يا أهل الخبر بفرن الغنام

[asa39]

السلام عليكم
عندي نيه شراء فرن الغنام للمندي وضعه بالبيت
ومحتار ايهم أفضل للبيت لوجود عدة مقاسات (5 أحجام ) الصغير يطبخ تقريبا اربع دجاج والكبير ذبيحتين
أي المقاسات تنصحون فيه لإستخدام البيت
وهل يوجد أفضل من فرن الغنام
جزاكم الله خير

[ساحة كول]

السلام عليكم
شف اخوي انا انصحك تاخذ ابو ذبيحتين
السبب لانك تبي تاخذ راحك في الطبخ ان بغيت ذبيحه والا دجاجه
مايمانع بعكس.لو اخذت الصغير يحكمك ولا ياخخذ شي لا ان بغيت رز ماياخذ
والاخير خذ اللي انت مقتنع منه

[arrow]

وعليكم السلام ورحمة الله وبركاته ,,, هلا بك ...

عندي ابو ذبيحة وفي بيت الوالد واحد مثله واشوفه الانسب الا اذا كنت بتطبخ اكثر من ذبيحة

وفقك الله ....

[باشا]

فرن الغنام له خمس مقاسات
أكبر مقاس ابو ذبيحتين ثم ابو ذبيحة ثم مقاس الهرفي ثم التيس ثم الدجاج
وأرى أن مقاس الذبيحة من واقع تجربه و كما ذكر أخوي arrow هو الأنسب

[ا ببوعبدالعزيز]

انا عندي المقاس الثاني من تحت ممتاز له اكثر من 3 سنوات الله يوفقك

[سمراني]

فرن الغنام له خمس مقاسات
أكبر مقاس ابو ذبيحتين ثم ابو ذبيحة ثم مقاس الهرفي ثم التيس ثم الدجاج
وأرى أن مقاس الذبيحة من واقع تجربه و كما ذكر أخوي arrow هو الأنسب

نفس كلام أخوي الكبير باشا

[دغيم1]

السلام عليكم ورحمة الله وبركاته
حياك الله أخوي
فرن الغنام ممتاز وعملي
والأنسب للبيت من وجهة نظري الشخصية وحسب تجربة
رقم 4 الأفضل بحيث يخدم ذبيحة او اكثر من 12 دجاجة
ومقاسة وحجمه مناسب جدا
وعلى هذا الرابط تجد مايفيدك وانظر للرد رقم 8

استفسار عن فرن الغنام عطونا العلم لاهنتو - منتديات مكشات (http://www.mekshat.com/vb/showthread.php?t=227872)

تقبل تحياتي
اخوك / ابو فيصل

[عتيق]

وعليكم السلام ورحمة الله وبركاته

يالغالي انت اعرف بحاجتك واحتياجك

لانه ممكن نقول لك خذ ابو ذبيحتين

وانت ماتحتاج انك تطبخ ذبيحتين بوقت واحد....

لان كل شغل الغنام رائع

وانا جربته وجربت المحيميد(بريده)

كلهن رائعات بس الغنام سمعته اقوى بكثير بين الشباب

[asa39]

الله يجزاكم خير