حرارة الباترول ترتفع مع تشغيل المكيف

[4800VTC]

السلام عليكم ورحمة الله وبركاتة
يا شباب عندي حرارة الباترول ترتفع مع تشغيل المكيف

بدون المكيف تكون الحرارة على الربع
اما مع تشغيل المكيف فانها ترتفع وتستمر بالارتفاع حتى تتعدى النص
مما يضطرني لاطفاء المكيف
علما بان الرديتر اردني مركب قبل 3 شهور مضاف ماء مقطر +بالاضافة الى مراوح سوبارو كبار سرعتين وشغالة بامتياز
السيارة موديل 91 كلبريتر
نحتاج الافادة من الاخوانالاعضاء والمشرفين في الموضوع

[عمر الشريف]

والله ممكن الرديتر اللي حاطه الأردني هو السبب حط الرديتر الأصلي وراح تشوف الفرق إن شاء الله

[ابو عود]

المراوح تشتغل مع تتشغيل المكيف ولا لا

ومن اللي مركبلك المراوح

[alrshedi]

وعليكم السلام ورحمة الله وبركاته
اخوي الغالي انا كانت معاي نفس المشكله في سفاري 2000 قبل اسبوعين
بضبط بدلت الراديتر وانت تقول راديترك جديد يمكن من كلج المروحه
او من غطاء الراديتر او من الثرمستات
او اول شي وانا خوك تفحص كلج المروحه بعدين اتشوف الامور الثانيه
والله يوفقك ان شاء الله

[العابر2222]

تاكد من مروحة المكيف انها شغاله

[مركز حراره]

تاكد من المراوح

[4800VTC]

الله يجزاهم الخير الشباب الي ردوا

الرديتر الاردني ممتاز وانا مجربة على اكثر من سيارة
والمراوح ممتازة والسوبارو ما عليها كلام وهي سرعتين العادية مع السلف والسرعة القوية بفاصل يدوي
ومروحة المكيف شغالة مع تشغيل المكيف

ولازال جاري البحث عن الحل وننتظر بقية الاعضاء والمشرفين

[شاص نيسان 93]

اخوي نصيحه

غير طريقة شغل المراوح

خلها على الحسااس على درجة 85

وايضا عند تشغيل المكيف تشتغل المراوح

وانس الحراره

[4800VTC]

اخوي شاص نيسان 93
الحرارة اول ما توصل الربع اشغل المراوح على السرعة القصوى
ولكن مع المكيف بدون نتيجة

معقولة ما في احد من الاعضاء صارت لة نفس المشكلة ولا لقى لها حل

[رفيع المقآم]

طيب يمكن موترك مافيه حرارة
شف اذا ارتفعت الحرارة انزل والمس الخرطوش اذا لقيته متحجر فموترك فيه حرارة
والمراوح طريقه شبكها خطا في خطا
الطريقه الصحيحه
تركب حساس وتشتغل بالسرعه القصوى مع الحساس
والسرعه الهاديه مع المكيف
وتخلي عند فاصل بالسرعه القصوى للحاجه
وغير غكاء الرديتر يمكن منه
والله يعينك

[ابو نواف المطرفي]

الله يعينك ...

انا اعاني من نفس المشكله ... طبعا المشكله اذا وقفت بس والمكيف شغال واذا مشيت ... الامور طيبة

[شاص نيسان 93]

اخوي الغالي سو الطريقه اللي قلتلك في شبك المراوح وبتدعيلي

واذا تبي تعال واركبها لك

[4800VTC]

الله يعطيك العافية اخوي شاص نيسان على التفاعل انت وبقية الاعضاء
بحاول اجرب طريقة اللي هي التاكد من الكهرب حق السيارة
لان بعد الاتصال على الاخ العضو \ابو حجل اشار الى التاكد من الوصلات والحساس حق الحرارة

[رساوي ربع]

