من يحل للمشكله ويبشر بالهديه

[abotamim10]

ياشباب الفزعه ضاقت بي هدومي

معي مشكله فيالباث 2002 الموتر يكون سليم ولا به اي شـي ثم اطفيه لأي سبب ثم ارجع ابشغله ما يشتغل مع العلم ان البطاريه سليمه والصفايه والطرمبه جدد ولا يشتغل الا عن طريق شبك الكتاوت بالبطاريه مباشره وتنتهي للمشكله لاكن بعد مرور شهر او اكثر بقليل فجأة تتكرر نفس المشكله وانا خوفي تسويها فيني وانا وعيالي فالبر ونقعدبها
والله يالي يجيني بالحل ان له دعوه طيبه وهديه×

[كثير السؤال]

شيك على مجاري الكهرب وشيك على ابو الاسلاك
شفلك كهربائي فلبيني
موفق

[شاص نيسان 93]

وشو الكتاوت اللي تشبكه ويشتغل

[ذئب اليل]

هل تقصد كتاوت التشقيل او كتاوت الطرمبة حقت البنزين

[escape_man]

تاكد من اصباع البطارية يوصل او لا

[K.S.A.A]

انت وصلت للمشكله
شيك على الكتاوت وخصوصا هالكتاوت اللي تشبكه بالبطاريه
أكيد هو ضعيف غيره وأن شاء الله تضبط معك ..

[abotamim10]

الاخوه الكرام
شكرا لمروركم وبالنسبة لفحص الكتاوت انا غيرته بواحد جديد والمشكله مانتهت
بالنسبة لفحص الكهرباء فحصت عند اشهر محل في جده للكمبيوتر
اما كيفية التوصيل لتشغيل السيارة اذا طفت فاقوم بمد سلك عادي بين البطارية وبين الكتاوت الازرق
http://www.autopartswarehouse.com/images/product_images/thumbs200/WORLDPAC/W01331635615SII.JPG
الموجدود في علبة الفيوزات
http://www.mekshat.com/pix/upload02/images100/mk133143_1.jpg

ثم تشتغل السيارة المشكله انها تختفي علتها لين اقول صلحت ثم فجأه نفس السيناريو

الله المستعان

[بدوي جنوبي]

ينقل لقسم الاعطال

[abu-nasser]

كان عندي موديل 2001 احيانا ما يدق السلف الا من رابع مرة او اكثر لدرجة اني غيرت السلف من التشليح وضبط
بعد فترة رجعت الحالة ماعرفت المشكلة الا عندما قررت ابيع السيارة

فكيت كل الاضافات اللي اضفتها على السيارة

لقيت جهاز الانذار اللي مركبة لي قاطع سلك الكهرب اللي رايح للسلف ومركب كتاوت عشان تفصل كهرب السيارة عند الانذار رجعت السلك زي ما كان بلحام وضبط

فاذا انت مركب جهاز فتح ابواب وانذار فيمكن منه

جزاكم الله خير

[albraki]

اذا كانت تدق سلف ولا تشتغل

فهذا 90% من الكويل

اذا ما تعرف الكويل شوف اسلاك البواجي كلها تروح الى الديلكو ويطلع سلك واحد من الديلكو ويروح الى الكويل
اذا دقت سلف ولا اشتغلت افصل السلك من الديلكو الي جاي من الكويل وجيب مفك وحطة عند راس السلك
ودق سلف اذا اشارة الكهرباء بين السلك والمفك خفيفة فهذا يدل ان المشكلة من الكويل مايورد كهرباء كفاية
صارت مع الوالد بصني بعد جهد جهيد لمعرفة السبب لانها احيانا تشتغل عادي واحيانا ما تشتغل الى عدها تنتهي البطارية او بالنتش
وبعد ما تشتغل ما كأن السيارة فيها شي يعني زي اللوز
وطلعت المشكلة من الكويل

[«نجم الخير»]

اذ مايدق سلف شف فيه كتاوت ازرق جنب البطاريه اتوقع منه

[abotamim10]

جزاكم الله خير
بس المشكله ما اتوقع من الكويل لاني مغيره قريب
انا اعرف ان المشكله من الكتاوت الازرق بس ماهو فيه بالذات لاكن ان الكمبيوتر
ما يتعرف على الارضي حقه
هذا حسب ما قاله لي كهربائي شاطر مع ان ما فهمت وش معنى ارضي حقه
هو يقول يبيلك تخليها لين تخرب وتوديها وهي طافيه للفحص بالكمبيوتر وبالفعل
قبل شهر طفت علي وسويت مثل ما قال لاكن طلع راعي الكمبيوتر ماعنده سالفه قالي طرمبة بنزين وغيرتها وقبل امس عادت نفس المشكله

[وليد46]

ياخوي مشكلتك هذي حله بسيط وعندي ان شالله ومابي منك غير الدعوات ان الله يرزقنا بالذرية الصالحة
شف ياخوي فيه ورشة بالقصيم ببريدة اسم راعي الورشه الهبيش ابو سليمان وهذا رقم جواله دق عليه ويعلمك الخراب والحل ان شالله عنده والخراب بسيط جدا ولا يكلف اكثر من 100 ريال وهو بالكتاوت الي من داخل عند الدراكسون وهو له طريقة خاصه يصلحه بس اي تطورات تصير معك عطن خبر وانا حاظر بالي تبي ياخوي وهذا رقم جواله بعد اذن الادارة 0503142571

[ديجور]

الله يعينك ..

وإن شاء الله تحصل حل لمشكلة موترك