Cressi Edy 2 ساعة وكمبيوتر غوص

[Fawzi ali]

السلام عليكم

ساعه وكمبيوتر كريسي للبيع , معلومات اكثر عن الكمبيوتر على الرابط اسفل , سعر البيع 1250 ريال .الاعلان بالرابط وضعته عندما كانت الساعه جديده اما الان فهي مستخدمه لاربع غوصات والساعه مازالت كالجديده .


http://www.1dealer.net/user_info.php?uid=206&ads_id=486

رابط الساعه على موقع الشركه
http://www.cressi.it/Catalogue/Details.asp?id=325


اي معلومات زياده عن الساعه انا حاظر وبانتظار استفساراتكم .

اخوكم
ابو علي
للتواصل
0506855777

[ويل شارك]

كم اخرك مره اخوي انا ابغا كمبيوتر ضروري

[Fawzi ali]

هلا اخوي حياك ويشرفني

والله اخوي ان السعر اقل من حقها بواجد والساعه جديده حيل . لأكن اذا سومتك مو بعيده عن سعري ممكن تكلمني ونتفاهم على التفاصيل .
تحياتي ×

[a.الخثلان]

أخي ابو علي ممكن سؤال

على أي نظام تحسب لك الساعة غوصتك

وهل يوجد فيها عداد وقت ( تايمر )

وكيف نظام تغيير البطارية

[Fawzi ali]

هلا اخوي الزينون حياك الله ، بالنسبه لسئوالك الاول ما فهمت عليك بالظبط وش المقصود باي نظام ياليت توضحلي عشان اقدر أفيدك زياده. بالنسبه لعداد الوقت التايمر ما فيها . لأكن عداد الثواني موجود تحت الساعه بشكل واضح . ارجو أني أفدتك بعض الشي ×

[Fawzi ali]

بالنسبه لتغير البطاريه عادي جداً انت ممكن تغير اربع مسامير صغار تفكها من الخلف بسكروب الساعات والبطارية نفس بطارية الساعات العاديه لأكن الحجم الكبير تقدر تقول بحجم الربع الريال المعدن ٢٥هلله .بإمكانك تغييرها بنفسك أكيد

[a.الخثلان]

ممتاز

سؤال بعض الساعات تعمل على نظام سبنسر وبعظها يعمل على نظام بولمان

ممكن تشوف لي الكتلوج

[Fawzi ali]

تفضل اخوي هاذي من الموقع حقهم بولمان النظام

Bühlmann ZH-L12 algorithm, redesigned by Randy Bohrer

طبعا الساعه وصلت لي من دون كاتلوج بس كان معها كرت ماله معنى ومكتوب فيه ان المنول حقها تسوي له داونلود من الموقع

[Fawzi ali]

هاذي صور للساعه اخواني
http://www.mekshat.com/pix/upload05/images223/mk217089_4.jpg

وهنا حجمها باليد
http://www.mekshat.com/pix/upload05/images223/mk217089_3.jpg


وهنا من الخلف وباين كيف سهولة تغيير البطاريه من الخلف وباين دولة الصناعه حيث انها لشركه ايطاليه والتصنيع ياباني
http://www.mekshat.com/pix/upload05/images223/mk217089_c2.jpg

وهنا صورة الاعدادات اللي تظهر بمجرد نزولك للماء وفيه طبعا صفحه ثانيه فيها معلومات زياده بس للأسف ما تطلع الا خلال الغوص الحقيقي
http://www.mekshat.com/pix/upload05/images223/mk217089_c1.jpg


تحياتي

[a.الخثلان]

ممتاز جدا

واتمنى لك التوفيق

[Fawzi ali]

تسلم والله ياكابتن
والله يوفقنا وياكم لكل خير

[a.الخثلان]

سومتي للساعة 1000 ريال وكنت أتمنى إنها تقرأ سعة الهواء بالسلندر

[Fawzi ali]

هلا اخوي الزينون حياك الله .
الساعات اللي تقراء سعة الهواء غاليه حيل حتى المستخدم منها وانت اخبر مني أكيد فيها . بالنسبه الساعه والله ان المبلغ اللي طالبه فيها اقل من حقها بواجد بس لان لي بالهوايه وعارف شغلة بيع الأدوات كيف فيه ناس ما تخاف ربها وترفع الأسعار بشكل مبالغ فيه عشان كذا حطيت السعر اللي يرضيني وان شاء الله يرضي رب العباد وما عندي مشكله انزل في السعر شوي معك اذا ان صامل . سعرها بالنت الان 400 وحواليها دولار في امريكا غير التكاليف الثانيه من تاكس وشحن وغيره . .صدقني اللي يحصلها بالسعر هذا مو خسران .

[Fawzi ali]

بمناسبة شهرالخير والبركه جعلنا الله من المعتوقين من النار في هذا الشهر

سعر الساعه 1100 ريال اخواني مع الشحن على البريد الممتاز

[a.الخثلان]

شريت بشرط النظافة أخوي فوزي وكامل الأغراض معها

[Fawzi ali]

هلا اخوي الزينون ابد الساعه على الشرط يالغالي وان ماعجبتك بعد ما توصل لك ترجعها وحقك يوصلك .الساعه نظيفه واخت الجديده وما معها ترا الا توصيله لليد عشان لو كنت لابس بدله سميكه او قلفز تقدر توصلها في الساعه عشان ما تكون ضيقه .بالنسبه للمنول حقها او الكتيب ماجا معها شي لانه موجود على الموقع مع شرح كامله للساعه .
فوق البيعه هديه من عندي حاسبة بادي الالكتروني (eRDP)
رقم تليفوني موجود بالموضوع تقدر تتصل اي وقت .

تقبل تحياتي

[a.الخثلان]

راح اتصل فيك بمشيئة الله

وسؤالي هل لها توصيلة للكمبيوتر

[Fawzi ali]

هلا اخوي بانتظار اتصالك

والله الساعه مامعها توصيله , التوصيله تباع لحالها

[Fawzi ali]

الرجاء من المشرفين اغلاق الموضوع

بيعت الساعه والله يبارك للمشتري