السلام عليكم
انا عندي مشكله في الحراره بدون مكيف الحراره نايمه مع المكيف توصل الربع داخل المدينه اطلع عليه 15 كيلو انص ياليت تفيدوني ( مركب له مراوح سوبرو )

[عفط]

الله يعينك
لاتغير الاديتر انتبه لان الاديتر مواللي يرفع الحرارة والسبب تقول الحرارة على الربع من دون مكيف لو المشكلة منه كان الحرارة مرتفعه قبل تشغيل المكيف
المشكلة بالمروحة أو مراوح تبريد أديتر المكيف
المقصود لاتغير الأديتر

[رسلان الوايلي]

صدقني صرات معي في جمس سييرا سويتله تسسيخ وتكدت من البلف غط الرديتر كله تمم
طلعت المشكله دخل هواء دخل نظم التبريد وديته لحق الرديترت ونسم الهواء والحين 180والمكيف شغال ومتعد النص

[المعااند]

وانا بعد معاي نفس المشكله ايش الحل الاكييييييد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[owwn]

الحل ترجع الموتر شد بلد بلا مراوح سوبارو بلا خراط فاضي
مافيه زي تبريد مروحه البلد
انا كان معي باترول شد بلد بس شايل البلف الحرارة صفر بمكيف ولا بدون طبعا الرديتر شد بلد نحاس

[راعي الفزعه.]

كأنك لقيت الحل كلمني انا نفس المشكله

[ساحب صنعه]

تاكد من جميع المراوح ان تدور بالاتجاه الصحيح وايضا تاكد منها بعد تشغيل المراوح عن طريق الفاصل اليدوي انها تدور بالاتجاه الصحيح

[مركز حراره]

السلام عليكم
انا عندي مشكله في الحراره بدون مكيف الحراره نايمه مع المكيف توصل الربع داخل المدينه اطلع عليه 15 كيلو انص ياليت تفيدوني ( مركب له مراوح سوبرو ) تاكد من سلك السالب الي طالع من البطاريه انه مربوط زين بلبدي والمكينه
2-بدل حساس الحراره

[مغرم بالفتك]

اتوقع المشكله ممكن احد السببين

1 المراوح عندك ماهن بزينات
2 اذا ماكن به بلف ركبه 35 ريال من نيسان






شف الكلام الي ابقوله 90 بالميه تصير المشكله منه:
وخر المراوح وركب تماتيك مروحه فيه خصم عليه عند نيسان
كان قبل اسعر التماتيك المروحه فقط بدون المروحه 800ريال والمروحه 250 ريال الان سعر تماتيك المروحه كامل مع المروحه800ريال طاح 250
ارجوا اني افدتك

اخوك مغرم بالفتك

[خالد الزومان]

اذا كنت متأكد ان المراوح تعمل بكامل طاقتها اثناء تشغيل المكيف و الحراره ترتفع في نفس الوقت فتأكد من حساس الحراره المركب على المكينه ثانياً تأكد من صلاحيه مؤشر الحراره الي في الطبلون يمكن يكون يعطي قراءة خاطئه ... و بامكانك تتاكد هل الحراره في سيارتك فعليه او مجرد مؤشرات خاطئه ... يعني اذا وصلت الحراره فوق النصف زي ما تقول افتح الكبوت وشيك اهواز اللديتر العلوية و السفلية و انت بتعرف اذا كانت حرارة السياره غير طبيعيه و بالتوفيق

[4800VTC]

الا عضاء الي ردوا على الموضوع
الله يعطيهم الف عافية ولا اظن انها غريبة عليهم الفزعة

[هاوي المطاريش]

السلام عليكم
الرديتر الاردني ممتاز لكن عيبه الغطاء ما يحبس الماء مضبوط عشان كذا يقوم الماء مع زيادة ضغط الحراره بالرجوع لعلبة الماء الزايد ويصير ينقص الماء من الرديتر وهذا يسبب الحراره انا كانت عندي هذي المشكله وشلت بلف الحراره الي في الكوع حق الخرطوش الي فوق وغيرت الماء حطيت ماء رديتر تويوتا احمرو لازم تعبي الماء والسياره شغاله عشان يطلع الهواء الي داخل المكينه واذا عبيت العلبه حقت الزايد لا تملاها خلها على ال low اتمنى اني افدتك وآسف على الاطاله

