ممكن رايكم باالموضووووع

[مجرم غلا]

السلام عليكم ورحمة الله وبركاته

كيف حالكم ان شاء الله بخير

انا كان عندي طير وكان في القنص ما هو قووووووووي جدا لاكن انا حبيتهـ من قلبي


الله يرحمه


كان اسمه وهاج

هو قبل امس مات
وانا كتبت فيه قصيده وابغا رايكم فيها





وهـــاج يـا وهـاج قلبــي تعـــابير
حـــزنه وهــمـه ضــاهــره في مـطـيـره
اشــهـد غـيـبــتــه لـــي مـخـاسير
طــيـرن عـــجـيـبـن مــا يـقـارن بـغـيره
اشــــهد انــه بالقـنص ماهو يغير
لاكـــــــــن يـغـير فـخـاطري وبمــصيره
يـــا حــمـد قـلـبـي مــاله تصابير
مـــن فــراق وهــاج مــالــه بـصـــــيره
ياهاجس الشعرلاتسأل وش يصير
ضاعت حروف القاف في جوف نـــاره
قلبي من الهوجاس ماعاد له غير
غير التصبر ع الهموم الهموم العــســيره
واشهد ان الطير له شرن وخير
شـــر الـفــراق الــي بـصـــدري مـثيره
وخيـــره خــوتن تـنهى التعاذير
شــــاغــلـــن فـكـري وحـــاكــم مـــصيره
ماغـــرني عــنه حلات الغنادير
ولا انــــــغر مـنــي لا بـغــيـــتــه بــسيره
واشـــهد انــه بذر الـشوق تبذير
واشــهد انــه مــــــا يــــقارن بـغـيــــره



تحياتي لكم
مجرمــــــــــــــــــــــــــ غلا ــــ

[أبوعابد 22]

صح لسانك
والله يعوضك عنه خير

[نديم المجره]

احسن الله عزاك
وجبر الله مصيبتك
وتغمده بواسع رحمته
ومعذور لو مات
مربطينها ومبرقعينها وحارمينها من الحريه
والله لو احط واحد منكم محلها لغير يموت من القهر
تحياتي

[مجرم غلا]

هعهعهعهعهعه
نديم المجره انا والله ما اقصر معه ما البسه البرقع الا اذا به عرب عندي ع العموم مشكووور يالغلا




ابو عابد الله لا يهينك ع المرور وصح بدنك يالغلا

[هاوي عبث]

وهـــاج يـا وهـاج قلبــي تعـــابير=حـــزنه وهــمـه ظــاهــره في مـطـيـره
اشــهـد بأن غـيـبــتــه لـــي مـخـاسير=طــيـرن عـــجـيـب (ن) مــا يـقـارن بـغـيره
واشــــهد انــه بالقـنص ماهو يغير=لكـــــــــن يـغـير فـخـاطري وبمــصيره
ويـــا حــمـد قـلـبـي مــاله تصابير=مـــن فــراق وهــاج مــالــه بـصـــــيره
ياهاجس الشعرلاتسأل وش يصير=ضاعت حروف القاف في جوف نـــاره
قلبي من الهوجاس ماعاد له غير=غير التصبر على الهموم العــســيره
واشهد ان الطير له شر(ن )وخير=شـــر الـفــراق الـلـي بـصـــدري مـثيره
وخيـــره خــوتن تـنهى التعاذير=شــــاغــلـــن فـكـري وحـــاكــم مـــصيره
ماغـــرني عــنه حلات الغنادير=ولا انــــــغر مـنــي لا بـغــيـــتــه بــسيره
وانا اشـــهد انــه بذر الـشوق تبذير=وانا اشــهد انــه مــــــا يــــقارن بـغـيــــره


صح لسانك يامجرم غلا والله يعوضك خير
اما القصيدة فاتمنى من اخواني الشعار ان يفيدونك
فهي تحتاج وانا اخوك لشوي سمكره فيها معاني غير مترابطه وفيها كسور واذا كانت من محاولاتك الاولى تعتبر ممتازه واصل وانصحك تلحنها علشان تتفادى الكسر وتهتم بالمعاني ولايكون همك القافيه ودايم اعرضها على الشعار وبتعرف مع الوقت لانك موهوب بس غير كذا الله يوفقك
وعلى فكره تراني مانيب شاعر ولاني يمه ابد بس احب الشعر ولا اترك الفلسفه ابد الله يعينك علي :D:p

[مجرم غلا]

لا عادي الله يخليك استفيد من خبرررتك الله لا يهينك ومشكوور ع المرور الطيب

[مكرم الضيف]

http://www.mekshat.com/pix/upload05/images221/mk138009_ppppppppppp.jpg



وهـــاج يـا وهـاج قلبــي تعـــابير***
حـــزنه وهــمـه ضــاهــر(ن) في مـطـيـره
انا أشــهـد ان غيبتك عندي مـخـاسير***
طــيـرن فريد ولا يـقـارن بـغـيره
لنه قنص ماهو بمقناصه يغير***
لاكـــــــــن يـغـير فـخـاطري وبمــصيره
لا ياحــمـد قـلـبـي جفته التصابير***
مـــن فارقه وهــاج مــالــه بـصـــــيره
ياهاجس اشعاري لتنشد وش يصير***
مابه حروف ووسط جوفي سعيره
قلبي من الهوجاس ماعاد له غير***
غير التصبر بالهموم العــســيره
وانا اشهد ان الطير له شرن وخير***
شـــر الـفــراق الــي بـصـــدري مـثيره
والخير به خوه تصك التعاذير***
ياشــــاغــلـــن فـكـري وحـــاكــم مـــصيره
ماغـــرني عــن شوفك احلا الغنادير***
ولا انــــــغر مـنــي لا بـغــيـــتــه بــسيره
وهاج طيرن بذر الـشوق تبذير***
ونا اشــهد انــه مــــــا يــــقارن بـغـيــــره

[محمد الدوسري ٢٠٥]

الله يعطيك العافيه

[مجرم غلا]

الله لا يهينك والله ما قصرت فديتك الله يعطيك العافيه ومشكوور ع المرور الرئع