لو خيروك ياصقار تبع ولا شيهانه [الأرشيف]

مشاهدة النسخة كاملة : لو خيروك ياصقار تبع ولا شيهانه

قناص الهمله

25/07/2011, 03:05 PM

السلام عليكم ورحمة الله وبركاته

مساكم الله بالخير

لو خيروك ياصقار بين فرخ تبع ايراني او فرخ شيهانه جبليه ايرانيه

وكلهن مقاساتهن 13*13

وش بتختار

مع ذكر الاسباب

والتجارب

((قناص الهمله))

مشبر البران

25/07/2011, 03:26 PM

معليش اخوي بس فيه شي ما فهمته
التبع الإيراني وش تقصد فيه
هل تقصد تبع شيهانة بحرية

قناص الهمله

25/07/2011, 04:02 PM

تبع شاهين

http://www.mekshat.com/pix/upload05/images223/mk126116_mk55124_121.jpg

صقار محترف

26/07/2011, 12:51 AM

اختار الجبليه
أولاً بالمقيض افضل لانها تقرنس والتبع يمكن مايحذف شي

الطبع بعد
التبع غالبا طبعه اقشر .. يكافخ .. واذا افلس من صيده مايدورك على وجهه ..
عكس الجبليه .. حبيبه اذا افلست وقعت على اقرب حصاة

والتبع فيه مميزات طبعاً .. اسرع .. وشاف وصاد اكثر وشطارته يمكن افضل
لكني افضل الجبليه على التبع ..
البحريه اذا تامه مافي طير مثلها
اما التبع اقشر وانا صقرت فيهن كثير .. صحيح تفعل .. لكن طبعها يخليك تكرهها

خلف الفار

26/07/2011, 01:07 AM

الى رجعت السالفه على نقل التبوع
الجبليه افضل من البحر التبع
من كل النواحي

قناص الهمله

26/07/2011, 01:52 AM

الله يعطيكم العافيه

حنا مانتكلم على الربطه

نتكلم على السبق

هل التبع طير كروان ولا لا

هل يطرح الكروان ولا لا

مشبر البران

26/07/2011, 01:54 AM

اخوي قناص
انا من وجهت نظري تجربهن كلهن
عشان كل صقار له نظرة
يمكن فيه صقار يحب التبع لسرعته
وصقار ثاني يكرهه لقشارته
وانا عن نفسي بختار الجبلية

قناص الهمله

26/07/2011, 02:11 AM

الله يعطيكم العافيه

ونسمع باقي الاخوان

ابوماجد6641

26/07/2011, 02:15 AM

والله ونا اخوك اباخذ اجبليه تصفي بدري

ابو لطس

26/07/2011, 02:36 AM

والله ياجماعه الخير
صقرت بتبع على قولكم واللي فهمته انه البحريه اللي مهي تامه
والله أني اهدها على السوادي بعد طيور ولا ألقاها الا على الجهاز وان الكراوين ( السمقان ) انها ماتونسك من سرعته بصيده ماياخذ معه دقايق الا وهي لاحقته ومحولتن به
وبخصوص الربطه والله ياجماعه الخير انها تطلع مع الحرار بس حاطه بشبك هي وفرخ بحريه حتى الطلح حاطن له
من هكاليوم لليوم ماشفت وسرت جناح مثل وسرت جناحه تقول حربه

قناص الهمله

26/07/2011, 02:52 AM

الله يعطيكم العافيه

ونسمع باقي الاخوان

skeet

26/07/2011, 06:22 AM

اخوي قناص الهمله التبعه البحريه مافيه اطيب من جناحها والكراوين لاصارت مستهده ابشر بعزك مايروح شي لاكن اذا وصلت الربطه ودك تسبلها احسن

تايم اوت

26/07/2011, 07:01 AM

مرحبا
بخصوص التبع الوحش الايراني سبوووق ما في حيله بس عيبه الوحيد انه ما يركد في الكراوين - ربعنا يفكون حمام للتبوع ويصيدن الصبح 2-3 حمامه وفي المساء 3-4 حمامه بس الكراوين فعلهن اول كروان لو مختفي ما يروح عنه شي خيالي .

