خرمة شعير

[محمدالزبيدي]

السلام عليكم ورحمة الله وبركاته

الحمد لله الشعير انحلت أزمته أو في طريقها

والخرمة زالت

طيب تتوقعون البرسيم ينزل سعره وإلى أي حد سعري ؟

يعلمني الولد الله يحفظه وهو مرابط عند موقع تريلات الشعير

يقول شايب الله يستر عليه بعد أن حظي ب15 كيس شعير راح يمشي بين السيارات وهو يحدث نفسه

إيه 15 كيس شعير واسطة
ويرددها ويأشر بيديه
فرحاااااان
وواحد حمل بسيارته 15 كيس ويوم جاه جيب الشرطه وسأله وكان يبون يرجعون الزائد

عشق الوانيت ولا تسمع الا صرير الكفرات بالإزفلت وهات يا مطارده ( الرجال متعدي الأربعين ) في عمره
وهات يا مطارده ودخل بهم شوارع الحارة
يقول الولد ما تسمع إلا صريخ الكفرات عند المنعطفات داخل الحي
حتى. نفذ بجلده ومعه الغنيمة 15 كيس شعير

شرابكم مهي خرمة

هههههههههه والله يوم أتخيل هالقصص أضحك لحالي

يا حليلهم اهل البلد بسطاء جدا وفلة

صدق المتأمل في تاريخ أبناء الجزيرة يجد أن البساطة والفلة في دمهم منذ فجر التاريخ العربي

ماعلينا

شرايكم بالبرسيم تتوقعون ينزل

وسلامتكم.

[storm way]

اذا في الشرقيه طال عمرك وتبي تراني حاضر باللي اقدر عليه

[رسيس نجد]

ممكن ينزل سعره زي مانزل الشعير

[abo_hoor]

وعليكم السلام ورحمة الله وبركاتة شلونك اخوي محمد القصه صراحه صعبه ههههههه الله يعينه بين حارات والله ميت ضحك منها اما بخصوص ان برسيم ينزل عندي احساس وممكن يكون غير صحيح انه بيكون نفس سعر ماينزل وانا اتمناء انه ينزل والله يعز المملكة وملكها وشعبها الطيب

[ابو الشبرميات]

المفروض انه ينزل ويرجع لاسعاره الطبيعية او حولها

لكن للاسف الشديد اكثر ما عندنا تجار الازمات والاسواق السوداء

واذا كان خصمك هو القاضي فمن تقاضي

الله يفرجها من عنده

تقبل مروري

,,,

[محمد الظاهري]

البرسيم لا يوجد له سعر معين
مثل الاسهم
مره يرتفع ومره ينزل
تتوقع شي
فيه مصري راعي شعير
جالس عند رياجيل انا اعرفهم شخصياً
المهم المصري كلمه الكفيل و قال له
بكره زود ريال ونص على البلكه الوحده
وعلمهم المصري الي عنده
وهم يطامرون ويقولون يالله عبلي الحين
والي يسوق فلوسه يقول بكره اجي اخذه
كلهم خااايفين من الريال ونص
واليوم زايد ريالين عن قبل
تتوقه اي شي يابو هشاام يزود
وينقص
تحياااتي

[نفال444]

مصدقين الشعير بينزل

[المزروعي]

السلام عليكم ورحمة الله وبركاته

الحمد لله الشعير انحلت أزمته أو في طريقها

والخرمة زالت

طيب تتوقعون البرسيم ينزل سعره وإلى أي حد سعري ؟

يعلمني الولد الله يحفظه وهو مرابط عند موقع تريلات الشعير

يقول شايب الله يستر عليه بعد أن حظي ب15 كيس شعير راح يمشي بين السيارات وهو يحدث نفسه

إيه 15 كيس شعير واسطة
ويرددها ويأشر بيديه
فرحاااااان
وواحد حمل بسيارته 15 كيس ويوم جاه جيب الشرطه وسأله وكان يبون يرجعون الزائد

عشق الوانيت ولا تسمع الا صرير الكفرات بالإزفلت وهات يا مطارده ( الرجال متعدي الأربعين ) في عمره
وهات يا مطارده ودخل بهم شوارع الحارة
يقول الولد ما تسمع إلا صريخ الكفرات عند المنعطفات داخل الحي
حتى. نفذ بجلده ومعه الغنيمة 15 كيس شعير

شرابكم مهي خرمة

هههههههههه والله يوم أتخيل هالقصص أضحك لحالي

يا حليلهم اهل البلد بسطاء جدا وفلة

صدق المتأمل في تاريخ أبناء الجزيرة يجد أن البساطة والفلة في دمهم منذ فجر التاريخ العربي

ماعلينا

شرايكم بالبرسيم تتوقعون ينزل

وسلامتكم.


وعليك السلام ورحمة الله وبركاته ,

والله أنها قصه مضحكه و مبكيه في النفس الوقت , وعز الله أنك صدقت أن أبناء الجزيره بسطاء و مطالبهم بسيطه جدا . مطلبهم توفر الشعير و البرسيم فقط . الله لا يحرمنا من الوسمي هذي السنه ويفرح أهل الحلال ويفكهم من جشع التجار .

[عليم الظمى]

والله مشكله غداً اذا وقف عند القاضي وش التهمه والله مهرب شعير هههههههههههه

الله يرحم حالهم ويفرج همه والله يلعبون بالمواطن ويهان والله المستعان

[محمدالزبيدي]

حياكم الله اخواني جميعا نورتوا

اي والله الله يررزقنا بالوسمي ويغيث البلاد والعباد

ما يكمل في الخلق إلا اللي خلقهم

يظل الإنسان عاجز

اليوم يا أخوان والله سررت جدا عندما رأيت قطع السحاب في غير موعدها في مثل هالأوقات

وأجزم بأن الكريم المنان لن يكل هذه الجموع الزاهدة في الدنيا وأهلها لغيره وسيرحمهم قريبا

ولا بعد الشدة إلا الفرج