قصة اخوي وربعه والجن

[مطر وسم]

السلام عليكم ورحمة الله وبركاته
مساكم الله بالخير
اخواني واخواتي
ترددت كثيرا انقل لكم هذي القصه التي حصلت مع اخوي وربعه قصه عن جن حمانا الله وياكم منهم لأني اعرف ان الكثير مايحب قصص الجن لاكن اخوي اصر بشده اني اقولها لكم تراه الحين واقف على راسي وانا اكتب يقول ماني رايح لين تكتبها :D ويسلم عليكم

في صيد العام الماضي بالتحديد شهر 11/1431هجري قرر اخوي وربعه القيام برحله صيد في احد الشعبان القريبه من مدينة المجمعه وصلو الشعيب الساعه 10 مساء واختارو مكان يبعد عن الشعيب تقريبا 300 متر فوق ضلع صغير عشان يبعدون عن العقارب والدواب وعشان مكروه النوم في وسط الشعيب المهم فرشو فراشهم ونزلو العزبه وبدؤ بتجهيز العشاء وكان فيه ربع لهم ثانيين مواعدينهم وجايين في الطريق يبون يتعشون سوا لاحظو سياره من بعيد جايه خشت وسط الشعيب مقابل اخوي وربعه وسكرت الانوار وبعد يمكن خمس دقايق ولعة لنبه صغيره من السياره هذي وسمع اخوي وربعه اصوات تناديهم كلن بسمه يافلان يافلان تعالو هنا احسن رد اخوي بصوت قوي قال لا تعالو هنا
مايصلح وسط الشعيب وعشان يتفاهم زين معهم اتصل على ربعهم اللي جايين في الطريق قال وش مجلسكم وسط الشعيب تعالو عندنا رد واحد من اخوياهم اللي جايين وش شعيبه انت ؟ حنا جاينكم بالطريق باقي على المجمعه سبعين كيلومابعد وصلناكم
سكر اخوي الجوال وصكته ام الركب قال اقول ضفو عفشكم اللي يكلمونا توبالشعيب جن
ومن الخوف ضيعو طريق الزفلت قامو يخبطون بالحفرلين وصلو الطريق وابعدو عن الشعيب وجلسو ينتظرون اخوايهم لين وصلو علموهم بالسالفه ورجعو للمجمعه تعشو فيها ونامو لين الصباح ورجعو للشعيب يصيدون بعد قرائة دعاء دخول البر وقرائة المعوذات والحمدلله بعدها ما شافو الا كل خير

واعذروني اذا فيه اخطاء املائيه اوتعبيري ردي

وسلامتكم

[مكشاتي111]

وعليكم السلام
الحمدلله على سلامتهم
الواجب انهم يقرون وردهم اول ماينزلون المكان
والله يحفظنا ولا يرينا مكروه

[هاوي عبث]

حياك الله ياعاشق وحيا الله اخوك والله يسلمه ويسلمك

ياخوك اللي حصل لهم عادي ويحصل كثير وخصوصاً في البر

بس ماقلت لنا وش اسم الشعيب اكيد عن المجمعه شمال يم الارطاويه

سلم على اخوك وقل له يقول لك هاوي لاتخلي الفروثي في الحماده مرها وان حصل صل فيها المغرب

وشف العجب .:confused:

تحياتي لكم جميع ومشكور ودايم اسمع كلام اخوك
مالازم تخليه واقف على راسك :D

[مطر وسم]

وعليكم السلام
الحمدلله على سلامتهم
الواجب انهم يقرون وردهم اول ماينزلون المكان
والله يحفظنا ولا يرينا مكروه


حياك الله اخوي مكشاتي الله يسلمك من كل شر
ايه هذا الواجب اخذناها درس اي رحله بريه نقراء الورد

امين
مشكور اخوي على المرور تشرفت

تقبل تحياتي

[مطر وسم]

حياك الله ياعاشق وحيا الله اخوك والله يسلمه ويسلمك




ياخوك اللي حصل لهم عادي ويحصل كثير وخصوصاً في البر


بس ماقلت لنا وش اسم الشعيب اكيد عن المجمعه شمال يم الارطاويه


سلم على اخوك وقل له يقول لك هاوي لاتخلي الفروثي في الحماده مرها وان حصل صل فيها المغرب


وشف العجب .:confused:


تحياتي لكم جميع ومشكور ودايم اسمع كلام اخوك


مالازم تخليه واقف على راسك :D



هلافيك اخوي هاوي عبث تشرفت بمرورك
ايه الشعيب شمال المجمعه حول الارطاويه بس مدري وش اسمه دايم نصيد فيه


معليش وشي الفروثي اول مره اسمع فيها وش العجب اشرح لي تراني قليل فهم :D


اذا شرحت بجي اناء وياه نشوف
المشكله اخوي صغير هو اللي يسمع كلامي مو انا اسمع كلامه بس عاد غالي يستاهل ومدلع بعد ترى بلغته سلامك يقول الله يسلمه ويحفظه