ملاحظه: اذا جاء الشتاء رجع البلف ضروري

[المرسل9]

ياخويا فتك عندي نفس المشكلة ماخليت شي ماغيرتة الرديتر اردني المنيوم والتماتيك حق المرحة وغطا الرديتر
نرجواذا وجت حل تبلغني

[4800VTC]

الله يعطيكم العافية

[تخصص باترول]

السلام عليكم
=====
فيه اسباب كثيره تسبب هالمشكله وانا واحد كنت اعاني منها
١- شيك على كلتش المروحه اذا كانت مروحته وكاله
٢- شيك على الاهواز كامله وانها سليمه
٣- غطا الرديتر ترى من اخطر المشاكل واتفه شي يخطر على البال
٤ـتآكد من قازقيتات المكينه انها سليمه(غطا البلوف العلوي،القزقيت الوسطي)
٥ـ تآكد من وزن البلوف ترى فيه ناس يقولون ماتسبب حراره للمعلوميه تسبب
٦- تآكد من وزن الديلكو انه تماام ومن الشاكوش اللي بداخل الديلكو قيمته اقل ١٥٠ ريال اصلي
٧- تآكد من طبات المكينه انها سليمه كللها مافيها تهريب ماي والتهريب مايبين ينسم على خفيف كلللش وماينقص ماي الراديتر بوضوح وتآكد من اهم شي تلاقي ثنين ورى المكينه مخشوشين هم البلا منهم
٨ـ تآكد من الراديتر انه تماام وانه مجاريه سليمه مو مسدوده وانه نضيف مايكون وصخ
٩-اذا فيه بلف فكه واذا مافيه تآكد من الشغلات اللي قلت لك عليها
١٠- انتبه انتبه خاصه النيسان لاتغير اللا اصلي صحيح تدفع بس لاحطيت تنسى والمثل يقول اسال مجرب ولا تسآل طبيب
=======
موتري زبط يوم غيرت قازقيتات المكينه كامله مع الطبات وغيرت له مره وحده طقم بلوف
وفكيت كلتش المروحه وركبته مراوح سوبارو كبار على سرعتين مع حساس مرسدس ربع(تشتغل المراوح تماتيك لا جات الحراره على الربع) والموتر ٥ شهور ١٠٠٪
وطلعت عليه مقناص ولا اروع بالدبل الثقيل والحراره ماتعدت الربع اللا شوي اذا رك الموتر فرباض بس ولا غييره انتضار في اشاره ولا جور على الموتر ١٦٠ والمكيف شغال الحراره هي هي ماتعدا ربع (حتى فالصيف)
=======
اي استفسار انا حاظر

[الفحل]

هذه طريقة اغلب السيارات القديمة

دام سياراتك ماترتفع حرارتها بدون مكيف ولا تفور فامورك تمام ولاتنسى ان عندك جو ماهو عند البشر

[تخصص باترول]

الباترول معروف من مديل ٨٨ لين ٩٧
المكينه السليمه مع المكيف ماتتعدا الربع
والباترول عمره مايجي النص الحراره اللا انه فيه خلل فالتبريد وهذا شي ماينكر
وانا من مجربي الباترول والعاشقين له من سنه ٩٢ وتكفي الخبره
تحياتي..

