النزول صار والقادم مذهل

[بو شوق]

السلام عليكم ورحمة الله وبركاته
ابشركم ان الاسعار لللاندكروزر بدأت في الهبوط الشديد وان شاء الله تنزل اكثر
من اكثر من عشرة ايام وانا امر معارض النسيم واليكم الاسعار
قبل عشرة ايام
اللكزس 400000
الجكسار الستيني 228000
قبل ثلاثة ايام
اللكزس 390000
الجكسار الستيني 217000
اليوم
اللكزس 370000
الجكسار الستيني 211000
والقادم احلى



http://www.toyota4arab.com/forum/t199874.html

[بو شوق]

الكلام الي فوق منقول.
وأنا كلمت الوكالة وقالي ٢١١ الف جي اكس ار ستيني فل ٨سلندر.
خلاص كفاية استغلال.

[سيف العلا]

خلنا نتوظف

[جيب شراع]

لازم تنزل
2012 بينزل بعد ايام قليلة
ونطمع في نزول اكبر
وتكون الاسعار معقولة

[سعد2006]

اللهم لك الحمد ولك الشكر
اللهم اجعلها في نزول
واجعلها باسعار مناسبه

[بو شوق]

اللهم لك الحمد ولك الشكر
اللهم اجعلها في نزول
واجعلها باسعار مناسبه

اللهم آمين

[ابو شدون]

نتمنى ذالك

[ابوانس20111]

الف التحيه لك يشوق والله يبشرك بكل خير

[أبوراشد]

لايزال السعر مبالغ فيه
والسعر الحقيقي أقل
المصنع باليابان عاد هذا الشهر لإنتاجه الطبيعي قبل الزلزال


,

[ابو سمر]

وش معنى ستيني يا أخوان ؟

عموماً الأسعار غالية جداً والله يعين المشتري ..

وشكراً لكم .

[الشهابة]

قبل شهرين كنت عند وكالة عبداللطيف جميل فرع العليا و كان GX-R اصدار ستين سنه فتحه 8 سلندر بـ 206000 ريال و الحجز بمبلغ 25000 ريال و الانتظار من 40 إلى 60 يوم .. و السيكويا فل كامل دبل بـ 190000 ريال و الحجز بـ 25000 ريال و الانتظار اسبوعين .. و اليوكون XL دبل SLT فل كامل بـ 185000 ريال و جاهز و الاستلام بعد يوم واحد باللوحات و طبيعي اخذت اليوكون XL .. بالتوفيق يا تويوتا

[عنيد]

يعني مرعليها 60 سنه

[دواك عندي]

و طبيعي اخذت اليوكون XL .. بالتوفيق يا تويوتا

احسنت ونعم الأختيار الله يجعله داخل عليك بالبركه ويطعمك خيره ويكفيك شره:good2::good:

[الشهابة]

جزاك الله خير اخوي دواك عندي و الله يسلمك من كل شر ..

[الأزيرق]

بخصوص لكزس 460 LS موديل 2011 و 2010 و 2009 .. ما تدرون كم سعره الان ؟

[الشلفا]

الله يبشرك بالخير وعسى الله يستر من أسعار 2012
بقدوم 2011 صار نفس الشئ هذا لكن ماهو بهذا الفرق

الشهابة عسى الله يعطيك خيره كله ويكفيك شره كله ويبارك لك بمالك وعيالك
وضعنا مع تويوتا ينطبق عليه ( مكره أخاك لا بطل )
والسبب عيا يصبر معنا الامريكي وحنا أهل روحات وجيات برية ولا خارج معنا الامريكي الله يبارك لأهله
معنا خوي اشترى يوكن 2007 وما طول معه والسبب الحساسية الزايدة وعدم التحمل
طبعا للسفر لا يقارن فيه التويوتا راحة , وسعة واقتصاد
ولك مني كل التحايا

[زمان وطاف]

الله يجعلهم من هالحال وأردى

سفهوبنا هم وأسعارهم

أجل كومت حديد بسعر وقدروهـ

وأنا ماقاهرن الا الربع

كلوهـ قير ومكينهـ وبـ 140 تزيد أو تنقص الشي القليل

وش بوهـ مواصفات علشان اخذوهـ بهالقيمه

وغمارتوهـ كله تنسيمات ولجهـ وحالتكـ حاله

صح انوهـ عزم ونشاط ماشاء الله

بس السعر مباااااااااااااااالغ فييييييه


الله يكون بالعون بس

[الشهابة]

الشلفا ..

في اليوكون و التاهو موديلات 2007 و 2008 كان القير 4 نمر و يجي تماتيك فقط .. ماعدا الجمس الدينالي و التاهو Z71 كان يجي القير تربتونيك ( تماتيك و عادي ) و القير 6 نمر ..

من موديلات 2009 و فوق عدلوها كلها و صارت كل الفئات و الأنواع في الجمس و الشفروليه تنزل قير تربتونيك و 6 نمر ..

بخصوص التويوتا .. و الله حتى التويوتا صار الآن حساس بزياده عن اللزوم و كثرت فيه العيوب المصنعيه و لكن كل سوق وله ناس و العاقل خصيم نفسه و الحمد لله سوقنا متوفر فيه انواع و اشكال من السيارات و الشركات و لكن المشكله عندنا في الوكلاء و محلات الصيانه ..

[كريزي نت]

مهما نقول ومهما نفعل ومهما نسوي
مالنا إلا التويوتا أو النيسان ... كلن ورغبته
سواءً سعره غلى ولا رخص
إن غلى بنصبر لين يرخص
وإن ما رخص شرينا
وواصلي يابلادي والله يرعاكي ...