مشكور على المرور
تقبل تحياتي

[المهاجر انا]

فيه دعاء نزول المكان الذي اخبرنا عنه رسول الله صلى الله عليه وسلم (من قال اعوذ بكلمات الله التامه من شر ماخلق لم يضره شي حتى يرحل)

[هاوي عبث]

هلافيك اخوي هاوي عبث تشرفت بمرورك



هلا بك والشرف لي وانا اخوك كل يوم اكسب اخو في ها الخيمة الحمد لله


ايه الشعيب شمال المجمعه حول الارطاويه بس مدري وش اسمه دايم نصيد فيه


والله اعلم انه شعيب جراب .. وفيه الحثاقي .. والنخيل وغيرها


معليش وشي الفروثي اول مره اسمع فيها وش العجب اشرح لي تراني قليل فهم :D


هذي طال عمرك منطقه وسط الحماده بيوت مهجوره
وها المنطقة يقال لها الحثاقي ويشهد لها بقصص
غريبه ونا محاكيك حصلت لي فيها مواقف اصلا من توقف
عند البيوت حول المغرب ووراء وشعر يدك واقف
انصحك تزورها بس تكف خل اخوك في البيت مادامه صغير وعلى الطاير يوم الشباب كنت مع الربع سهرانين
في مزرعه وعند الرجعه لازم نمر من الحثاقي وفيها بيوت قديمة ونخل وقلبان ومسجد قديم المهم يوم اقبلنا عليها وكان يوم شتاء وبرد ومطر الا الطريق مسدود بجذع نخله وش السوات يا الربع نخاف من الهلاش قال واحد ننزل ونوخره عنا المهم توكلنا على الله ونزلنا يوم التفتنا الا الجذع مهوب موجود اختفى حمدنا الله وكملنا الطريق

وهذي صور لها

http://sh-sder.com/t18701/





اذا شرحت بجي اناء وياه نشوف
المشكله اخوي صغير هو اللي يسمع كلامي مو انا اسمع كلامه بس عاد غالي يستاهل ومدلع بعد ترى بلغته سلامك يقول الله يسلمه ويحفظه

اها يا خوك شرحت لك الى الحين بتروح لها ;)

الله يسلمك ويسلمه في امان الله واسف على التطويل في الرد

[مطر وسم]

هلا بك والشرف لي وانا اخوك كل يوم اكسب اخو في ها الخيمة الحمد لله



والله اعلم انه شعيب جراب .. وفيه الحثاقي .. والنخيل وغيرها



هذي طال عمرك منطقه وسط الحماده بيوت مهجوره
وها المنطقة يقال لها الحثاقي ويشهد لها بقصص
غريبه ونا محاكيك حصلت لي فيها مواقف اصلا من توقف
عند البيوت حول المغرب ووراء وشعر يدك واقف
انصحك تزورها بس تكف خل اخوك في البيت مادامه صغير وعلى الطاير يوم الشباب كنت مع الربع سهرانين
في مزرعه وعند الرجعه لازم نمر من الحثاقي وفيها بيوت قديمة ونخل وقلبان ومسجد قديم المهم يوم اقبلنا عليها وكان يوم شتاء وبرد ومطر الا الطريق مسدود بجذع نخله وش السوات يا الربع نخاف من الهلاش قال واحد ننزل ونوخره عنا المهم توكلنا على الله ونزلنا يوم التفتنا الا الجذع مهوب موجود اختفى حمدنا الله وكملنا الطريق


وهذي صور لها


http://sh-sder.com/t18701/




اها يا خوك شرحت لك الى الحين بتروح لها ;)


الله يسلمك ويسلمه في امان الله واسف على التطويل في الرد






هلا فيك ياخوي هاوي عبث مشالله شرح رائع مفصل تشكر عليه ماقصرت صراحه مكان يستاهل من يزوره :good2: بس عاد بأول النهار مو المغرب :D
محاكيك خواف بالحيل
واخوي ترى مو صغير مره توه متخرج من الجامعه بنزوجه السنه الجايه انشالله واول من نعزم على الزواج انت :D

مشكور على كل شي الله يطول عمرك ويحفظك

تقبل تحياتي
بمان الله

[abdulaziz_1414]

الله يعطيك العافيه

[محمد الدوسري ٢٠٥]

مشكووووووووور

[ابو الشبرميات]

الحمد لله على سلامتهم

وكما قال الاخوان اختيار المكان مهم وكذلك المحافظة على الاوراد ودعاء نزول المكان الجديد

كفانا الله واياكم كل شرٍ وسوء

**

تقبل مروري

,,,

[مطر وسم]

