شاركونا بأرائكم الطيبه

[al-ahmadi7]

السلام عليكم ورمحة الله وبركاتة

الله يمسيكم ويصبحكم بالخير,وبعد:
أخواني الأعزاء انا في حيرة من أمري وذلك لشراء سيارة بإذن الله قريبا من نوع جيب ولأني احب البر لكن مااطلع الى تقريبا مرتين بالشهر وراعي سفر شبه اسبوعي والديره عندنا جبليه لكن الغالب مااروح كثير وانا ناوي ان شاء الله على جيب ولأول مره فوجدت عدة سيارات واريد منكم وبحسب الخبره ان تفيدوني فيها من ناحية السعر وتكلفة صيانتها والجوده والله يجزاكم بألف خير وأسأل الله أن يبارك لكم في شعبان ويبلغكم رمضان.والسيارات كالأتي:
1- لاندكروزر 2009 جي اكس ار سعودي v8 ماشي 75 الف السعر 175000
2- لاندكروزر 2007 في اكس ار خليجي v8 ماشي 73 الف السعر 170000
3- لاندكروزر 2007 جي اكس ار سعوديv6 ماشي 38الف السعر 140000
4- جيب لكزس 2007 lx 470 سعوديv8 ماشي 63 الف السعر 185000
5- باترول سوبر سفاري 2008 سعودي v6 ماشي صفر السعر 145000
6- تاهو ال تي زد او يوكن دينالي جديد
7-غير ذلك , وانا اسف على الإطاله وكأننا في امتحان لكن يعلم الله ان ارائكم تهمني جدا بعد أستخارة المولى عزوجل ولكم خالص الشكر والإمتنان

, وكل عام وانتم بخير

[قناص عفيف]

جيب لكزس اذا بر وخط وراحه

[al-ahmadi7]

اشكرك اخوي قناص عفيف بس كيف تكلفة الصيانه؟

[قناص عفيف]

بصراحه كان مع وحد من الزملاء يمدح فيه والصانه كل سياره على حسب استخدام الوحد ورجله وبتوفيق

[al-ahmadi7]

جزاك الله الف خير

[محيسن1]

السلام عليكم
اخوي vxr موتر وبعدين شيك متي ماحدتك الظروف طلابه وااااااااااااجد
ولاتنسي الاستخارة الله يدلك علي الزين وانا اخوك

[al-ahmadi7]

بيض الله وجهك أخوي محيسن1 على الراي الطيب.

[الهايم 2007]

السلام عليكم ياااغالي شف بنسبه لالندكلوزر توكل على الله وخذه مشاء الله موتر لك ولزمن ومااايتطلب واجد ونااا اخوك صحيح انه سعره غالي بس يستاهل وبنسبه لجيب اللكززس مافيه اخلاف موتر بعد بس كثيرة تقنيات السيارة والسيارت متى مااصرت كثيره تقنيتهااا يبيلهاا تشييك واجد والخيار لك وناا اخوك ولا تنسى الاستخاره في كل شي وربي يرزقك بوسع رزقه

[al-ahmadi7]

وعليكم السلام ياخوي الهايم2007 عز الله انك ماقصرت يالغالي وصدقت الاندكروزر مافي مثله
وانا ميولي 70% عليه والله يكتب اللي فيه الخير لنا ولكم.

[al-ahmadi7]

أرائــــكـــــم يــاأهـــــــــل الخـــــــــــبره

[al-ahmadi7]

???????????????

[بو شوق]

لاندكروزر 2009 بس حاول تأخذ واحد نظيف.( ونصيحة أخ حاول تأخذ جديد لوتقسط الباقي ولاتأخذ مستعمل)
أما التاهو واليوكن شوف الرابطة حقتهم الله يكفينا الشر كل مشاكل.
والأستخارة أولآ.

[al-ahmadi7]

اشكرك أخوي بو شوق وجزاك الله الف خير.

