يوسف الخليفة1
22/07/2011, 06:28 PM
بسم الله الرحمن الرحيم
السلام عليكم ورحمة الله وبركاته
قالوا لي انهج بالقدم درب الاسفار=سج المداين بالمقيظ العسيري
قلت اخبروني عن تواصيف الاقفار=عن قبلة النايع وغرب البصيري
دلوني لقلته بها نز الامطار=باظلالها يوجد غزير الغديري
ويا ليت لو فيها مدابيح الاشجار=وشعيب بطحا بالمذاري كبيري
اريد اشب النار لو جوها حار=واحوف شغل الكيف ما فيه غيري
ادق هيل وخمس حبات مسمار=قدوعي خلاص القصيم الشهيري
ما حولي الا الضلع والدوح والنار=ما عندي الايفون وابلاك بيري
اراقب فروخ الحجل بين الاحجار=منظر طبيعي ما عرض توم وجيري
هيضني بظل السلم صوت الاطيار=عصفور وام غرير معها القميري
من حسها فكر الخفا راح مشوار=مثل الهوا له بالحنايا صفيري
يعيد بالذكرا مساليف الاعمار=تضرب جروسه في بعيد المسيري
كنين صدري في فسيح الخلا طار=خاطوف هجره بالصحاري يطيري
والادمي لو يمعن الشوف ماحتار=ما يبقا بالدنيا غني وفقيري
لا شك يضويني من البر الافكار=اشاور حسوسي واخاطب ضميري
لعلها تصغي على غير الانكار=مع الشفا تسري سواة البعيري
الليل مقبل والملاميع نوار=بالكون توضي والقمر مستنيري
قامت تلاجا بالتعابير الاشعار=قافن مثل نسم الربيع العطيري
يظهر من سياج المغاليق الاسرار=ما حال دونه بالفؤاد الخفيري
يوسف الخليفة ( أبو عبد الله )
السلام عليكم ورحمة الله وبركاته
قالوا لي انهج بالقدم درب الاسفار=سج المداين بالمقيظ العسيري
قلت اخبروني عن تواصيف الاقفار=عن قبلة النايع وغرب البصيري
دلوني لقلته بها نز الامطار=باظلالها يوجد غزير الغديري
ويا ليت لو فيها مدابيح الاشجار=وشعيب بطحا بالمذاري كبيري
اريد اشب النار لو جوها حار=واحوف شغل الكيف ما فيه غيري
ادق هيل وخمس حبات مسمار=قدوعي خلاص القصيم الشهيري
ما حولي الا الضلع والدوح والنار=ما عندي الايفون وابلاك بيري
اراقب فروخ الحجل بين الاحجار=منظر طبيعي ما عرض توم وجيري
هيضني بظل السلم صوت الاطيار=عصفور وام غرير معها القميري
من حسها فكر الخفا راح مشوار=مثل الهوا له بالحنايا صفيري
يعيد بالذكرا مساليف الاعمار=تضرب جروسه في بعيد المسيري
كنين صدري في فسيح الخلا طار=خاطوف هجره بالصحاري يطيري
والادمي لو يمعن الشوف ماحتار=ما يبقا بالدنيا غني وفقيري
لا شك يضويني من البر الافكار=اشاور حسوسي واخاطب ضميري
لعلها تصغي على غير الانكار=مع الشفا تسري سواة البعيري
الليل مقبل والملاميع نوار=بالكون توضي والقمر مستنيري
قامت تلاجا بالتعابير الاشعار=قافن مثل نسم الربيع العطيري
يظهر من سياج المغاليق الاسرار=ما حال دونه بالفؤاد الخفيري
يوسف الخليفة ( أبو عبد الله )