راعي العجراء
25/07/2011, 01:58 AM
السلام عليكم ورحمة الله وبركاته
هذه سالفه عن الذيب والكلب اعزكم الله
هذا شخص منول يشتغل جمال يودي بضاعه ويجيب بضاعه ويودي مراسيل ويجيب مراسيل
يعني متنقل
وفي يوم من الايام قرر الذهب الى منطقه بعيده شوي عن الديره واخذ معه كلبه اللي فطحت ضهره تقول بقشة دلاله من كبره وبطرف الذيل شعر يعني كلب دلع وولد نعمه وكان هذا الشخص مربيه عنده وهو صغير حتى كبر
المهم الرجال سبق ان طلع معه هالكلب مرة او مرتين مشاوير قريبه ومن شاف هالذيخ يتعجب من شكله وقوة جسمه ويقولون هذا الكلب والا بلاشي ياحظ راعيه هذا اللي بيفك راعيه من ذيب وغيره
المهم الرجال سافر عن القريه والكلب معه مادراء الا وذاك الذيب اللي معترض له
هو وكلبه يبي يستفزع بالكلب ولا ماعنده احد شوي يوم كثرة عليه الذيابه وبدت تحوف الرجال هي وناقته والكلب ماغير وه وه ماغير صاج صاحبه بالنباح المهم الرجال استسلم
منيته قربت وكان يمشي قريب من جال او ضلع مرتفع اشوي يوم سمع صوت رمية بندق
الا والذيب الاول الرميه ذبحته والبقيه زبن الضلع
وقف الرجال الايوم حول عليه ذاك الرجل من الضلع وش العلم ابد اللي حصل كذا وكذا
قال الرجال سمعت صوت هالكلب وقلت ابشوف وش عنده يوم ارتفعت الا والذيابه عندك
وعرفت انها تبي تذبحك بس احتري زين المرمى واقرب لك
شوي المهم نزل اغراضه وصلحوا قهوتهم ويوم تقهوو كل راح بطريقه
الرجال هذا يتعجب من هالذيخ اللي معه كيف ماسوى شي عرف الرجال صغر قلب الكلب ولوهو جسور وقوي قلب كان ذبح الذيابه كلهن راح الرجال مشواره والكلب معه وبعد فتره رجع الا قريته وفكر
ويش يسوي بالكلب
ويوم صار يوم من الايام وهو يحفر له حفره ويحط فيها ذاك الطلي ويوم صار باليله من الليال الا والذيب طاب بالحفره وماكل الخروف ولا قدر يطلع
يوم درا الرجال ان الذيب بالحفره وهو يجيب كلبه ويجدعه على الذيب بالحفره قال انت والذيب وجه لوجه الجيد يفك عمره وهو يروح ويخليهم اخذله فتره يوم رجع قال وكاد ان الذيب لعب بحسبة الكلب يوم ناظر عليه الا والذيب ميت والكلب متوسد الذيب وماخذله غفوه
الرجال طلع الكلب من الحفره وخذه معه
الكلب عقب ذبحت الذيب صار جسور وجسم نشيط قال الحين دور الذيابه
ولا راح مع عمه ماغير يتقصص اثر الذيابه ويذبح الاثنين والثلاثه ولا يبالي
وصار حكي الناس هالكلب وجسارة قلبه وياحظ راعيه
ارجوا ان اكون وفقت في الطرح
تحياتي
هذه سالفه عن الذيب والكلب اعزكم الله
هذا شخص منول يشتغل جمال يودي بضاعه ويجيب بضاعه ويودي مراسيل ويجيب مراسيل
يعني متنقل
وفي يوم من الايام قرر الذهب الى منطقه بعيده شوي عن الديره واخذ معه كلبه اللي فطحت ضهره تقول بقشة دلاله من كبره وبطرف الذيل شعر يعني كلب دلع وولد نعمه وكان هذا الشخص مربيه عنده وهو صغير حتى كبر
المهم الرجال سبق ان طلع معه هالكلب مرة او مرتين مشاوير قريبه ومن شاف هالذيخ يتعجب من شكله وقوة جسمه ويقولون هذا الكلب والا بلاشي ياحظ راعيه هذا اللي بيفك راعيه من ذيب وغيره
المهم الرجال سافر عن القريه والكلب معه مادراء الا وذاك الذيب اللي معترض له
هو وكلبه يبي يستفزع بالكلب ولا ماعنده احد شوي يوم كثرة عليه الذيابه وبدت تحوف الرجال هي وناقته والكلب ماغير وه وه ماغير صاج صاحبه بالنباح المهم الرجال استسلم
منيته قربت وكان يمشي قريب من جال او ضلع مرتفع اشوي يوم سمع صوت رمية بندق
الا والذيب الاول الرميه ذبحته والبقيه زبن الضلع
وقف الرجال الايوم حول عليه ذاك الرجل من الضلع وش العلم ابد اللي حصل كذا وكذا
قال الرجال سمعت صوت هالكلب وقلت ابشوف وش عنده يوم ارتفعت الا والذيابه عندك
وعرفت انها تبي تذبحك بس احتري زين المرمى واقرب لك
شوي المهم نزل اغراضه وصلحوا قهوتهم ويوم تقهوو كل راح بطريقه
الرجال هذا يتعجب من هالذيخ اللي معه كيف ماسوى شي عرف الرجال صغر قلب الكلب ولوهو جسور وقوي قلب كان ذبح الذيابه كلهن راح الرجال مشواره والكلب معه وبعد فتره رجع الا قريته وفكر
ويش يسوي بالكلب
ويوم صار يوم من الايام وهو يحفر له حفره ويحط فيها ذاك الطلي ويوم صار باليله من الليال الا والذيب طاب بالحفره وماكل الخروف ولا قدر يطلع
يوم درا الرجال ان الذيب بالحفره وهو يجيب كلبه ويجدعه على الذيب بالحفره قال انت والذيب وجه لوجه الجيد يفك عمره وهو يروح ويخليهم اخذله فتره يوم رجع قال وكاد ان الذيب لعب بحسبة الكلب يوم ناظر عليه الا والذيب ميت والكلب متوسد الذيب وماخذله غفوه
الرجال طلع الكلب من الحفره وخذه معه
الكلب عقب ذبحت الذيب صار جسور وجسم نشيط قال الحين دور الذيابه
ولا راح مع عمه ماغير يتقصص اثر الذيابه ويذبح الاثنين والثلاثه ولا يبالي
وصار حكي الناس هالكلب وجسارة قلبه وياحظ راعيه
ارجوا ان اكون وفقت في الطرح
تحياتي