ابي افضل ورشة متخصصه بالفتك بالرياض [الأرشيف]

مشاهدة النسخة كاملة : ابي افضل ورشة متخصصه بالفتك بالرياض

abo salh

27/07/2011, 02:14 AM

ارجوكم يا اخوان ابي وصف افضل ورشه متخصصه بالباترول الفتك بالرياض

ابولولو

27/07/2011, 05:35 AM

ارجوكم يا اخوان ابي وصف افضل ورشه متخصصه بالباترول الفتك بالرياض
اخوى صبحك الله باالخير
فيه ورشه متخصصه باالفتك والجيوب فقط
وانا معى فتك 2006اشتغلت عنده والربع كذلك
سعودى يحبه قلبك
ورشه الشنيف بصناعيه الدائرى الجنوبى حقت اليحيى
ابوسليمان

NissaN 1990

27/07/2011, 08:34 AM

أبو صالح التركي بصناعية الأمير سلمان مخرج 17 إسم الورشه باترول تخصص جيوب نيسان ،،،

abo salh

31/07/2011, 01:19 AM

.............. رفع

التميمي محمد

31/07/2011, 02:00 AM

اقول يا بعد روحي اترك عنك الناس الي تتطبب على موترك

وتتعلم الحلاقه على روس اليتاما

مع احترامي للجميع بس عط الخبز خبازه

مافي احد يشتغل في الفتك مثل يوسف الخضير في تشليح بريده موقع ورشته

هاذا سلمك الله يجونه اهل الفتكات من قطر ومن دبي و من الكويت يرسلون مواترهم على سطحات

و انا شخصيا قد شفت عنده فتك لوحته قطر وواحد ثاني لوحته كويت و كلهم فاك مكاينهم يشتغل فيها

بس يوسف الخضير الي يميزه عن غيره في الفتك انه انسان تخصص في شغله احبها فاتقنها فابدع فيها

تخصصه فتك
وعنده فتك معدل تعديل كامل مع ضاغط توربو موصله على الداينو 800 حصان

فعلا انسان مبدع في الفتك

ماشاء الله عليه الله لا يضره

ابوسند9

31/07/2011, 01:52 PM

اخوي محمد
الرجال طلب ورشه بالرياض
بعدين لو انا عندي مشكله بسيطه هل من المعقول اضرب مشوار للقصيم؟ ولو ذهبت للقصيم ممكن احصله وممكن لا؟ويمكن المشكله بسيطه ويقول تعال بكرى!
والشنيف ومحمد التركي معروفين وكل الناس تشهد لهم والله يرزق الجميع

صالح ابو وليد

01/08/2011, 12:26 AM

الصناعية القديمه (ابو صالح التركي) كل شغله باترول فقط.......
الوصف :
الصناعية القديمه اذا صار ميزان العضيب يمينك رح يمين يصير الميزان يسار سيدااا التقاطع الاول والثاني
يجيك ميزان اليرموك يسار تجيك لفه يمين لف معه اول لفه يسار رح معه تلقاه يسار لوحته PATROL
للمعلوميه صاحب الورشه هو المشرف عليه ابو صالح
ارجو اني افدتك

http://www.mekshat.com/pix/upload05/images219/mk208734_4059508326_d84f3621d5.jpg

adel488

01/08/2011, 04:39 AM

والله ثم والله ثم والله من واقع تجربه
لاتسلم رقبتك لورشة التركي غاليين ووالله انهم حاسوا علي موتري
يارجال والله يتعلمون قسم بالله

التعـ King ـديل

01/08/2011, 04:46 AM

عادل 488 .. غالين ممكن اوافقك الكلام بس اسعارهم تقارب غيرهم من اليمنين والهنود اللي يتعلمون على مواترنا

ابو صالح شهادتي فيه مجروحه لانه صديق خاص لي .. ولكن بعيد عن الصداقات الرجل ونعم من ناحيه الشغل والسمعه

