المساعد الشخصي الرقمي

مشاهدة النسخة كاملة : المراصيع والمخامير.... أفيدوني


عاشقة البر
07/01/2006, 09:24 PM
السلام عليكم

في موضوع الاخ حمد التميمي ظهرت صوره لهذه الطبخه



http://www.mekshat.com/pix/upload/images13/mk21015_dsc00558.jpg



ارجو اعلامنا عن الطريقه و المقادير بالتفصيل

وشكرااااااا
غيّام
08/01/2006, 12:34 AM
نظرا لاني كنت مع حمد في روحته للحاصبيات وكنت ممن تمتع بأكل المخامير مع معزبنا ابو عبدالعزيز

ودي ادلي بدلوي

المخامير والمراصيع تشترى جاهزه من حريم في شقراء (طبعا تباع في ديار اخرى ولكن انا ماعرف الا هذه) ولا ابشرك بينهن تنافس كبير ممكن تنشد احد من الشباب اللي يتردد على شقراء وان شاء الله انك بتستفيد وهو يباع بالصاع

واذا شريته الباقي امره سهل ابد طول الله عمرك جب لك بصل واحرص انك تكثره ثم قطعه قطع صغيره وحط عليه بهار وشوي صفار واملحه واحمسه ليت يتقمر وبعدها حط حليب واحرص يكون طارج اما المراعي او غيره يعني الحليب على حسب كمية المخامير وانت شف عاد لايصير حواقه وابد اذا حطيت الحليب وسخن حط المخامير والمراصيع وحركها وخلها شوي على الضوء وترى على فكره المخامير تشرب من الحليب شرب نياق

واذا خليته على النار حركه ثم خله شوي في القدر لين يشرب الماخير الحليب ثم قلبه وقلط ربعك عليه

وياعله يباري مناحركم انا افداكم

واتمنى انك تكون فهمت معي مع اني اعرف ان شرحي مدري وش يبي لكن اذا اشكل عليك شئ مالك هم انا قريب

معليش مادريت انا كاتب الموضوع امرأه الا بعد وضع الرد وتعيجزت اسوي له تعديل :o
عاشقة البر
08/01/2006, 01:25 AM
الله يعطيك العافيه على الشرح

سؤالي

هل توجد المراصيع والمخامير بالسوق والا فقط عند الحريم ؟؟
غيّام
08/01/2006, 03:08 PM
والله اللي اعرفه انها ماتوجد الا عند الحريم
بيرق العزة
17/01/2006, 01:52 AM
عاشقه تراء المراصيع مايبيلهاااااااا شي الرجال تسويه بالمكاشيت قطعي بصل اخضر قطع صغيره وكاس حليب وبيضه وشوي جبن مبشور حسب الرغبه للبيض والجبن وحبه سوداء وبكن بودر شوي وطحين بر مخلوط بين القصيم ودبي وصبي المقادير على الطحين وزوديه ماء الين يصير مثل ملك شيك محتر سائل خفيف مع الخلط الجيد حطي المقرصه حقت المراصيع نوع تيفال على النار نار هاديه بس لازم تحتر المقرصه وصبي بمقدار نصف فنجال بشكل ريال معدن ذاك القديم الي ماعاد نشوفه او اكبر شوي وقلبي بعد نضوج الجهه الي يم النار بملاس البصل
أبو ثا بـت
15/02/2006, 06:34 PM
آسف على التأخير قد سبق ومريت الموضوع .. فحبيت أفيدكم بطريقة عمل المراصيع .. ونزلتها في موضوع مستقل .. على هذا الرباط ..
http://www.mekshat.com/vb/showthread.php?t=45626
بودحيم
16/02/2006, 01:31 PM
الله يعطيك العافيه
عاشقة البر
12/11/2008, 03:40 PM
الله يعطيكم العافيه جميعا

:)
ابو صعب
13/11/2008, 08:50 AM
الله يعطيك العافيه