[4800VTC]

ومنكم نستفيد الله يعطيكم العافية

[فلقه]

نفسسس مشكلتي بظبط

[شاص نيسان 93]

انت لقيت الحل لكنك غير مقتنع منه

[alrhal]

حصلت معي المشكلة
وانحلت بالأتي

1- حصلنا طرمبة الماء مصدية وغيرناها
2- ونظفنا الأديتر

والأن الحرارة طبيعية ماتعدى الخط الثاني والحمد لله

[4800VTC]

عدد المشاهدات اكثر من 1200
ما شاء الله ياكثر المتفرجين

[ع ع]

هلابك اخوي انا معي نفس المشكله في الحراره اذا مسكت خط طويل وامشي 140ترتفع الحراره الا النص واطفي المكيف وتنزل شوي واذوقفت وطفيت السياره اسمع الاديتر يغلي والحراره تاصل فوق النص والقربه حقت الاديتر مليانه وتفور غيرت الغطاء ولا فاد والحين غيرت طقم بلوف وسلخت الراس ولحد الحين الحراره بدون مكيف ربع
مع ملاحظة ان البلف مشيول والاديتر شد بلد حق الباترول السلق رصه وحده وقاعد افكر اني اركب مراوح كهرب والله يدلني ويدلك ع الخير

[ابوصالح022]

الله يعينك اخوي


1- شيك على المراوح
2- شيك على كلتش المروحه
3- شيك على الخراطيش
4- شيك على غطاء الرديتر
5- طرنبه الماء
_______________

اذكر مرهـ رايحين للرياض على باترول 99 وخوينا الله يهديه من الناس اللي ينسا وحاط ورقه بالطبلون ومغطي عداد الحراره وقوووله مايصلح تحط الورقه هنا ويوم وخرته ولا الحرااره بالنص وكل ماله تتعدا ونمشي به اشووووي وناقف ولا مروحه المكيف ماتشتغل
________
وحرص على تركيب الاصلي ايِن كان صحيح كل شي غااااااااااالي الله يعيننا
لكن ركب الاصلي لك ولزمن حتى لو غالي
والله لو ينكبن هاللي مركبه اني لا اشلق بصل
لا وعلشان ترتاح وتتطمن عليك بالاصلي
(الفلوس تروح وتجي)

[شلفنطح]

السلام عليكم
أمس انتهيت ولله الحمد من مسلسل الحرارة
نفس الفكرة مع المكيف ، كانت المروحة الامامية عندي خربانة الي على اليمين حقت المكيف ، وغيرتها كذا بعد كم يوم صارت الحرارة توصل للنص ، قعدت معي فترة تزيد اذا وقفت وتنقص اذا مشيت .
المهم غيرت
الرديتر
وبلف الحرارة
وتماتيك المروحة
وللأسف كل هذا مانفع
رحت للوكالة قالولي المروحة الي ركبتها خربانة تمشي بالعكس يعني تبرد خارج المكينة ، قالولي نغيرلك هي ب1050 قلتلهم لاتسوون شي عطوني السيارة ، المهم ورحت لكهربائي وقلبت الاسلاك وعكست اتجاه المروحة ، وبعدها صارت السيارة ولله الحمد من احسن مايكون . وجربتها والمكيف شغال حول نص ساعة واكثر .



خذها قاعدة للحرارة
أول شي شيك على المروحتين الأمامية شغالة زين وتمشي للمكينه مو بره،وتأكد من أسلاك الكهرباء الي توصل للمكينة التبريد قد تكون مضروبة .
الشي الثاني تأكد أن الرديتر نظيف ومايحتاج تسييخ
الشي الثالث شيك على تماتيك المروحة تأكد أنه ممتاز
الشي الرابع غير بلف الحرارة
الشي الخامس قد تكون ليات الراديتر او بعضهم يقول الغطا وهاذي الشغلات مااعرفها

والي يقولك راس المكينه ترا ماله دخل لان المشكلة بالمكيف مع الحرارة ، وغالبا تكون المشكلة اما مروحة المكيف او مشكلة كهربائية بسيطة


الله يسهلك

[شلفنطح]

اقصد بالمروحة الي كانت تمشي بالعكس الي هي مروحة المكيف الي قدام يمين



انتظر ردك واخر التطورات

[ابو شريفة]