مع احترامي لك انت اول واحد يقول عن ورشه التركي حاسو موتري

التميمي محمد

01/08/2011, 05:19 AM

ورشه التركي حايسن موتر واحد من الربع قبل موتر الرجال

فتك و كانت مشكلته طرمبت بنزيم
لعب في كمبيوتره

و حاسه و عقبها طلعه الرجال على سطحه للقصيم

و صلحه و باعه

و الرجال حي يرزق و الي يبي رقمه اعطيه اياه

و بلماريه الفتك لونه عنابي
يوم وداه لورشة التركي فلل ضفيرته و لعب فيه

و اخرتها صارت المشكله طرمبه

Abu Msh3aL

01/08/2011, 11:59 AM

انا قد مريت ابو صالح على فـتكـ كانت فيه صوت لكلكه في المكينه وجلس عندهـ نص يوم تقريبا كلما رحت ورجعت القاء الموتر واقف في جهه من الورشة مدري هو يشتغل فيه ولا باحلن به اخر شي شغلت ومشيت ولا عطاني علم .. ونصحوني بالخضير وانا واقف دعس للموتر وراح مسه شوي جربه وجاني نازل للموتر ناصي العدة طلع منها مفتاح 12 اظاهر وحربش بالمكينه ثم قال لي رح جرب !!

قلت قل غيرها جايك من الرياض عشان 5 دقايق على الاقل طول شوي عشان احس اني متعني من الرياض على سنع ..

واجرب الموتر الا سـلك الحمد الله .. رجعت له قلت وش سويت قال وزن ديلكو :good2: .. وللمعلوميه ما رضى ياخذ ريال وانا ما اعرفة ولا يعرفني واول مرهـ اشوفة ولا قلت له اني جايك من طرف احد ..

التميمي محمد

02/08/2011, 06:27 AM

يوسف الخضير لا تتعداه في الفتك

دكتور الله لا يضره

adel488

14/08/2011, 03:04 AM

adel488

14/08/2011, 03:10 AM

لا ازودك من الشعر بيت
ياللي منت مصدق
جايه عشان مشكله بسيطه ومن بعدها خربت شمة الموتر وعداد السرعه
وقام الموتر يتفتف
وعلى كلامه انه وزن القير مدري وشلون القير ينوزن ومن بعدها الموتر يتفتف

العابر2222

14/08/2011, 03:21 AM

ورشة التركي عندهم ميزة وحدة فقط ... انهم يعرفون للفك والتركيب ... يعني الحاجة الخربانه يعرفون يفكونها بأسهل الطرق ... وذلك لتخصصهم في الباترول

لاكنهم ورشة مثلها مثل اي ورشة ثانية يعني أكتشاف العله ظربة حظ

انا موتري فتك غسلته بستم بعدها جاء فية تقطيعه قويه ... ما يتعدى 80 واذا واقف تدعس مافيه اي شي سليم الضغط ممتاز ورحت لروشة التركي وسوى فحص بالكمبيوتر قال تصفيه وخل الموتر عندنا .. قلت طيب وسوا تصفية بمبلغ وقدرة ... وطلعت من عنده والمشكله نفسها ... ورجعت له قال حساس الهواء يبي تغيير ورحت وجبت حساس وكالة بمبلغ وقدرة ... وطلعت من عنده ونفس المشكله ... ويجي واحد من الشباب من الشرقيه
خبره في التعديل معه الكمبيوتر حقه ويسوي لموتري فحص قال مشكلة موترك الأشارة ضعيفه للكمبيوتر .. والسبب الأفياش حقت الكمبيوتر كانت مرتخيه ولخبط الكمبيوتر وقال لازم تسوي برمجة من جديد بس ما عنده البرمجة حقت الوكالة
قلت طيب وارجع لورشة التركي واقوله ... ويفك الأفياش وينظفها ويسوي برمجة من جديد ويضبط الموتر وبــ 200 ريال

