انا لااملك غير 500ريال والضيف مريض تعالو وستفيدو

[عطيب ومايغيب]

السلام عليكم ورحمة الله وبركاته ...

أحب انقل لكم قصه من تجربتي الخاصه

............تفضل ....................

في بديه عملي با الشرقيه وف 1419هـ

جاني ضيف ولد اخوي وكان عمره20سنه ونا 21سنه

الرجال مريض وتعبان نفسيه وبحاجه لمستشفى او شيخ يقراء عليه ونا كان مامعي غير 500ريال والله وطير وشتري خروف با350ريال ودخله الطباخ المهم ورجع للضيفوسوالف مع الضيوف وهم من الشله والضيف مكتم الرجال مريض نفسيً
بعد العشاء الضيف قال ياعم انا تعبان وبغا شيخ يقر ء علي المهم رحنا لشيخ وقراء عليه واعطاه ادويه بحوالي 150ريال المهم مني ومنه كملنآ المبلغ قال انا بروح للرياض الفلوس خلاص مابه ولا ريال ولافيه احد يقرب لي ولا كان فيه جولاات
المهم الرجال وصلته طريق السريع ونزل يأشر ونا حجزت الباطقه وعبيت بنزيل ورجع لمقر العمل

.................................................. ......

{ لكم الجزء الثاني}
بعد حوالي اكثر من 12سنه

والله ويدق علي رجال ولد عمي قال يابو فلان انا وبني با الطريق جايين لك والفلوس مامعي غير البانزل ولا يكفي عندنا موعد بكره روري لازم احضره واحوالهم لك عليهآ حولي قيمت البنزل حتى اتوصل الك

ياربع لم يكن معي غير مصرفي الخاص 1500ريال والذبايح فوق الالف ولافيه احد اعتمد عليه يمدني با السلف

قلت طيب المهم لرجال وصل البيت وقدم له العشاء العادي من البيت

قلت يابن عمي انت بحاج لمصرف ونا لااملك غير كذا وكذ والمهم والاهم انك تحصل ماجيت له الوضيفه للولد
ونت لم تاتي غير لغرض تسجيل ابنك هذا 1000ريال اصرف منه انت وبنك قال جزاك الله خير والله تقول معطيني حدا اعيالك

المهم مكثو حوالي اسبوعين في بيتي ويراجعون حتى قبل الولد

والناتج كتالي

الولد موضف في سابك وستلم بيت فيه ابوه وامه وباقي اخوانه والراتب مايحتاج مغطي وزود

وكل مافي الامر الفرق بين القصه الاول والثانيه لو اني عالجت ابن اخي وتركت الذبيحه ماكان ياشر على السريع وهو مريض

[دل البحار]

عدل كلامك
لاتصرف قروشك الا على قد حاجتك
لكن انت كيف تذبح وتسدح والفلوس ماتغطي
ب 100 ريال دجاج والباقي تصرف به عمرك
بعدين ولد أخوك ما بيشره عليك

[عطيب ومايغيب]

عدل كلامك
لاتصرف قروشك الا على قد حاجتك
لكن انت كيف تذبح وتسدح والفلوس ماتغطي
ب 100 ريال دجاج والباقي تصرف به عمرك
بعدين ولد أخوك ما بيشره عليك

يارجال انا وبن اخي با العشرين من العمر وانا احسب الذبيحه فرض كفايه


على كل حال

اشكرك على المرور وتقبل ازكى سلامي يا الخالي

وبمناسبه قرب شهر رمضان اقول كل عام ونت بخير وصحه وسلامه

[ابو الشبرميات]

صادق لكن ما عاد يفيد الندم

لكن الحمد لله انك تنبهت في الاخير

***

تقبل مروري

,,,

[رفيع المقآم]

ماشاء الله عليك
الموقف الثاني احسنت التصرف فيه
وهو رجال كفو باين عليه مايبي الزلات والعيوب
الف شكر على الموضوع الروعه

[عطيب ومايغيب]

