كم يوم يكفي الطير حتى يستعيد لياقته كامله

[راعي عفاس]

السلام عليكم ورحمة الله وبركاته
صباح الخير
اخواني كما هو في العنوان كم يوم يكفي الطير حتى يكون فيه جاهز بكامل لياقته
وماهي افضل طريقه للجرد....
ياليت كل واحد يعطينا طريقته مع طيره في بدايت جرده وجدوله مع الجرد...
وشكراً

[راعي طلاع]

وعليك السلام ورحمة الله

اخوي صعب اعطيك وقت معين الطيور ماهيب سوا فيه طير يجهز بسرعه وفيه طير يبيله صبر

وكلن يعرف طيره او ادرى بطيره من ناحية كم ويجهز ولكن الطير او اغلب الطيور تقنص بها

ماهيب مشكله ولكن اول الوقت تكون ماجهزت فل الفل ولكن المربعانيه واذا دخل البرد تكون

غالبية الطيور في قمة الجاهزيه وماقبلها يكون جاهز الطير ولكن مع حرارة الجو يقصر الطير........

[ابوماجد6641]

السلام عليكم ورحمة الله ,ونا اخوك من ناحيتي انا اقول اذ الطير مربوط طلق 15 يوم صبح وعصر وذا ربط من 20 الى 30 والله اعلم وستنا اخواني الباقين يفيدونك ويفيدوني

[راعي عفاس]

هلا وغلا براعي طلاع
الف شكر على المروووور

[راعي عفاس]

هلا ابو ماجد
شكراً على المرور يالغالي

[راعي عفاس]

طيب يا شباب اذا كان الطير هداد وسبوق ويرغب الحمام كيف اسوي الجدول حقه عشان يجهز في اسرع وقت

[خط المقناص]

السـلام عليكم
مساكم الله بالخير

يا راعي عفاس ،، يا كثر الطيور اللي تعوكس اول الوقت
الجو حار والصقارين متشفقين للهدد والمقانيص ،، بعضهم يبدى يدعي الطير 15 يوم
ويريحيه بعدها 10 ايام ( طيره يا مملع والا مجهد )

الجو بأول الوقت حار ما يساعد على جردة الطير إلا ان كانك تقول ابصلى الفجر واتوجه للمدعى
لكن اللي مثلنا يصلى الفجر ويداوم اتوقع يحتاج اكثر من 20 يوم عشان يقول طيري شبه جاهز طبعا انا اتكلم عن اللي بالرياض وضواحيها

اذكر شلة صقارين بالحفنة يطقون خيمة اول ما تنقل الطيور
ويبدى بهدد على طول من اول يوم يحتاج به الطير
حمام منتف ولا يجهد الطير ،، 10 ايام يهدون لها حمام ما يزيد عن 4 ريش وبعدين يقلبونها ملاويح وشلو
وطيورهم ما شاء الله لياقتها بعد 20 يوم 80%

وبالنسبة لسؤالك ،، متى يستعيد لياقته كاملة
اتوقع مو اقل من شهر

تحياتي للجميع

[راعي عفاس]

هلا وغلا خط المقناص
وش احسن طريقه لجرد الطير اذا كان هداد هدد حمام ولا ملواح

[ملاعب الريح]

من وجهة نظري من شهر إلى 40 يوم وتكتمل لياقة الطير


وانا أفضل الملواح لين تدخل المربعانية بعدها أبدا بالهدد عالحمام


ملاعب الريح

[راعي عفاس]

مرحبابك يا ملاعب الريح
الف شكر على المرور

[حامد الحنيني]

السلام عليكم
الطيور وانا اخوك تختلف على ماقالو الاخوان
اما من ناحية المده اللي بها تكون لياقة الطير فل
اكثر من شهر
واول شئ ودك تبدى تدعيه من قريب 5 ايام وتبعد كل يوم 20 متر مع تكرار الدعو باليوم
وبعد الخمس ايام ادعه من نصف كيلو وبعدها من كيلو وبعدها من نصف كيلو وعطه خمس ملاويح
وبعدين كل يوم زد التلويح 5 حتى يوصل بالملواح فوق ال60 بعدين هد حمام على كيف كيوفك
يكون الطير جاهز وبعده يجيك البراد وتزود لياقة الطير حتى فوق ال100 ملواح او اكثر
وفالك الخرب اللي يطربك .
تحياتي لك
اخوك حامد الحربي.

[الطبشي]

السلام عليكم

الطيور وانا اخوك تختلف على ماقالو الاخوان
اما من ناحية المده اللي بها تكون لياقة الطير فل
اكثر من شهر
واول شئ ودك تبدى تدعيه من قريب 5 ايام وتبعد كل يوم 20 متر مع تكرار الدعو باليوم
وبعد الخمس ايام ادعه من نصف كيلو وبعدها من كيلو وبعدها من نصف كيلو وعطه خمس ملاويح
وبعدين كل يوم زد التلويح 5 حتى يوصل بالملواح فوق ال60 بعدين هد حمام على كيف كيوفك
يكون الطير جاهز وبعده يجيك البراد وتزود لياقة الطير حتى فوق ال100 ملواح او اكثر
وفالك الخرب اللي يطربك .
تحياتي لك

اخوك حامد الحربي.


كلام الربع سليم وماقصرو
واخوي حامد جاب المختصر ولا يهونون الباقي

[صقار محترف]

الشهانه تختلف عن الوكري والحر
من رايي الشهانه يكفيها من 15 يوم الى 20
وتكون جاهزه ميه بالميه
الحر والوكري يحتاجون وقت اكثر
طبعاً اذا كان التطليق بشكل يومي

[عبدالرحمن السالم]

السلام عليكم

الطيور وانا اخوك تختلف على ماقالو الاخوان
اما من ناحية المده اللي بها تكون لياقة الطير فل
اكثر من شهر
واول شئ ودك تبدى تدعيه من قريب 5 ايام وتبعد كل يوم 20 متر مع تكرار الدعو باليوم
وبعد الخمس ايام ادعه من نصف كيلو وبعدها من كيلو وبعدها من نصف كيلو وعطه خمس ملاويح
وبعدين كل يوم زد التلويح 5 حتى يوصل بالملواح فوق ال60 بعدين هد حمام على كيف كيوفك
يكون الطير جاهز وبعده يجيك البراد وتزود لياقة الطير حتى فوق ال100 ملواح او اكثر
وفالك الخرب اللي يطربك .
تحياتي لك

اخوك حامد الحربي.



الاخوان ماقصرو كفوو ووفوو ولايهون اخونا حامد عطاك العلم الاكيد
وانا اقول لاتستعجل اصبر لك كم شهر وعسى الله يسهل آمرك

[فهد الحنيني]

ماقصرو اخواني الصقاقير اللي قبلي
طريقتي ياطويل العمر أول مايطلع ملاويح خفيفه تدريجيا لحد مايتعدى الخمسين بعدين كل اسبوع حمامه والباقي ملاويح ويجهز الطير ان شاء الله من دون ملوع ولا مشاكل للطير والدعو بالوقت هذا بعد الفجر ابرد للطير

[راعي عفاس]

هلا وغلا بالجميع
الف شكر على التفاعل
حامد الحنيني
الطبشي
صقار محترف
عبدالرحمن السالم
فهد الحنيني
شكراً على المرووووور

[@قرناص@]

الصقاقير ماقصرو واول الدعو ملآويح وعقب مايتطلق الطير هدد حمآم ,,