يعني هم زيهم زي اي ورشة

1988

14/08/2011, 07:01 AM

الحمد لله الحمد لله أنا بحاول أتحقق من الموضوع اللي حاصل للاخ عادل والاخ التميمي بحكم العمل اللي بيني وبينه واستبعد من المهندس ابو صالح وبالنسبه للأخ العابر 2222تناقض كبير جدا جدا بين موضوع سابق لك وبين تعليقك على هذا الموضوع وآمل من الاخ التميمي متى وقت الفتك العنابي اللي ارسله للقصيم وسوف أوافيكم بالرد بإذن الله تعالى×

العابر2222

14/08/2011, 09:08 AM

وشو التناقض قله .... بس كلمة تناقض وتمشي

تعليقي الي كتبته نفس موضوعي السابق

وبعدين يخوي الي يشوفك يقول اني سابه ولا شاتمه .... انا قلت الحقيقه ورشة زيها زي اي ورشه وتتعامل مع مشاكل السيارات بظربات الحض في التصليح
وذكرت ميزة الورشة في موضوعي السابق وذكرته في تعليقي هناا ... انهم يفهمون كل قطعه في الباترول وكل شي عنه لاكن استنتاج اسباب المشكلات حض ونصيب
والميزة هذي عندي انا مهمه اكثر من اكتشاف المشكله

وبحط لك اقتباسات من موضوعي ومن تعليقي هنا

هذا اقتباس من موضوعي

رحت لورشة التركي وفحصة كمبيوتر قال ما فيه شي يبي تصفية وسوينا تصفيه ما فيه فايدة
رحت لورشة ابو فراس المشهور بتصفية السيارات وفحصة كمبيوتر قال موترك ما فيه شي

غيرت البواجي + صفاية البنزين + فلتر الهواء + تنظيف الثلاجة + فحص الكويلات كمبيوتر ويدوي

وهذا تعليقي في الموضوع هنا

ورحت لروشة التركي وسوى فحص بالكمبيوتر قال تصفيه وخل الموتر عندنا .. قلت طيب وسوا تصفية بمبلغ وقدرة ... وطلعت من عنده والمشكله نفسها ...

=============================

وهذا اقتباس من موضوعي

واحد من الشباب مرني ومعااه واحد يقول انه مبرمج فتكات .. وكمبيوترة معاه الولد شبك وفحص الموتر وقلبه وساقه ورجع وفحصه قال (كهرباء الكويلات مع الكمبيوتر) والكويل الخامس فيه مشكلة ... المهم قلت وضحلي ما فهمت قال الكهرب بين الكويلات والكمبيوتر فيه مشكلة يفوت ... لازم تفك الكويلات تفحصها او تغيرها وتجرب واذا ما ضبط تفك الكمبيوتر وتغير (الأيس حقه) ... والله ما فهمت وش قصدة بالضبط

(هذا فهمي من الشخص الي فحص موتري الأشارة ضعيفه للكمبيوتر ... وكاتب اني مافهمت وش قصده)

وهذا تعليقي في الموضوع هنا

ويجي واحد من الشباب من الشرقيه
خبره في التعديل معه الكمبيوتر حقه ويسوي لموتري فحص قال مشكلة موترك الأشارة ضعيفه للكمبيوتر .. والسبب الأفياش حقت الكمبيوتر كانت مرتخيه ولخبط الكمبيوتر وقال لازم تسوي برمجة من جديد بس ما عنده البرمجة حقت الوكالة

( وردي هنا عرفت وش قصد الرجال الي فحص موتري بعد اصلاحه)

==============================

(وهنا بعد ما فحصه الرجال رجعت لأبو صالح وقلتله على السالفه قال بفحصه من اول وجديد ورحت شريت حساس هواء جديد وجربنا ولا فيه فايده وركز على كهرباء الكمبيوتر)
وهذا اقتباس من موضوعي

