عاجل الدي مشكلة

[نسماتي]

لدي مشكلة في الكابرس 2006 وهو 6 سلندر ls تم عرضها على المكنيكي ويقول المشكلة طرمبة الزيت ضعيفة في توصيل الزيت ويقول ليس لها اصلاح لانها 6 سلندر لو انها 8 يتم تصليحا وهي تصدر صوت خفيف بعض الحيان ويقول امشي عليه الين المكين توقف
هل لها اصلاح ياخوان افيدوني والله يعطيك العافية

[ابو شهد قلبي]

انا صارت معي في سياره ابيكا ٢٠٠٦ قبل ٣ اشهر تقريبا
رحت لميكانيكي هو يصلح السياره دايم لو احتجت الي اصلاح
قال غير زيت وسيفون يمكن الزيت يكون شوي قديم وان شاء الله تشتغل
المهم غيرت زيت وسيفون وخليت اليمني اللي غير الزيت يفضي الزيت القديم كله وخليته يخلي الصره مفتوحه ربع ساعه وبعدها ركب السيفون وعبي زيت الماكينه واختفي الصوت رحت الميكانيكي قال خلاص اشتغلت الطرمبه وقال احيان تشتغل واحيان لا
انصحك تروح وتغير زيت وسيفون وتخلي الزيت القديم كله يطلع برا وان شاء الله تضبط معاك مثل ماضبطت معي بدون ما احتاج لطرمبه وخساير ولاتهمل الزيت كل شهر غيره تحافظ ع المكينه اخوي

[الشهابة]

آآآآه يا الكابرس من موديل 2000 و فوق عقوبه !!!

و خصوصاً 8 سلندر .. الـ6 سلندر مادري عنه و لا اعرف عنه شي ..

الميكانيكي صادق يا الغالي .. في الكابرس 8 سلندر طرمبة الزيت دايم تخرب و مشاكلها كثيره .. في البدايه تبدا توووون و تطلع صوت كأن القير خربان و بعد فتره تقطع فجأه و تحسب السياره خبطت .. و المصيبه تكلف 2500 ريال القطعه + الشغل ( كابرس 8 سلندر موديل 2003 ) .. و بعد فتره من سنه إلى سنه و نصف أو تحديداً بعد 50,000 كلم ترجع تخرب مره ثانيه .. و على حسب علمي مالها إصلاح بس تغيير إلا إذا كانوا عرفوا لها طريقه الحين فالعلم عند الله .. الكابرس بعناه و ارتحنا ..