مدهـوش
22/07/2011, 09:36 PM
ابيات اتمنا نحوز على رضاكم ........
لواهني من داج فرضً خليه=معا فجوج البيد رجله تسوقه
يدوج صبح ولا تالي عشيه=يزيل عن قلبه همومً تعوقه
امن البلد وشوف كل البريه=يداوي جرح فيه كبارً فتوقه
وان كان بالصدر علومً خفيه=اتزاح ما كنّه بآقصى خفوقه
يدوج في قاعً لصيده حريه=طيره على الشبه ومهمل سبوقه
حمر صافي ظهر كفوفه دميه=كن النحر مزنً تلاعج بروقه
لزاع فزاعً كما اخو لخيه=مثل الفديع لشالحً في صفوقه
راع الولع عليه روحه صخيه=وعلى هداد الطير قلبه يشوقه
ويازين ممشا فالديار العذيه=اللي عليها النفس دايم شفوقه
قد علها نون بروقه رفيه=نشا من المنشا صدوقً حقوقه
يدوج فيها اللي حياته شقيه=ما بين مرباعً وما بين نوقه
وضحً على الهوبال كنها سريه=نفسه على طاريها دايم تتوقه
يمشي على شفه وشف العجيه=لا سمع عذالً ولا اخلف طروقه
خلا هروج اهل النفوس الدنيه=يوم العمر ما يندرا وش ووفوقه
ولا شب له نارً سناها لضيه=وقرب له المهباش يزعج دقوقه
ودلال رسلانً عليها ركيه=فنجالها يجلا عماس من يذوقه
يطيب له كيفه وروحه هنيه=قبل الليالي لا تعجل بعوقه
يسج ما دام العمر للمنيه=وطبع الزمن ما ينعرف ابلحوقه
................................................
لواهني من داج فرضً خليه=معا فجوج البيد رجله تسوقه
يدوج صبح ولا تالي عشيه=يزيل عن قلبه همومً تعوقه
امن البلد وشوف كل البريه=يداوي جرح فيه كبارً فتوقه
وان كان بالصدر علومً خفيه=اتزاح ما كنّه بآقصى خفوقه
يدوج في قاعً لصيده حريه=طيره على الشبه ومهمل سبوقه
حمر صافي ظهر كفوفه دميه=كن النحر مزنً تلاعج بروقه
لزاع فزاعً كما اخو لخيه=مثل الفديع لشالحً في صفوقه
راع الولع عليه روحه صخيه=وعلى هداد الطير قلبه يشوقه
ويازين ممشا فالديار العذيه=اللي عليها النفس دايم شفوقه
قد علها نون بروقه رفيه=نشا من المنشا صدوقً حقوقه
يدوج فيها اللي حياته شقيه=ما بين مرباعً وما بين نوقه
وضحً على الهوبال كنها سريه=نفسه على طاريها دايم تتوقه
يمشي على شفه وشف العجيه=لا سمع عذالً ولا اخلف طروقه
خلا هروج اهل النفوس الدنيه=يوم العمر ما يندرا وش ووفوقه
ولا شب له نارً سناها لضيه=وقرب له المهباش يزعج دقوقه
ودلال رسلانً عليها ركيه=فنجالها يجلا عماس من يذوقه
يطيب له كيفه وروحه هنيه=قبل الليالي لا تعجل بعوقه
يسج ما دام العمر للمنيه=وطبع الزمن ما ينعرف ابلحوقه
................................................