السالفه رحت العصر عند ابو صالح (بيض الله وجهه) (ورشة بترول) قلت انا مسوي عندك تصفية قبل فترة والسيارة ما تغيرت كل يوم يزيد حالها سوووء المسكينه ....قال طيب ابشر ما راح تروح لبيتكم الى وهي صالحه بس خلني اخلص العالم ومن الساعه 3 العصر الين بعد المغرب وانا انتظر دوووري ... المهم اجتمعو عليها هو وعماله وقلبوهااا تقليب العامل الأول قال واحد من الكويلات والعامل الثاني قال حساس الهواء والعامل الثالث قال حساسات الشكمان وهو جالس يناظر قال كل واحد يفحص الي شك فيه وفحصوها ما تغير شي ... ويشبك كمبيوترة ويجلس يطقطق فيه شووي ... قال اعادة برمجة قلت سو الي تبي ... ويسوي له اعادة برمجة ويطفي السيارة ويشغلها ويرجع الموتر على طوووول احسسن من اول ما شاء الله قال رح جرب موترك تعال ...

وهذا تعليقي في الموضوع هنا

قلت طيب وارجع لورشة التركي واقوله ... ويفك الأفياش وينظفها ويسوي برمجة من جديد ويضبط الموتر وبــ 200 ريال

يعني في تعليقي هنا لازم اذكر التفاصيل الممله عشان اكون صادق أو بيكون فيه تناقض
وعلى فكرة انا لحد الحين اذا حصل في موتري شي اروح لأبو صالح مباشرة

ابو نايف00

14/08/2011, 09:44 AM

من واقع تجربة ......................

للامانة .................. ورشة نيسان ...... فية اشياء يفهمون فيها وفية اشياء لا يفهمون فيها

ومن قال لا اعلم فقد افتى &&&&&&&&&&& اعط الخبز خبازة لو اكل نصة
الموقف الاول /
خرب عندي الزر حق التانكي 2 ما يعبي ( فتك ) ومريتة قال علبة خلف المسجل مربعة
وغيرها وتمام ظبطت .
الموقف الثاني بنفس اليوم /
قلت لة انا عندي الاشارات والفلشر ما يشتغلن . شيك على الفيوزات وشيك وشيك وشيك وفك الاصطبات الخلفية قال عندك التماس وطولنا والله وقفلو باب الورشة بعد العشاء قال لازم نفك الظفيرة ونشوف الالتماس
قلت يعني فية فك مراتب واسلاك وتمرح السيارة عندكم . قلت رجع كل شئ وافتحو الباب .

وطفشت اني امشي بدون اشارات .
مريت عن كهربائي صاد ولا ني متوقع انة يصلح لو لمبة
قلت مدير اشارات ما فية شغل ولا فلشر حاس بالسيارة قال رح جب زي هذي دورت مالقيت
قال عادي ترهيم قلت عادي جاب حقت ددسن كتاوت مكتوب عليها فلشر بالانقليزي لونها نيكل على شكل دائري
وركبها وسلم يا سلام ( صح انها تتأخر الاشارة ) بص خلال 20 دقيقة وب 40 ريال وشكرا .

وشكرا .........وكلن ينام على الجنب اللي يريحة

شحرور الدهنا

14/08/2011, 11:30 AM

والله ماندري وين نروح واحد يمدح والثاني يسب انا من الناس اللي تعاملت مع التركي ونعم الرجل ونعم الميكانيكي وخبره الله لايضره ويرزقه انشالله

الحظ المدحدر

26/05/2012, 05:43 PM

اللي يبغى السلامه ينحاش عن ورشة ابو صالح التركي حسبي الله عليهم دنيا وأخر وظبت عندهم جيب أقسم بالله سرقو اغراض المكينه طلع الموتر من عندهم حراره وتفتفه وعزم ميت لا والشغل دبل الله لايبيحه دنيا واخر عند الله تجتمع الخصوم والله لولا الخوف من الله لأخذ حقي بطريقتي لكن الله ينصرني