بس في تبع عند واحد من الجماعه كان يصيد حمام في اليوم 8 فلويات والطير هدوه على 7 كراوين وصادهن وانا كلمت راعيه وكنا نطري التبوع وقال لو صدنا بالطير 7 ولو كان 20 كروان بيصيدهن لان الطير سبوق ومافيه نفس وانباع الطير ب 60000 الف على شيخ في دبي تقريبا اللكلام هذا من 10 سنوات والطير قد صاد حمام زجل عليهن شاره .

من خلال تجربتي في شل الصقور ما قد سمعت ان فيه تبع ركد الا طيرين هذا اللي تكلمت عنه فوق والثاني جرناس كان في دبي

رعد البوادي

26/07/2011, 07:41 AM

السلام عليكم ورحمة الله وبركاته
بخصوص التبع الوحش ما فيه حيله في السبق والطيار بس عيبه الوحيد انه يكفخ و الي يبغي شي يصبر عن شي بس من سرعة الطير الكروان ما يواحي يطير الا وهو معلق وانا لي تجربه به
اما بخصوص الشاهين الجبلي ما قد نقلته ولا لي اي تجربه فيه

طاسان

26/07/2011, 08:35 AM

راشد حسين

26/07/2011, 08:44 AM

اخوي اكيد اخذ الجبليه وبالخصوص اذا كنت ابي اصقر

1- علشانها سهلت الصقاره 95% من الجبليات هاديات ولو تبيها تطلع تعلمها وبسهوله

2- بالقرنسه افضل من البحريه لانها ما تاخر مع الحرر

3- واغلبهن فيهن قوت قلب قويه لطرجت انها تهد على الجباري وبنسبه لي مااذكر مره سمعن
ان مثلوثه بحريه تهد على الحبارى وهذا يدل على قوت القلب عندهن

وفيه ميزات كثر ولاكن افضلهن ذكرتهن والكل ونضرته

واما بانسبه للكبار(التامات) لا تاخذ الى بحريه فرخ هي الطرب كله فالحباري والكراوين

قناص الهمله

26/07/2011, 10:07 AM

والله يا اخوان الاراء متناقضه

نسمع بقية الاخوان

حامد الحنيني

26/07/2011, 10:26 AM

مافيه وجه مقارنه بين تبع شاهين فرخ وبين فرخ جبلي لمقناص الكراوين لعدة اسباب:
1- التبع اقطع من الجبلي
2- التبع اسرع بشكل عام
3-التبع اذا استهد لوتهده على عشرين ماعنده مشكله والجبلي حده سبع كراوين
4-التبع يهد صنيع والجبلي لو تزيد عشاه ماهد من بكره
5- التبع يلحق الكروان لو فيه هواء الجبلي ماينفع بتراب اذا صار هاك اليوم هواء
6- الجبلي لو انه طيب مايخلي الصده عن الصيده
طبعن هذا الكلام من واقع تجربة لعدة سنوات طويلة ومازلت في حب الشواهين مشكلة التبوع والوافيات القرنسة ولا يمنع ان فية جبليات نوادر تكسر القاعده لكن كلامي يشكل عام وغالب

السلام عليكم ورحمة الله وبركاته
انا غبر مأيد لكلامك ابد
التبع البحر قليل منهن اللي ينجح وهذا كلام صقاقير واجد وليس كلامي انا
بعكس الجبلي اللي نجح مع الناس وباصوره واضحه
واعرفلك رجال راعي شياهين وسالته عن التبوع البحريه
قال انحش عنها والله انها الردى براسه نوادر اللي نجحن
اما الجبلي هو اللي نجح قليل الخايب منهن
والسبق بهن كلهن لاكن التبع مايخلي التصنيفه .

قناص الهمله

26/07/2011, 10:44 AM

نسمع باقي الاخوان

@قرناص@

26/07/2011, 09:05 PM

التبعه البحريه سم الكرآوين ........

خطاف_دبي

28/07/2011, 12:00 AM

السلام عليكم

يا جماعة انا عندي تبع فارسي بكر خذته بداية الربطة وهاي اول تجربة لي ف الصقور ورابط الطير عندي ف البيت مسوله حجره مكيفة والحمدلله باقيله الموس و النايفة والطير صايد عند راعيه الاولي حمام و كراوين و بنظري ان الطير هادي ف الربطة ما يكافخ بس ماعرف تقدير الصقارين بالنسبة للطير الي يكافخ لانه ها اول طير لي