تكفون الفزعه يالاجاويد حيرني الفتك يطفي احيانا واحيانا لا

[باترو]

السلام عليكم يالمكشاتيين وعسالله يعينا على صوم رمضان وختم القرآن
اولا انا الفتك الي معي 2003 قير عادي احيانا لما اشغل السياره يكون امبير ال ار بي ام على الصفر تطفي السياره واحيانا شوي وتطفي واذا شغلت المكيف بدال مايرتفع امبير ال ار بي ام
لا ينخفض وتطفي لازم اكون داعس على البانزين علشان ماتطفي واذا شلت رجلي من على الدعسه على طول تطفي واحيانا اخليها طافيه نص ساعه او اكثر من بعد المشكله واشغل مره ثانيه تكون السياره مافي احلا منها ال ار بي ام فوق الصفر بشخطتين والسياره طبيعيه 100%
رحت للورشه وقالولي هذي طرمبة البانزين وغيرة طرمبة البانزين ونفس المشكله
وياليت من صارت معاه هذي المشكله يقولي وش منه بالضبط انا ماودي اوديها لناس يتعلمون على السياره ولا اطلع بفايده

[على رمشي تمشي]

وعليكم السلام - كل عام وانت بخير - شف فلتر الهواء وعندك الثروتل اعتقد يحتاج تنضيف

[T-Tamimi]

تماتيك الهواء

فيه تماتيك يتحكم في رفع ار بي ام وخفضه في حال كانت السياره بارده او حاميه او مع تشغيل المكيف

اتوقع يحتاج تنضيف او تغيير

اذا كنت تشغل السياره في الصباح وما يرتفع عز الموتر فهذا دليل ان التماتيك متعطل او مايستجيب مضبوط

اسمه اتوقع تماتيك هوا المكينه

بالتوفيق ان شالله

[باترو]

وعليكم السلام - كل عام وانت بخير - شف فلتر الهواء وعندك الثروتل اعتقد يحتاج تنضيف

اشكرك اخوي على رمشي تمشي على ردك السريع
وابشرك السياره ضبطت دخلتها امس لورشه عندنا بالشمال شوي عندهم خبره بالفتك ويقول نظفنالك الحساسات لقيناهن مكربنه مدري وش معنات مكربنه يمكن مغبرات وسألته حساس الهوا نظفته قال لا مافيه شي بس يمكن في حساسات ثانيه غير حساس الهوا

[باترو]

تماتيك الهواء

فيه تماتيك يتحكم في رفع ار بي ام وخفضه في حال كانت السياره بارده او حاميه او مع تشغيل المكيف

اتوقع يحتاج تنضيف او تغيير

اذا كنت تشغل السياره في الصباح وما يرتفع عز الموتر فهذا دليل ان التماتيك متعطل او مايستجيب مضبوط

اسمه اتوقع تماتيك هوا المكينه

بالتوفيق ان شالله

اخوي التميمي اشكرك على المشاركه ومدري هو نظف التماتيك الي تقول عنه ولا لا بس ابشرك السياره المصري ضبطها وعطاني ضمان اسبوع قال اذا رجعت خذ فلوسك
والله انه شوي صلخني بشغل يده 500 ريال بس وش تبينا نسوي العماله الي عندنا اذا شافو الواحد مبتلش بعطال السياره وقالهم انا مريت كل الورش ومحد قدر يصلحلي السياره وصلحها هو على طول راح يستغلك ويصلخك بشغل يده
على العموم اهم شي انها ضبطت السياره وارتاحت نفسيتي

[T-Tamimi]

اخوي التميمي اشكرك على المشاركه ومدري هو نظف التماتيك الي تقول عنه ولا لا بس ابشرك السياره المصري ضبطها وعطاني ضمان اسبوع قال اذا رجعت خذ فلوسك
والله انه شوي صلخني بشغل يده 500 ريال بس وش تبينا نسوي العماله الي عندنا اذا شافو الواحد مبتلش بعطال السياره وقالهم انا مريت كل الورش ومحد قدر يصلحلي السياره وصلحها هو على طول راح يستغلك ويصلخك بشغل يده
على العموم اهم شي انها ضبطت السياره وارتاحت نفسيتي

الحمد لله

اذا رحت ورشه لاتصير حبيب وتسوي نفسك ماتدري عن شي
خلك ابو العريف وحفظ لك كم كلمه وسو حركات انك خبير وكذا وكل ما قالك سعر قل اووووف وطير عيونك كانك متفاجئ وطرح نص السعر وبد تفاوض معه
يعني اذا قال 500 قله 250 ونشب معه على الـ250
وبد شوي شوي زد عشره ريال
260
270
كذا تصفون انت وياه على 300 او 350

بالتوفيق ان شالله

[طرقي 555]

الحمدلله على السلامة وبالتوفيق بأذن الله

[هويدي]

الحمدلله على سلامه الموتر


بالتوفيق