[QUOTE=ابو الشبرميات;7027705]
صادق لكن ما عاد يفيد الندم
نعم ماعاد يفيد الندم



لكن الحمد لله انك تنبهت في الاخير
نعم ياخي فرق العمر والتجربه وتوازن العقل خير برهان


***
اشكرك على مرورك واتمنالك التوفيق والسداد


تقبل مروري
مقبول منك وبيض الله وجهك على المرور



,,,

[Daym]

والله انك احسنت التصرف ميه ميه
المشكلة اننا نستحي ، ونجامل على حساب ظروفنا

[الذيب الاشهب1]

انتم ليش ماتحبون الكرم

[دلهميز]

الكرم زين لكن بحدود ( ولا تبسطها كل البسط فتقعد ملوما محسورا ) ,,, اذكر سالفة واحد بعد ما تزوج وسكن بالرياض حيث توظف وصاروا ربعه بالديرة اذا جاءوا الرياض يزبنون عنده الي من نتفوه بالذبايح والسلف

يقول صرت انا وزوجتي اذا رن جرس الباب نناظر مع العين السرية اذا هو من ربعنا بالديرة او من اهل الرياض نفتح او ما نفتح

[أبوعابد 22]

الله لا يهينك على القصه المعبره
والهدف من قصتك الاستفاده

[سليمان الربيعان]

الحمد لله على النعمة والله يرزقنا شكر النعمة
زين الي سويت....الجود من الماجود
تقبل تحياتي...
اللهم بارك لنا في ما بقي من شعبان وجعلنا من المغفور لهم في رمضان اللهم امين

[طلااالي]

الانسان يتعلم من كيسه وكل غربه لها مرارتها وياما الناس لحقهم نقص وحاجه لكن يبقى الواحد مستور ولاعيب االا العيب وكانت الرواتب رديه قبل , والحين الناس اغتنت قبل البيت كله اذا ماهو بيوت على موظف واحد الحين البنات والعيال موظفين .. حسرتك بعد سنوات على ولد اخوك وهو يأشر على السريع آلمتنى حد العظم
وانت بذبيحتك تبي تكبره وتحسسه بقيمته وترفع من معنوياتها . الله يفتح لك ابوب رزقه .

[عطيب ومايغيب]

انتم ليش ماتحبون الكرم

هلا وحياك يا الغالي

القصه ليسة كرم ان ماهي واقع تجربه والاهم ليسى الذبح المهم وصول الشخص الى مايريد


الكرم شي ثاني

عندي سؤال ممكن تجاوب عليه يا الذيب الاشهب 1

السؤال

لو صادفك رجال ماتعرفه وقال (ياطيب انا رجال مقطوع من الفلوس ابغا سلف 1000ريال ونت ماتعرفه هل تعطيه الالف)

[عطيب ومايغيب]

ماشاء الله عليك
الموقف الثاني احسنت التصرف فيه
وهو رجال كفو باين عليه مايبي الزلات والعيوب
انا شهد انه كفو وكل مازوره عند اولده با القوه اتخلص منه ويقول لبنه ترهاذ الي سبب وضيفتك وراتبك من الله ثم من ها الرجال
الف شكر على الموضوع الروعه

الشكر موصول لك اخي الكريم وبيض الله وجهك على المرور

[عطيب ومايغيب]

والله انك احسنت التصرف ميه ميه
المشكلة اننا نستحي ، ونجامل على حساب ظروفنا

التجربه له دور يا طيب اسمك هههههههه والله ماعرفه انا مافيه امل اقراء:D الانجليز

لاتستحي ونا اخوك اهم شي تراعي ضرف خويك والكرم واجب والجود من الماجود

[عطيب ومايغيب]

الكرم زين لكن بحدود ( ولا تبسطها كل البسط فتقعد ملوما محسورا ) ,,, اذكر سالفة واحد بعد ما تزوج وسكن بالرياض حيث توظف وصاروا ربعه بالديرة اذا جاءوا الرياض يزبنون عنده الي من نتفوه بالذبايح والسلف

