ارجو من الله ثم منكم الرد بسررعه

[سلاطين]

بسم الله الرحمن الرحيم يالشباب عندي مشكله وان شاء الله القى عندكم الحل المشكله تكمن في علبةالمويه حقت الرديتر كل ما اعبيها واخذلي مشوار ابو ساعتين او ثلاث ارجع احصلها فاضيه والقى الرديتر ناقص مويه ياليت تساعدووني وشاكر لكم

[سلاطين]

اسف نسيت طبعاا السياره هي باترول 90 الحراره ماتتعدى الربع

[4800VTC]

ممكن عندك تهريب باحد الخراطيش
اوعندك تهريب بنفس الرديتر وعادة يكون تندية (يندي)وغير واضح

[محطم عنيد]

مية ف المية عندك تهريب

تأكد من الأديتر والعلبة حقت الموية والتوصيلات اللي بينهم واللي لهم

وغالبا ع الصورة يبغى لك تسيييخ أديتر

هذا اللي عندي واتمنى إني أفدتك

[سلاطين]

تسلم والله يافتك بس مالاحظة اي تهريب والرديتر جديد

[سلاطين]

محطم الله يعطيك العافيه مالاحظة اي تهريب بس علبة المويه تجاريه والرديتر اردني يعني مو اصلي

[ريف الخوي]

نفس المشكلة كانت عندي
وغيرت طرمبة الماء وضبط الموتر

ملاحظة: موتري ددادسن

[ابوعزيز2007]

شف زيت الموتر انتبه لايصير الماء يدخل للمكينه

[رفيع المقآم]

يالغالي ودها لحقين الرديترات وخله يفحص لك الرديتر والخراطيش والغطاء
ان شاء الله تلقاه تهريب بسيط وتصله وترتاح
تقبل مروري

[رااس القطاه]

شيك على الرديتر اكيد به تهريب ولا يظهر لك التهريب عند ارتفاع الحراره

[سلاطين]

الله يعطيكم العافيه كلكم ماقصرتو
طبعا

[سلاطين]

وحبيت ابين لكم مكان العطل اللي سبب نقص المياه عندي في الرديتر وهو ليات الماء الموصوله في الثلاجه طبعا كان فيه شرخ صغير منه يتبخر الماء بسرعه وغيرته واللحين الحمد لله تمام سعر اللي هو خمسين ريال وشغل 30 ريال اللي موجود خلف المكينه واتمنى لكم التوفيق جميعاااا

[بن لوتيه]

تسلم والله يافتك بس مالاحظة اي تهريب والرديتر جديد
ما دام الراديتر جديد تاكد من غطا الراديتر دايم يكون منه تبخير
والله يوفقك