المساعد الشخصي الرقمي

مشاهدة النسخة كاملة : أبي ورشه متخصصه في قيور الباترول


NissaN 1990
19/07/2011, 11:15 AM
السلام عليكم
عندي باترول 1998 قير تماتيك ولعة لمبه في الطبلون at check الكلام هذا أمس الأثنين
و أنا طلعت عليه الثمامه قبل أمس الأحد وطعست عليه وجرت عليه شوي بدون تنسيم
و طلعت عندي هذي اللمبه أمس بالليل ولاحظت عليه اليوم الصباح أنه على سرعة 80 وسرعة 100 مايريح القير يعني الظاهر أعلى حد فيه الغيار الثالث ويبقى شاد الموتر اللي يعرف أخصائي قيور كويس غير ورشة أبو صالح التركي لأنه مزحوم أكون له من الشاكرين
عبدالرحمن السالم
19/07/2011, 11:29 AM
وعليكم السلام ، واحد من اخوياي معه شروكي وكان اذا طعس تولع لمبه القير معناته ان القير محتمي واكبر غلط تدخل النفود وتجر على الموتر بدون تنسيم يعدم عليه اشياء كثيره من ضمنها حراره الموتر وحتى القير ، انا ماراح افتي عليك لكن جرب غير الزيت مع الفلتر يمكن ان شاء الله يضبط معك
والشباب ماراح يقصرون بأذن الله
NissaN 1990
19/07/2011, 12:51 PM
وعليكم السلام ، واحد من اخوياي معه شروكي وكان اذا طعس تولع لمبه القير معناته ان القير محتمي واكبر غلط تدخل النفود وتجر على الموتر بدون تنسيم يعدم عليه اشياء كثيره من ضمنها حراره الموتر وحتى القير ، انا ماراح افتي عليك لكن جرب غير الزيت مع الفلتر يمكن ان شاء الله يضبط معك


والشباب ماراح يقصرون بأذن الله




جزاك الله خير وماقصرت على التوضيح وماجرت على الموتر جور جور يعني طلعت راس عرق ووقفت ونزلت مره ثانيه أجيب أغراض من البقاله وطلعت فقط طلعتين
وبالنسبه لزيت القير مغيره قبل شهر مع الفلتر ،،،،
comابوسليمانwww
19/07/2011, 01:51 PM
اخويNissaN 1990 انا صار معي مثل الي صارلك ورحت لابوصالح التركي وغير لي كتاوت بـ60 ريال وضبط
NissaN 1990
20/07/2011, 03:54 PM
يعطيكم ألف عافيه نوروتو الموضوع بردودكم ومروركم رحت لأبو صالح التركي و أرسلني على سوداني جاره فاهم في القيور التماتيك وصلح لي الموتر ب 100 ريال علماً بأن كل الورش قالو توضيب قير لأن الكلتش الرابع خربان ،،،
اخر كلام
20/07/2011, 09:15 PM
يعطيكم ألف عافيه نوروتو الموضوع بردودكم ومروركم رحت لأبو صالح التركي و أرسلني على سوداني جاره فاهم في القيور التماتيك وصلح لي الموتر ب 100 ريال علماً بأن كل الورش قالو توضيب قير لأن الكلتش الرابع خربان ،،،

السلام عليكم

ماشاء الله والحمد لله ان الموتر زان وارتاح بالك وقولة توضيب هذي مفروغ منها عند اهل القيور ارخص لهم يفك قيرك ويركب غيره وماتاخذ منه نص يوم والمبلغ جامد
You Like Me
20/07/2011, 10:37 PM
الحمد لله اللي جت على كذا
ولا سلمت السيارة لاول واحد قالك توضيب
الله يبارك لك في حلالك
ولاعاد تروح البقاله ثاني مرة ولا تدق سلف الا للسرية ههههههه