مرور الوقت إلى اختفاء الطبقة الوسطى بشكل تدريجي مقابل زيادة ثراء الطبقة الغنية مما سيخلق مشاكل سيصعب السيطرة عليها مستقبلا.


ياسلام ..

يعني ترجع ثقافة الغزو الي كانت قبل 170-200 سنة والجيد يفكها من التاجر بيمناه :)

الله يستر لكن فعلا الفقر سبب كبير لاختلال الأمن ولابد من تكاتف المجتمع بهالموضوع.

المقاطعة انا مجربها وتعطيني راحة نفسية وانا راضي بهالنتيجة.
N.awaf
20/07/2011, 10:45 AM
لحوول ولا قوه الا بالله ..
وش بلاهم العالم .. كلن بدا يرفع بضااعته
الوافي.
20/07/2011, 11:00 AM
عليك بشاهي ممتاز او بنتليز

رخيص وكويس

المهم نغير ثقافتنا وذوقنا

اذكر واحد من الربع بعد ان ارتفع سعر الهيل صار يخفف شوي شوي لين قطع الهيل وصارت قهوته فقط قهوة بدون اي اضافات مع العلم انه راعي كيف
جربتها معه كل ماطلعنا والله انها طريقة ممتازة والان بدأت بالتقليل من الهيل والعويدي وارتاح من الحموضة في الامعاء بسبب الهيل