فيه دعاء نزول المكان الذي اخبرنا عنه رسول الله صلى الله عليه وسلم (من قال اعوذ بكلمات الله التامه من شر ماخلق لم يضره شي حتى يرحل)


صدق الرسول صلى الله عليه وسلم
مشكور اخوي المهاجر على المرور وذكر الحديث جزاك الله خير
تشرفت بالمرور
تقبل تحياتي

[مطر وسم]

الله يعطيك العافيه


هلابك اخوي حراب اسعدني مرورك

ويعافيك


تقبل تحياتي

[مطر وسم]

مشكووووووووور



العفوووووووووووو
اسعدني مرورك يامتحدي الطعوس

لك تحياتي

[مطر وسم]

الحمد لله على سلامتهم



وكما قال الاخوان اختيار المكان مهم وكذلك المحافظة على الاوراد ودعاء نزول المكان الجديد


كفانا الله واياكم كل شرٍ وسوء


**


تقبل مروري



,,,


هلا اخوي ابو الشبر ميات تشرفت بمرورك

الاختيار زين بس يمكن الواحد ينسى الورد والدنيا دروس نتعلم منها
الله يحمينا جميعا من كل شر

ولك تحياتي

[عيسى عبد الله]

قفيت وفيت سرد وكلام رائع

الحمدلله على السلامه وسلملي على أخوك وجعله ماييشوف شرر والحمد لله على السلامه
ولايينسى ذكر المعوذات ..
يعطيك العافيه وربي يسلمك ولاهنت

[مطر وسم]

قفيت وفيت سرد وكلام رائع




الحمدلله على السلامه وسلملي على أخوك وجعله ماييشوف شرر والحمد لله على السلامه
ولايينسى ذكر المعوذات ..


يعطيك العافيه وربي يسلمك ولاهنت


ياهلا فيك اخوي عيسى شرفني مرورك ومشكور كلامك شهاده اعتز فيها
والله يسلمك من كل شر ويحفظك ويحفظ جميع اخواني وكل مسلم
انشالله ببلغه سلامك
حياك اخوي لاتحرمنا من شوفتك


تقبل تحياتي

[سليمان الربيعان]

الواحد عليه بدعاء نزوال المكان والاذكار والوراد الشرعيه

[مطر وسم]

هلا وسهلا بخوي سليمان شرفت

اسعدني مرورك

تقبل تحياتي

[Al3rands]

الحمد لله على السلامه

[مطر وسم]

الحمد لله على السلامه



الله يسلمك من كل شر

هلابك اسعدني مرورك

ولك تحياتي

[الربذي]

لو راحوا اخ بس اما اهرب اروح اشوف واغلب ظني انهم مشبهين عليهم
وذا جن احسن واحسن اشوفهم ويمكن يقهووني

[مطر وسم]

لو راحوا اخ بس اما اهرب اروح اشوف واغلب ظني انهم مشبهين عليهم
وذا جن احسن واحسن اشوفهم ويمكن يقهووني


هلافيك اخوي الربذي اسعدني مرورك

وين مشبهين وهم ينادون بأسم كل واحد منهم يامحمد ياصالح يافهد ؟؟ وبعدين بقولك شي يوم جاء الصباح ورجعو لمكانهم وحددو تقريبا نفس المكان اللي جاء منه الصوت ماحصلو اي اثرجديد لكفرات سياره
قلبك قوي اجل تبي تتقهوى عندهم ؟ :D:D:D
مشالله عليك شجاع:good2: سوها انت لوحدك بالبر :D:D:D

تشرفت بمرورك
تقبل تحياتي

[قوافي ( أم نهار )]

حياك الله اخوي
نحمد الله على سلا مة الجميع
اسمع كثير عن مواقف مثل او تشابه ماحصل حماالله المسلمين من كل شر
تحياتي.اختك
..قوافي..

[مطر وسم]

حياك الله اخوي



نحمد الله على سلا مة الجميع
اسمع كثير عن مواقف مثل او تشابه ماحصل حماالله المسلمين من كل شر
تحياتي.اختك


..قوافي..


اسعدني مرورك اختي قوافي
امين حمانا الله اجمعين من كل شر
حياك الله يا اختي تشرفت


تقبلي تحياتي

[فطوم باك]

يسلموووووووووووووووووووو

[مطر وسم]

يسلموووووووووووووووووووو


الله يسلمك

تشرفت بمرورك

لك تحياتي

[ابو صفوق]

الحمد لله على سلامة اخوك وربعه ولا تنسون الورد

[مطر وسم]

الحمد لله على سلامة اخوك وربعه ولا تنسون الورد



هلا فيك ابو صفوق تشرفت بمرورك

والله يسلمك من كل شر

اللي يصير له موقف زي كذا ماينسى الورد

وحاى اللي مايصير له لازم يذكر ورده كل يوم

تقبل تحياتي