[المااااهر]

أخوي/ أحمد
أرى أن الاسعار التي ذكرتها فيها مبالغة كبيرة، وسأعطيك قيمتها المعقولة:
لاندكروزر 2009 جي اكس ار سعودي v8 ماشي 75 الف السعر 175000
قيمته المعقولة=165000
لاندكروزر 2007 في اكس ار خليجي v8 ماشي 73 الف السعر 170000
قيمته المعقولة=150000
لاندكروزر 2007 جي اكس ار سعوديv6 ماشي 38الف السعر 140000
قيمته المعقولة=130000
جيب لكزس 2007 lx 470 سعوديv8 ماشي 63 الف السعر 185000
قيمته المعقولة=170000
باترول سوبر سفاري 2008 سعودي v6 ماشي صفر السعر 145000
قيمته المعقولة= 125000

[MGS88]

استبعد السفاري للصيانه و لانه مايتقارن مع المواتر الباقيه
الامريكي حلو جدا وملك في الخط والراحه والمواصفات والسعر ولكن ما اعتبره من الجيوب لو فيه تقنياتها لكنه مايتحمل طلعات البر والكد
واللاند جيب درجه اولى لو الموديلات الجديده خذوا مجرى الامريكي لكنه يظل جودته عاليه
ولو تسألني قلت لك لاند 2011 جديد جير عادي
وانت شف الموتر اللي يناسبك لانه محد سايقه غيرك فاقتراحي كان بالنسبه لو حصلت لي الخيارات هذي

[أبوعابد 22]

خذلك شاص اصبر من الموتر كلها

وبالتوفيق

[al-ahmadi7]

اشكرك اخوي الماهر على إفادتي بأسعار السيارت وجزاك الله الف خير

[al-ahmadi7]

على قولتك ياخوي MGS88 مااحد راح يسوق السياره غيري لكن يعلم الله ان ارائكم تعتبر جواهر بالنسبه لي والله يكثر من المثلك والشرواك ياخوي.

[al-ahmadi7]

ان اشهد ياخوي ابوعابد ان الشاص مابعده موتر للبر لكن ماتشوفها صعبه شوي انا والمره وعيالي مسافرين بشاص,والله يجزاك بألف خير على المشاركه.

[al-ahmadi7]

كل عام وانتم بخير

[al-ahmadi7]

أرائكم تكفون ياجماعة الخير

[الشلفا]

من رأيي لاندكروزر موديل 2010 وليس 2009 لأن شكله أفخم , والسعر اللي حطيته لـ 2009 مثل ما قال الماهر غالي شوي

ونصيحة لا تا خذ 2007 6 سلندر , وإن كنت راغبه فخذ الفي إكس آر 8 سلندر بس سعر اللي قلت عليه غالي جدا
والآن عندي رجال شرواك جرب الـ 2007 وتحت والآن معه 2011 جي اكس آر 6 سلندر يعني ماهو 8
ويقول اللي ما هو راعي بر بكثرة لا يتعداه ويترك الـ 2007
وأنا بصراحة جربت الهدد 2004 و2006 و 2007 بالبر خذ ولد , لكن الخطوط ممل جدا وغير مريح
ولا يقارن براحة وقوة الجديد

[عبدالله7777]

اذا كنت في محلك اباخذ 2007 vxr
وأولا وأخيرا الاستخـاره ونا خوك فيها خيـر
بالتوفيــق ,,

[al-ahmadi7]

أشكرك اخوي الشلفا على معلومتك الطيبه وشرواك الطيب وانا اخوك لكن كيف موديل2010 في البر والمحجر
واشكرك أخوي عبدالله7777 وعزالله صدقت لكن وين النظيف وإن حصلته تلقاه مغلينه بالحيل
وجزاكم الله ألف خير وبالتوفيق لنا ولكم

[عاشق_البرية]

بما انك منتب راعي بر بلحيل
وتمسك خطوط واجد
وعايش في منطقة جبليه
انا انصحك ما تاخذ جيب مستعمل الا من واحد انت تعرفه زين
لان الجيوب غالبا تنكرف في البر

- باترول سوبر سفاري 2008 سعودي v6 ماشي صفر السعر 145000

تراه موتر بس ما يصلح لراعي البر اليومي

العالم تدوره ذا الجيب حيث انه انقطع
وماسك سعره جدا خصوصا بعد ما نزل الشكل الجدييد منه اللي هو الكبير والغالي والفخم جدا والمبالغ فيه من ناحية التكنولوجيا او السعر
والله يوفقك

[راعي براوننق]

نصيحة مجرب وانا اخوك
خلك على الاندكروزر2009
واهم شيء النظافة

[حسن الشمالي]

نصيحة لك
خذ الباترول
اكرفة سنتين
ثم تبيعة بخسارة 10الاف فقط...