اين المصداقيه .............. يالمكشاتيه ارجو الدخول

[ابو سلطان898]

بسم الله الرحمن الرحيم

السلام عليكم ورحمة الله وبركاته ،،،،،،،،،،،
اخواني الاعزاء هذا ماحدث معي في هذا المنتدى واترك الحكم لكم عرض احد الاعضاء كفرات بالون وبعد المزايده ومكالمه تليفونيه تم البيع علي بمبلغ وقدره وقام بارسال رقم حسابه واسمه كاملاً ورفض تحويل المبلغ حتى يأتي شخص يشوف الكفرات ويستلمهاوقمت بارسال احد اخوتي ليستلم الكفرات منه في الرياض علماً ان الرياض يبعد عني 280 كيلو وتم الاتفاق على وقت بعد العصر وبعد وصول اخي الى الرياض قمت بالاتصال على العضو ولم يرد قلت يمكن نايم دقينا كذا مره قام يعطينا مشغول المهم الى يومكم والرجال مايرد، الحقيقه اني بعت وشريت في هالمنتدى الرائع اكثر من عشرات المرات ولم يحدث معي ماحدث اطلاقاً والغريب في الامر انه عضو فعال ومعروف بالبيع والشر اء في هذا المنتدى
هذا لاطلاعكم وعلمكم والله من وراء القصد ،،،،،،،،،،،،
واترك الحكم لكم

[طحنون]

الله لا يوفقه اذا كان نيته انه بيسرقك
ولاكن التعاملات الماليه عن طريق النت لها احتياطاتها وشروطها اختل شرط منها فتعرضت للاحتيال من ضعفاء النفوس

1- الله يبلاه فيه ماله واهله وعيشته حتى ون سرق نصف ريال هو حرام وليس من حقه
2- الله يعوض عليك
3- تقدرانك تجيبه بس السالفه تاخذ وقت

[شنكار]

احسن الظن احسن الظن...

[شنكار]

يا اخ طحنون
الرجال ما ارسل الدراهم...

[أبوفهد 2011]

سبق إنه صارت معي , لكن الله يعوضك بغير هالكفرات و يهدي راعي السلعة

[ابوعقل]

لا حول ولا قوة الا بالله

الله يهدي الجميع

اخوي ابو سلطان

يمكن الرجال صارله ظرف

طحنون

تعوذ من ابليس

[ابو محمد السهلي]

انما الاعمال بالنيات وانما لكل أمرا مانوا.الحمدللله انك ماحولت الفلوس .. ×

[سلاااامات]

أنا أقول خيره لك

[تــــوني]

يا اخ طحنون :

لا تطير في العجة ومن كلام ابو سلطان ان البائع رفض تحويل المبلغ (يعني ما عنده نية نصب )
واكيد السلعة معروضة والزباين القريبة في الرياض اكثر
يمكن الرجال البائع محتاج الفلوس باسرع وقت ولا يبي يلتزم بعد تحويل المبلغ بمواعيد قد تختلف بينهم بحكم انه برى الرياض .
أو انه حصل عليه ظرف طارئ ولا يستطيع محادثتك اما مستشفى أو اي مشكله تشغله عن الرد عليك
(يعني ما على البائع حرج والبيعان بالخيار مالم يتفرقا وهم ما اتقابلوا اصلاً )
والزباين ممكن يغيرون رايهم باي وقت والبائع ممكن بعد يغير راية
(بس المفترض انه يرد يقول انه لم يعد لدية رغبة في البيع )

ويمكن انه استخار في البيع نظراً لارتفاع اسعار الاطارات في الوقت الراهن ورغب الاستفادة منها هوا ( البائع)
ابحث عن عذر لأخيك المسلم
وفي الاخير لم يحدث نصب في الموضوع يعني الامور سليمه ولله الحمد واحذروا الدعاء على اخوانكم المسلمين

[طحنون]

ماطرت لا بالعجه ولا بالدسن انا قلت هو ونيته اذا انه بيسرق الرجال الله لا يوفقه سواء ارسل الدراهم او ماارسها حتى لوبالكلام هاذا تعامل بين رجال سواء تمت البيعه او لم تتم
واللي يقول اخيك المسلم ياخوي الاخ المسلم لا يؤذي اخيه المسلم بااي شكل من الاشكال
لان هاذا فتات دنيا وسحت دنيا مصيره الزوال والدين معامله حسنه بين الطرفين والثقه معدومه لان الامانه ضاعت

ونكان خساير نخسر على شي يسوى وشي مايسوى والعوض على الله والله يخلف علينا
حتى التعامل مع البشر صار صعب اللي يفهمك خطاء واللي يدورعليك زله والله يلف الحكي من صالحه

وعلى قوله حسين عبدالرضا افهمك وألا افهم الهندي ( لاحد يزعل لاني تذكرتها ومحشومين )

[لكزس_جيب]

تأن ولا تعجل بلومك صاحبا.... لعل له عذرا وأنت تلوم

وإن أخطأ عليك بعدم الرد وأتعب أخوك المشوار فتذكر قوله تعالى:
"ومن عفا وأصلح فأجره على الله"

[سفير القدس]

الله لا يوفقه اذا كان نيته انه بيسرقك
ولاكن التعاملات الماليه عن طريق النت لها احتياطاتها وشروطها اختل شرط منها فتعرضت للاحتيال من ضعفاء النفوس

