مكرم الضيف
26/07/2011, 03:50 PM
السلام عليكم ورحمة الله وبركاته
يقولون فيه اثنين اخوان متزوجين.واحد اعطاه الله عيال وواحد مااعطاه الله عيال لكن اعطاه مال.المهم اللي اعطاه الله المال راح لابو العيال وقال له ياخوي انت اعطاك الله عيال ونا ماعندي ادع لي لعل الله يرزقني بولد.واذا رزقني الله بولد لك البيت هذاك مكمل من كل شئ.رفع اخوه يديه للسما يدعي لاخوه قال(يارب انك ترزق اخوي بولد).
المهم وعلى الحول الا جايله ولد ورزقه الله.وأعطى اخوه البيت.كبر الولد وطلع له شنب ودرى ان ابوه اعطى عمه البيت.قال يبه البيت بيتنا واللي رزق بالولد الله.والله غير يرد البيت.راح الولد الدمران هذا واشتكى عمه على القاضي.طلب القاضي عمه.اخذ عمه نفسه للمحكمة على الموعد,الا ويحصل بالطريق رجال حاط اغراض وعفش على حمار وانتوا بكرامه والحمار مايقدر يقوم ,قال راع الحمار لعم الولد ياخوي ساعدني نقوم الحمار,مسك الرجال ذنب الحمار ولا هو منقطع بيده, قال راع الحمار ياتجيب لحماري ذنب ولا اشتكيك.راح اشتكاه على القاضي.
وصل المحكمة حطه الشيخ بالسجن ,قال له عليك قضيتين,قضية البيت مع ولد اخوك وقضية ذنب الحمار.
المهم الرجال دخل السجن ومن الطفش طلع على سطح السجن ورمى نفسه الا هو طايح فوق رجال راقد بجنب سور السجن وكسر ضلوعه. المهم جاء ميعاد الجلسه عند القاضي. قال للقاضي:
ياشيخ انا دعيت لاخوي يرزقه الله بولد ويوم رزقه الله بالولد طلع لي يبي يرد البيت وينشف ريقي.
قال الشيخ لابو الولد صحيح الكلام هذا.قال صحيح يالشيخ.
قال الشيخ لابو الولد انته الان مخير بين امرين ياتعطي اخوك البيت ولا ترد عليه الولد اللي دعا لك به.
قال لاياشيخ ياخذ البيت ويخلي ولدي ماحسبت ان الله رزقني فيه.(قال الشيخ يالله خذ ولدك وروح)
القضيه الثانيه ,قال ياشيخ بطريقي للمحكمة حصل كذا وكذا وسرد عليه قصة الحمار.التفت الشيخ لراع الحمار,قال له الكلام صحيح قال صحيح يالشيخ.
قال الشيخ خلاص اعطه الحمار لما ينبت ذنبه ولانبت ذنب الحمار يرده عليك.قال ياشيخ مستحيل يصير الشئ ذا .قال الشيخ اجل خذ حمارك وانقلع.
باقي الرجال اللي تكسرت ضلوعه يبي حقه.
قال الشيخ للرجال خلاص روح ارقد بظل سور السجن وهو يطلع على سطوح السجن ويطبح عليك.قال الرجال لالالالا خلاص متنازل عن حقي.
وراح من عند الشيخ ماعليه شئ(وحمد الله اللي طببه بهالشيخ المتفاهم الحكيم.
وسلامتكم
والمعذره ان كانت معاده لاني سمعتها من الشيخ الوقداني الله يرحمه بمقطع باليوتيوب.
واستودعكم الله
يقولون فيه اثنين اخوان متزوجين.واحد اعطاه الله عيال وواحد مااعطاه الله عيال لكن اعطاه مال.المهم اللي اعطاه الله المال راح لابو العيال وقال له ياخوي انت اعطاك الله عيال ونا ماعندي ادع لي لعل الله يرزقني بولد.واذا رزقني الله بولد لك البيت هذاك مكمل من كل شئ.رفع اخوه يديه للسما يدعي لاخوه قال(يارب انك ترزق اخوي بولد).
المهم وعلى الحول الا جايله ولد ورزقه الله.وأعطى اخوه البيت.كبر الولد وطلع له شنب ودرى ان ابوه اعطى عمه البيت.قال يبه البيت بيتنا واللي رزق بالولد الله.والله غير يرد البيت.راح الولد الدمران هذا واشتكى عمه على القاضي.طلب القاضي عمه.اخذ عمه نفسه للمحكمة على الموعد,الا ويحصل بالطريق رجال حاط اغراض وعفش على حمار وانتوا بكرامه والحمار مايقدر يقوم ,قال راع الحمار لعم الولد ياخوي ساعدني نقوم الحمار,مسك الرجال ذنب الحمار ولا هو منقطع بيده, قال راع الحمار ياتجيب لحماري ذنب ولا اشتكيك.راح اشتكاه على القاضي.
وصل المحكمة حطه الشيخ بالسجن ,قال له عليك قضيتين,قضية البيت مع ولد اخوك وقضية ذنب الحمار.
المهم الرجال دخل السجن ومن الطفش طلع على سطح السجن ورمى نفسه الا هو طايح فوق رجال راقد بجنب سور السجن وكسر ضلوعه. المهم جاء ميعاد الجلسه عند القاضي. قال للقاضي:
ياشيخ انا دعيت لاخوي يرزقه الله بولد ويوم رزقه الله بالولد طلع لي يبي يرد البيت وينشف ريقي.
قال الشيخ لابو الولد صحيح الكلام هذا.قال صحيح يالشيخ.
قال الشيخ لابو الولد انته الان مخير بين امرين ياتعطي اخوك البيت ولا ترد عليه الولد اللي دعا لك به.
قال لاياشيخ ياخذ البيت ويخلي ولدي ماحسبت ان الله رزقني فيه.(قال الشيخ يالله خذ ولدك وروح)
القضيه الثانيه ,قال ياشيخ بطريقي للمحكمة حصل كذا وكذا وسرد عليه قصة الحمار.التفت الشيخ لراع الحمار,قال له الكلام صحيح قال صحيح يالشيخ.
قال الشيخ خلاص اعطه الحمار لما ينبت ذنبه ولانبت ذنب الحمار يرده عليك.قال ياشيخ مستحيل يصير الشئ ذا .قال الشيخ اجل خذ حمارك وانقلع.
باقي الرجال اللي تكسرت ضلوعه يبي حقه.
قال الشيخ للرجال خلاص روح ارقد بظل سور السجن وهو يطلع على سطوح السجن ويطبح عليك.قال الرجال لالالالا خلاص متنازل عن حقي.
وراح من عند الشيخ ماعليه شئ(وحمد الله اللي طببه بهالشيخ المتفاهم الحكيم.
وسلامتكم
والمعذره ان كانت معاده لاني سمعتها من الشيخ الوقداني الله يرحمه بمقطع باليوتيوب.
واستودعكم الله