يقول صرت انا وزوجتي اذا رن جرس الباب نناظر مع العين السرية اذا هو من ربعنا بالديرة او من اهل الرياض نفتح او ما نفتح
اخي القدير دلهميز

الناس القداما واهالي القراى وبعض الديار على العادات القديمه نزبن فلان ويحسبون رجالهم يبطش من بحر مايدرون احيان يفطرون باقي العشاء:D:Dوخاصه لصار تميس يخلونه فطور وخاصه من تاريخ:p:p20الى 24المطبخ سالب ههههه:D

[storm way]

الله يعطيك العفيه على سرد القصتين

الاوله مكرم ضيفك والثانيه محكم عقلك

بارك الله فيك

بس سوال يطرح نفسه

بعد العلاج والوظيفه وش صرت عندهم هل لك قدر ومعزه

ولا تغيرت الدنيا

واعذرني بارك الله فيك على سوالي

[عطيب ومايغيب]

الله يعطيك العفيه على سرد القصتين

الاوله مكرم ضيفك والثانيه محكم عقلك

بارك الله فيك

بس سوال يطرح نفسه

بعد العلاج والوظيفه وش صرت عندهم هل لك قدر ومعزه

ولا تغيرت الدنيا

واعذرني بارك الله فيك على سوالي

قبل الجواب اشكر على المرور وتشريف الموضوع

اجواب

ولد اخوي مايحتاج انا عمه والامور تمام ولاكن لايفرق بيني وبين باقي اخواني انا لاريد غير الاجر

بسبه لبن عمي ابو الولد وده يدخلني اعيونه من المعزه بنسبه للولد احس انه مايسؤا قطعه حذا الله يكرمكم ونا مقدر ابن عمي ولاهو بختصار (رخمه) انها الجواب قابل لزياده

[قوافي ( أم نهار )]

حياك الله اخوي
لا يكلف الله نفسا الا وسعها
احيانن يظطر الوحد صرف ما عنده من اجل ضيف وقد يكون لايملك غيرها الله يصلح الحال ويعين على الدنيا بخير
مشكور اخوي
تحياتي.اختك
..قوافي..

[الذيب الاشهب1]

[SIZE="7"]اختصر اللي مايقدر يساعد خوية او ربعة او جماعتة معذور اما اللي يقدر هذا ارخمة ورداة نفس
اما انجاني راعي حاجة وانا معي الالف والله تروح الهSIZE]

[عيون الاشقر]

الله يعطيك العافيه

[Al3rands]

صدقت والله الجود من الماجود

[ولد مزينة]

الحمد لله على كل حال

[فطوم باك]

يسلمووووووووووووووووووووو

[ابو اسامه 2]

قصه رائعه

لك لك الشكر والتقدير

تحياتي لك

[مريقب العيفار]

بيض الله وجهك يا راعي السالفة

وانت ما قصرت لا بالاولة ولا بالثانية

بالاولة وجبت ولد اخوك


والثانية فزعت بها لولد عمك

[انسانه؟]

ماشاء الله عليك قمت بالواجب وزودعن الكرم..,
مع انه فيه ناس تسلف وتبذل لمن يتعنى له سواء لحاجه ولاطلب لكن مايبين في عين اللي بذله ولواحتاجه في يوم صدعنه>ناكرللجميل..
فالله المستعان وكلن يعمل بأصله.
بارك الله فيك ويعطيك الف عافيه..

[ابو صفوق]

نحن امة وسط وكل شي وسط زين اشكرك

[المعيصي]

اشكرك من كل قلبي

ما اجمل الصراحة

..........

جمله لا اعلم هل احزنتني ام اضحكتني يا طلالي

((والحين الناس اغتنت قبل البيت كله اذا ماهو بيوت على موظف واحد الحين البنات والعيال موظفين ))

[عطيب ومايغيب]

اشكر الجميع على المرور وتعليق واتمنا لكم صيام وقيام مقبول