فزعه يا رعين الفزعه

[العطر]

السلام عليكم ورحمة الله

انا ناوي اكشت بعد عيد الاضحى ان شاءلله انا من اهل القصيم وين تنصحوني اكشت فيه المده خمس ايام

ادري انه سؤال ماله داعي بس بدل ما الف المنتدى قلت تختصرون لي المسافه او تحطون لي روابط .

الوجه يالصمان يا شمال حائل

وكثر خيركم مقدما

ارجو اني ما اكون ازعجتكم ولا تقصرون مع اخوكم

[كيلو 10]

انا امس جيت من البر ونصيحتي لك انك تحاول تجمع بين اكثر من موقع
حنا سلمك الله مرينا على قبه ومسكنا الخط الجديد وتغدينا بالبسيتينات وربيعها لاباس فيه ثم مشينا الى ساموده وقبل ماتاصل ساموده المنطقه ذيك ربيعها زين والنفود ما ودك تصد عنه والحطب موجود 0
وبعدين مسكنا خط ساموده الى لينه ثم فرقنا من عند اعيوج لينه الى فيضة الزعبيه وهي افضل ما لقينا من ناحية الربيع والخضره ولكن ماهو الربيع اللي شفته في سنين مضت بس الظاهر انه يبي يفز اكثر بعد طلعة المربعانيه ويمكن تكون اجازة الربيع افضل وقت فيه0 وبعدين توجهنا للحسكي من جهة خط لينه تربه لقينا خط مسلفت يروح للزبيره بس للاسف انقطع بعد حوالي 20 كيلو والباقي فيه وعره ودخلنا الحسكي ولازال ربيعه مافز بالحيل لكن فيه مناطق لاباس فيها وهي الاماكن اللي باتساع الشعيب ومرينا على بلادية الحسكي وربيعها شوي
يعني باختصار افضل ربيع دون ساموده ثم الزعبيه شرق لينه ثم البسيتينات ثم الحسكي
وحياك الله ياخوي لاي سوال اضافي والله يساعدكم في طلعتكم ويهنيكم

[جمران]

أخي العطر موفق إن شاء الله في رحلتك وممكن تمر على هذا الرابط (http://www.mekshat.com/vb/showthread.php?t=40412)

فستجد إن شاء الله مايسرك ...بارك الله فيك

[العطر]

اخوي كيلو 10
اخوي جمران

يعطيكم العافيه وما قصرتو

والي عنده اعلوم بعد لا يذخر علينا فيها

[ابوذيب]

فتحنا موضوعك متاخرين ولكن جمران وفى وكفى
عيدك مبارك انت وجمران وكيلو 10 والعطر وكل عام وانتم بخير