1- الله يبلاه فيه ماله واهله وعيشته حتى ون سرق نصف ريال هو حرام وليس من حقه
2- الله يعوض عليك
3- تقدرانك تجيبه بس السالفه تاخذ وقت

مايجوز يامسلم هذا الكلام

الله يهدية ولايبلينا والاحتياط واجب

[فهد بن مشبب العاصمي]

للأسف ياغالي أن فيه عينات في المجتمع كبار عمر ولكن اخلاقهم كأخلاق الصغار .. يعني اذا قالك بعت وانت شريت منه بالتلفون .. وانتهت المكالمه .. يجي احد يكلمه يزود ويرجع يقول واحد زاد على سومتك بتزود ولا أبيعه .. وين العمل بحديث النبي صلى الله عليه وسلم : ( البيعان بالخيار مالم يتفرقا ) والتفرق حصل بانتهاء المكالمة

والبعض مايرد لأنه مايدري وش يقولك ولاهو قد البيع والشراء .. يبن الحلال أحمد ربك انك ماارسلت الفلوس بس ..

غيرك اكلها ولكن ربي مايضيع شيء ..

والأصل اذا الواحد هون عن البيع يعطي المشتري خبر ولايقعد يماطل فيه ويسحب فيه ..

[ابو شريف]

قد حصلت معي زي سالفتك تقريبن في المنتدى
رحت لمه وشفت الكفرات واتفقنا ان بكره يركب طقم جدد على موتره وانا اخذ القديمه

ومن بكره ادق مايرد وارسل ولا يرد

[دل البحار]

بسيطه الهرجه
مادامت أنوالراجل لا قبض فلوس ولم يتم تحويل اي مبلغ بحسابه
فماهناك اشكال التمس لاخيك المسلم العذر
انا افتكرت انه حول الفلوس وبعد تحويل الفلوس رفض يسلمه البضاعه فمن حقك ان تجاهر به وتطلب بحقك
اما ان كان الشخص لم يريد البيع عليك حتى بعد الاتفاق فله الحق لانه هو من يريد ان يبيعك وليس مجبر ان يبيع عليك اذا كان غير رأيه
البائعان بالخيار مالم يتفرقا
هو بصراحه قلة ادب مشوار أخوك للرياض على اتفاق ومن باب الادب ان يخبرك بعدم جديته في البيع او تغيير رأيه
زبدة الكلام
الرجل باع لشخص قريب من ديرته ولا يريد يدخل معاك في نقاش عاد تشطر وأفهمها

[حبيب الامس]

كان أكدت عليه قبل مايمسك اخوك الخط والحمدلله خيره ان شاء الله

[الحــ سعود ــربي]

طالما انه لم يستلم المبلغ بكيفه

صحيح ان مشوار اخوك مو سهل لكن الله يعوض عليه

اما بخصوص المصداقيه للأسف معدومه في هذا الزمان الا القليل النادر

[بن لوتيه]

في هالدنيا تعيش وتشوف لكن المفروض انه رد على جواله وبين لك او اعتذر
عموما بالتوفيق

[مسير عليكم]

يارجال احمد ربك
والي يشتري منك بضاعه ويقولك جبها مامعي موتر يشيل ولا ارسلها مع احد وعطيه حق مشواره ولا ارسلتها له ودقيت عليه ما يرد ؟؟ هذا وش السوات فيه
الحمد لله ولعل صار له ضروف

[ابوعثمان11112]

الله يهدية ان شاء الله

[system]

المفروض مايعطيك مشغول اقل شي يعتذر برساله
والشئ الاهم ان يكون الرجال عند كلمته

[email man]

أنا أمس كلمت رجال عارض له موتر في أحد المواقع
وإتفقت معه إني أرسل أخي لمعاينة الموتر اليوم الثاني
وللأسف أرسلت أخي والرجال مارد على الجوال للحين ....!!!!
والمشكله اليوم عرض المتر بموقع آخر .... ماني عارف إذا بيبيع الموتر ليش مايرد ..؟؟؟

وقبل كم سنه كان معروض كبريتر بالكويت وأحد الأعضاء طلب مني أشتريه وأرسله له
ويوم تعنيت للكويت وشريت الكبريتر وجيت أرسله له طلب مني أصوره وأرسل الصور له
وفعلت (وهذا كله خدمه مني بدون مقابل) وبعد كذا إتهمني بالغش وقال مبين من الصور إن الكبريتر ماهو جديد ورفض ياخذه ....!!!!
والحمدلله الكبريتر بعته بدون مشاكل على شخص ثاني

أخوي أبوسلطان إذا أنت إتفقت مع الرجال وتبايعتو فهذا يعني انه لايحق له بيع الكفرات حتى لو جاه فايده أكثر ... هذا اللي أنا أعرفه .

أنا أستغرب يوم أسمع مثل هالأمور تحصل في مجتمعنا الإسلامي
كيف الواحد يقدر يبيع ضميره ...؟؟
الله يرحم شيباننا يتبايعون بدون أوراق ولا صكوك ولاشافو هالمشاكل

الله يعوضك أحسن منهم وأنا أخوك .

[~EmPeRor~]

تعوذ من ابليس

تصير في اكبر العوائل هع

مالك الا تطول بالك واحمد ربك انه ماخذى الفلوس وسحب عليك