المساعد الشخصي الرقمي

مشاهدة النسخة كاملة : للفاهمين بالميكانيا والكهرب فقط ارجو الدخول واغلق الباب وراك >>> !!!


ذيب الفاو
23/07/2011, 11:42 AM
مرحبا ياأخوان

:l


كيفكم ان شاء الله بخير

ومبروك عليكم قرب شهر رمضان المبارك

وادعوا الله لي ولكم ان نكون من صوامه وقوامه

أدخل بالموضوع على طول

احد الزملاء عنده باترول 95 خليجي فل كامل ( بخاخ ) > وهذا بيت القصيد

طبعا الرجال راعي بر ومقناص وطلعات

ومعروف ان البخاخ بالبر يشكل شوي يعني احيان اذا لحقه غبار صار يعلق ويتفتف

وترتفع الحراره ... الخ

المهم الرجال يبغى يحول موتره من بخاخ الى كبليتر

هل يستطيع ان يحوله بهالسهوله خذني جيتك ؟؟ ام ان الموضوع صعب

وماذا يحتاج وكيف وكم يكلف ... الخ اتمنى من اهل الخبره والتجربه الرد

قبل الذهاب الى الورشات والميكانيه ودوختهم وشكرا لكم ..
عمر الشريف
23/07/2011, 12:43 PM
الله يكون بعونه مشكله البخاخات مشكله
مركز حراره
23/07/2011, 01:08 PM
الحراره عندنا علاجه
escape_man
23/07/2011, 01:41 PM
الحراره عندنا علاجه

ياخي انت خبير وخبرتك على عيني وراسي .. اعتب عليك درعمتك بالموضوع وانت مطفي النور ..

الرجال ينشد عن البخاخ والكلبريتر .. فدخولك للموضوع وتسويقك لمحلك مثل الي يسوق قطع مكنيكية بمحل خضار ..

فصل بارك الله فيك وانفع الناس بعلمك يتفتح الله عليك ابواب المعرفة زود وزود ويرزقك بركة المال والدعاء.

اعذرني ياصاحب الموضوع .. وبما اني خربشتك على جدار موضوعك فانا ماعندي راي ولكن بادلك على ورشة جيدة بالرياض تشتغل باترولات وجموس اسمها ورشة ابوعادل بالصناعية القديمة ..

تتعدى اشارة السالم للزجاج متجه شمال

يجيك بنك الراجحي على يمناك

اول شارع بعده تخش معه تلاقي ورشة ابوعادل على يسراك

قل ابي سعيد الهندي هو الي يشتغل فيه

وغيره عندك ورشة الصمعاني بتشليح الباطن ببريدة

واكرر عذري
ذيب الفاو
23/07/2011, 09:44 PM
الله لايهينكم على الردود يااخوان

لاكن انا بغيت خلفيه عن الموضوع ومعلومات ونصيحه قبل يروح الرجال للورشات من شخص خبير وعنده تجربه او معلومات بهالموضوع
والورشات لاحقين عليهم وعلى سوالفهم اكيد كلن بيقول اعرف ويعطيك من راسه موووووواااال

وتسلم يابن غييثات على التوضيح والرد

وابد خربش بالموضوع على راحتك حياك الله
ابوراكان تبوك
24/07/2011, 11:50 PM
المعلومات اللي عندي ان البخاخ اقل صرفيه واقوى في التسارع يجاوب بسرعه مع الدعسه المفاجأه

تقبل مروري


اللي بيخش بعدي المفتاح تحت الفرشه ههههههههههه
ذيب الفاو
25/07/2011, 09:56 AM
المعلومات اللي عندي ان البخاخ اقل صرفيه واقوى في التسارع يجاوب بسرعه مع الدعسه المفاجأه

تقبل مروري


اللي بيخش بعدي المفتاح تحت الفرشه ههههههههههه

هههههههههههههههههههههههه اجل المفتاح تحت الفرشه ههههههه والله منت بسيط نمس ههههه

عموما مشكور على المشاركه وصدقت البخاخ للخط مافيه مثله لاكن بالبر لاوالله يهبا
اذا خرب عليك او رشح غبار وقف الموتر بعكس الكبليتر تفكه وتنظفه وعشر دقايق وانت ماشي :good2::good2::good2::good2: