مشكله بالفتك...........الفزعه

[عاشق الخلاءم]

السلام عليكم ورحمة الله وبركاتة
كيف الحال
عندي مشكله بالفتك موديل 2008 مايعشق ابد الا من عند ازرار اللي بديكور القير
وش الحل ؟
عطوني حل سريع لاني متوهق فيه

[وبل نجد]

وضح اكثر مافهمت شي

وضح علشان اقدر اساعدك

تقبل مروري

[ALBDRANE]

لا يكون الفتك الي توهق فيك هههههه وسع صدرك أكيد أن السيارة الي قبل الفتك كانت شاص

الظاهر أنك أول مرة تستخدم الفتك( التماتيك) وهذا في أغلب السيارات
طبيعي ما يعشق الا أذا ضغطت زر الأمان وش أسمه ؟ زر تأمين القير الي يجي تحت أصبعك الأبهام أذا مسكت القير وهذا طال عمرك والسامع على شان الأطفال الله يخليهم لنا .

طبعاً أذا كان القير على B
بس بين التغييرات الأخرى يتنقل القير بينهم من دون ظغط الزر

وأنكان لازم تضغط الزر بين كل الغيارات معناه أن عندك مشكلة بالفعل و جرب تضغط بمبفك صغير على زر يالله تشوفه في لوحة القير والسيارة في وضع التشغيل على N

أرجو أن يكون الموضوع قد أتضح لك

وأذا كانت السالفه أن القير ما فيه شي أجل يبيلك شرح على الطبيعه عن دبل الفتك وأذا كان عندك دوفلك يبيلك ........ السالفه طالت مع السلامة يالطيب وتحت أمرك دامك راعي فتك

[رااس القطاه]

يفيدونك الشباب والله يجزاك الجنه

[VTC 2002]

الحل ياطويل العمر اضغط على الزر اللي في نفس القير على الجنب ضغطتين سريعه ورا بعض وخلك ضاغط وعشق وسلامتك

[ابوسند9]

فهم السؤال نصف الاجابه
المشكله ان بعض اللي ردو معهم فتك
الرجال يقصد ان القير ما يعشق حتى لو ضغط الزر اللي بالقير
اذا جاء يعشق يقول لازم اضغط الزر الاحمر اللى بديكور القير اللى تحت الولاعه

[قرم العيال]

كلامك غير مفهوم وضح !! تقصد الشيفت لوك ( زر تامين القير للسحب ))

ولا الزر الي بعصا القير ما غيروه !!

[وليد46]

الظااهر ان الجيب مسروووق ومتوهق

[jelail]

يا اخوان المشكلة صارت معي البارحة وقفت ابشتري غرض من البقالة وعند الرجوع للسيارة حدثت معي المشكلة

يقصد اذا كان القير في وضع البريك P

ان القير ما يعشق حتى لو ضغط الزر اللي بالقير

لازم اضغط الزر الاحمر اللى بديكور القير اللى تحت الولاعه

الشيفت لوك ( زر تامين القير للسحب )) ومن ثم يتم التعشيق بسهولة

وعند الوقوف ووضعه P لازم اضغط على زر التأمين الي على الديكور بجنب القير

ارجو من عندة حل يساعدنا بارك الله فيكم

[ls1.5700]

المفروض من الاول توضح السؤال على شان تفهم الناس
المهم افصل اصبع البطاريه السالب ساعه كامله وتنتهي المشكله بأذن الله
اذا مافاد افحصه كمبيوتر بـ100 ريال ويبين الخلل على طول
وتعرف مشكلتك وين بالقير 00 ان شاءالله بسيطه لاتخاف ابد
مجرد رموز او اكواد اخطاء مسجلها الكمبيوتر
مجرد مايفحصه الفني ويسوي لها مسح تنتهي المشكله على طول
والله يوفقك ويعينك

[jelail]

الحمد لله انحلت المشكلة

فحصه الكهربائي

فحص الفيوز اسفل الطبلون ووجدها سليمة

قال اجل الكتاوت يبي تغير

ثم غير راية واندعس تحت الدركسون وحرك شي وقال خلاص زان

قلت وش سويت قال يوجد زرين فوق الدعاسة زر صغير وزر كبير

قال ضغطت احدها نسيت ايهم الصغير او الكبير

وانا اكتب هذا الرد لايستفيد الاعضاء اذا حصلت لهم نفس المشكلة