استفسااار عن جي اكس ضرووري

[GMC 78]

السلام عليكم ورحمه الله وبركاته

معروض على جي اكس 2007
المواصفات

ونش , اسبيرين , فتحه , دف لوك , مكيفين , ثلاجه
الممشى 88 الف اللون ذهبي

دفع خلفي وارد البريمي

المتحركات سليمه والداخليه نظيفه ما عليها كلام
وباسم راعيه وكاله
العيب الوحيد
الموتر مرشوش كامل نفس اللون

والسبب تجديد البويه وشويه تلقيطات في البدي

لا يوجد في السياره اي حوادث

المطلوب كم يسوى ؟؟؟

مع العلم ان راعيه
مغير جميع الجلد من الصدام الى الصدام
ومركب اربع مساعدات جديده

وكان فيه صوت في عمود الدبل بسبب عدم التشحيم
ومغير جديد

وسلامتكم

[ابو شدون]

النصيحه هج عن الموتر

[قنوع]

2007 ............. ومرشوش تجديد بويه ؟؟؟؟؟؟؟؟؟

الله العالم ان الموتر جايه عفل لين قال بس

استخر وربك كريم

وان كانك تجهل الجيوب شف لك احد يبخص فيها علشان لا تنغلب وانا اخوك

وموفق للخير

وليت ذكرت السعر المطلوب علشان توضح الصوره اكثر

لان النظيف منه يسوى 100 الى 120 حسب النظافه والمواصفات والممشى

وبالتوفيق

[محيسن1]

السلام عليكم وانا اخوك مرشوش تجديد بويه وموديله ٢٠٠٧ والله لو انه ٢٤ ساعه في الشمس مايصير كذا
نصيحه خله يولي وشف لك غيره واهم شي الاستخارة

[دواك عندي]

تجديد بويه وموديل 2007

بصراحه عيت تدخل مخي

[الشلفا]

لا ,,, الله يوفقك لا يغريك سعره ولو قال بـ70 ألف
موتر مرجع عداده والعلم عند الله
والموتر مأخوذه زبدته واللبن ما باقي منه شئ يعني السعن ممصوص عن بكرة أبيه !!!
وهذا الموتر اللي إلا قالوا لك ,, موتر يخدمك , وموتر تخدمه , ونصيبه الثانية بلا شك
وعسى الله يصرفك عنه أخي الكريم ..

[الشيخ وليد1]

شف ب 80 خذه وسع صدرك به
الونش لحاله ب 3000

[ابو راكانm]

ممشاه 88
ووو\يقول
مع العلم ان راعيه
مغير جميع الجلد من الصدام الى الصدام
ومركب اربع مساعدات جديده

وكان فيه صوت في عمود الدبل بسبب عدم التشحيم
ومغير جديد
ماتدخل الدماغ

[GMC 78]

الله لا يهينكم وبيض الله وجيهكم

السياره معروف راعيها الي مطلعها وكاله

وهو الي عارضه للبيع وجابله في المعارض من شريطي

اعرفه انا شخصيا 80 الف

والسياره لها سنه موقفها راعيها في كساره ابوه

والموتر معروض علي 85 الف وفحصته وكل شي سليم فيه

الا البويه وتلقيطات معجون في محلات متفرقه بالبدي

على كلام راعيه واكده الفحص ان الموتر جايه حطات بسيطه

انا عرضت عليه كامري 2009 قزاز كهرب حساسات قير عادي
عن 50 الف وازوده 30 الف والرجال متردد

[السبيعيm]

توكل على الله واشتر ما دام انك تعرف راعيه ..
اللي مثله وماجاه رش ونفس الممشى والمواصفات ما تأخذه بأقل من 130 ألف
الله يكتب لنا ولك الخير

[ابراهيم الحرب]

ابعد عن الشر وغني له

دور النظيف لك وللزمن

وفقك الله

[بو شوق]

أخي الكريم فكر اذا بتبيع أنت بعدين ترى راح ينقص من سعره كثير.

[ابو محمد السهلي]

اعتقد ان الموتر مايرش عشان تلقيطات ابد.... الموتر يمكن قالب .... وإذ قالب٧٠عطاك العلم ( الشلفا) وبعدين حنه في عمود الدبل والموتر ماشي ٨٠ مهوب صحيح ابد ممشاه فيه شك والعلم عند الله لان ممشاه لالنسبه لتيوتا تمرين

[GMC 78]

الله لا يهينكم وبيض الله وجيهكم

واستخرنا والله يرزقنا بابرك منه

[الشلفا]

الله يبشرك بالخير
والله إني فرحت لاستخارتك
الله يوفقك لخير منه

[ابودهران]

والله يخوك واجد عليه
في معارض الشفا فكسار مرشوش كامل محدود 95
موديله 2006
ولونه ابيض

[GMC 78]

تبشر بالجنه فديتك

جعلي ما اذوق حزنك

والله يجزاك خير