[الشلفا]

لاهنت أخوي الشهابه
وبصراحة أنا كل هالتفاصيل أجهلها وبارك الله فيك نبهتنا عليها
أنا عندي الرجال هذا اللي معه يوكون 2007 وما أظنه دينالي كانت مشكلته
إن لنا جلسة شبه يومية , وطريقها نفود وعرة نوعا ما وكلنا معنا جيوب إلا هو باع جيبه وأخذ اليوكون
والطريق فيه طلعة صعبة شوي بعد ما يطلعها , ما فيه لمبة بالطبلون ما ولعت
وحنا راجعين يضطر يرجع مع طريق غير لأن النزول مع الطلعة يبهذله الـ ABS
واضطر يبيعه ماكمل سنة ,
وعندي زميل معه جي اكس آر ديزل 2005 باعه وشرى تاهو 2011 يشهد الله ما مشاه 1500 وباعه
مع إنه أقل من الفل بدرجة ومميزات ما تحلم تحصلها بتويوتا
طبعا أنا لا أمدح ولا أذم بس مجرد تبرير لتمسكنا بالتويوتا مع كثرة انتقاد الناس لنا
-ومعهم حق - لأن تمسكنا جعل الوكيل يسيطر علينا ويتحكم بالاسعار
لكن مشكلتنا بالبديل الخدوم غير موجود أو سعره مقارب
أشكرك على هدوئك وتقبلك لرأيي وتحملنا لو تعصبنا شوي - مكرهين - لتويوتا
وأعتذر من صاحب الموضوع لو جنحنا شوي بموضوعه

[ابراهيم الحرب]

يااااااااارب ينزل اكثر واكثر

وفق الله الجميع

[أبوعبدالرحمن الأسعدي]

حسبي الله ونعم الوكيل

اللهم جنبنا الغلا

[فرخ قطا]

وين النزول الهلكس الغماره له اسبو ونص وهي ب 63500 عند عبدالطيف جميل ولاشفنا نزول

[مافيه]

الله يرحمنا برحمته

وحسبي الله ونعم الوكيل على من سبب هاذا الشي

للمعلوميه الاسعار في امريكا خصوصاً سيارات تيوتا مافيه اي تاثر في السعر بسبب الزلزال و الاسعار شبه ثابته من عام 2007 او 2008 وفي بعض السيارات ارتفاع مايقارب ال500 دولار او اكثر بشي بسيط في 2009 بعض الموديلات رجعت لسعرها السابق وبعضها وبعضها ثبت على ماهو عليه

احنا مشكلتنا اذا قالو خف الانتاج معناتها انقطع من السوق (في تفكير البعض) و ارتفاع الاسعار (بسبب الي مايخافون ربهم) ومحاولة الحصول على اكبر عدد ممكن من هاذي السلعه مع انه ماله حاجه فيها ويبيعها بسعر يالي بحجه واهيه (منقطع من السوق) وفيه منهو ملعوب عليه ودراهمه زايده يروح يدفع قيمة هاذي الزياده ولوها 50 الف ريال وهاذي صارت في الجي اكس ار الستيني

ياليت نكون يد وحده مثل اليابانيين لاحضوهم عقب الزلزال ياخذون من البقالات على قدر حاجتهم ومافيه اي ارتفاع في الاسعار مع ان السلع مقطوعه ومافيه خدمات ومع ذالك كلشي راجع كما كان وعنهم نقص وكل واحد ياخذ على قدر حاجته في هاذا اليوم

مهوب احنا الله يخلف علينا قالو رمضان رحنا نعبي 20 عربيه قبل رمضان و 10 في رمضان و 10 بعد رمضان

مالوم التجار يومهم يرفعون لاقين من يدفع ويقول مهيب نازله ولا يقول اصبر شهر او شهرين على 10 الاف

طبعاً كله كوم واسعار سيارات تويوتا كوم ثاني هي من الاساس مبالغ فيها عاد كيف الحين ..؟

ما اقول االا الله يرحم الحال وييسر الاحوال

[برق الحماد]

لي ثلاثة اشهر وانا اتابع الاسعار
بصراحه لايوجد نزول ملحوظ
ممكن نزل مابين 1000 الى 3000 ريال في المستعمل
ولكن بالمقارنه مابين سعره قبل الازمه المذكوره فهناك فرق كبيير

قبل اربعة اشهر ونص اذكر انباع جي اكس ار ثمانيه سرندل2010 فل كامل بـ 66000
والان امثاله تفوق الـ85000 ريال
اذن حتى لو فيه نزول كما يذكر فإن النزول لن يتعدى الـ 5000 ريال
وبالتالي لازالت السيارات اسعارها نااار
وهذا كله يعود لطمع وجشع الشريطيه الذين يروجون لهذه الازمه التي لم تتأثر بها سوى اسواقنا الخليجيه فقط

حسبي الله عليهم

[معلم ماستر]

النزول قادم أن شاء الله


بحول الله وقوته

خلوها تنززززززززززل 2012

ونفتك من الاشاعة حول عدم نزول 2012 بالاسواق

ورايح ان شاء الله تشوفون النزول وبإذن الله متوقعين الهبوط بعد العيد أن شاء الله

وموعدنا بعد نزول سيارات 2012

عدددددددم الاستعجال .. وسيارات 2011 في نزول تدريجي الأأأن

[برق البشاير]

الله المستعان أسعار جنونية:f !! أين الشيبان هل يذكرون لاندكروزر 84 كرت من الوكالة حيث كان سعرة 40 ألف ريال فقط .