اقول موترك فيه بلف حرارة؟؟ واذا فيه تاكد من صﻷحيته ولو تغيرة بجديد افضل لك
دمت سالم

[ابو شريفة]

لابد يكون بالموتر بلف حرارة عشان بوزن الحرارة بعدين انت تقول يحتمي اذا وقف واذا مشا يبرد
والله العالم بلف الحرارة وانا مادري

[RW7..ALBDAWA]

مثل مآقآلو االاخوآن تآكد من بلف الحرآره

ثآني شي وانت وآقف اكبس النور العآلي وخل عينك على الحرآره نآظر هل تتحرك واذآ كانت تتحرك معنآت المشكله عندك بالكهرب دبل اسلاك اللي من قطب السآلب رايح للمكينه ودبل السلك اللي من قطب السآلب ورآيح للبدي ودبل السلك من الدينمو للبطآريه واخر شي بقوله لك اقل اقل اقل اقل شي بالبآترول بطآريه 80 انبير غيره لاتركب واذا حصلت اكبر ركب ...

لأن مشكلتك حصلت لي مع المكيف ترتفع الحرآره طلع الكهرب عندي ضعيف والمروحـه اذا اشتغلت على السرعه القوى تلأحضهآ مآهي ذآك القوهـ وطلعت المشكله من ضعف الكهرب اللي يجيهآ مايخليهآ تشتغل بسرعتهآ الصحيحه

[patrol-fa]

انا اعاني من نفس المشكله ... طبعا المشكله اذا وقفت بس والمكيف شغال واذا مشيت ... الامور طيبة

مثلك تمام .. اتوقع من الكهرب >> لأني المس الخرطوش لين ماهوب قاسي ..

[sgl2002]

طيب دق بوري وراقب عداد الحرارة هل يتحرك مع البوري

اذا تحرك فهذا سلك السالب مرتخي يبيله شد

[patrol-fa]

طيب دق بوري وراقب عداد الحرارة هل يتحرك مع البوري

اذا تحرك فهذا سلك السالب مرتخي يبيله شد

يتحرك مع البوري والأنوار العالي ..

السالب مركب اثنين جديد واحد للبدي والثاني للسالب ونفس المشكلة .. ؟

هل ممكن البطارية تكون ضعيفة .. ما فيه مراوح كهرب مروحة بلد عادية ..

لكن بالمشي تبرد بس مع الوقفة والمكيف ..

[عزوز العصامي]

والله يطيب عندي سفاري 99 بخاخ نفس مشكلت موترك ولا لقيت لها حل للحين اديتر وكلتش مروحه ووجه راس مع الخرط ومافيه فايده حتا البلف غيرته

[فارس المرقبيه]

جننتنا هالحراوه

[خطوط911]

مشكلة حرارة الباترول له اسباب كثيره ومن اهم الاسباب وزن الديلكو والبلوف

[السليطين]

مشكلة حرارة الباترول له اسباب كثيره ومن اهم الاسباب وزن الديلكو والبلوف


احسنت .
اذا غيرت الاديتر ولا نزلت الحراره فالمشكله من الديلكو يحتاج وزن

[سليمان0266]

رجع مروحة البلد وركب ثنتين قدام يكون دفعها قوي مع المكيف وفصال احتياط الثنتين جميع بوقت واحد وركب دينمو مكسيما عشان يتحمل المراوح . صدقني هذا هو الحل الاوحد في نظري والله اعلم ولايهون القاري
جربت السوبارو ومانفعت الا بالوقفه وجربت اللومينا
مكينة الباترول يبيلها مروحه مكينة تلحق مع الدعس مراوح الكهرب ما يمديها ابد فقط افضليتها مع الوقوف
هذا طبعا بعد ما تتأكد من التوقيعه حقت الديلكو ووزن الكلبليتر وما شفت احد بالقصيم والرياض يضبط التوقيعه مثل ورشة التركي ب ١٥٠ ريال

[salih100]

المضوع قديم له 4 اسنين