تكفون ثم تكفون ثم تكفون عاجل [الأرشيف]

مشاهدة النسخة كاملة : تكفون ثم تكفون ثم تكفون عاجل

ابوياسرو

27/07/2011, 03:17 AM

السلام عليكم ورحمة الله وبركاته
عندي مشكلة بالباترول القديم ربع موديل 91
كل شوي وفيه خراب بسيط لكن معقد
اخرتها امبير الحرارة وانا ماشي بالطريق الا والحرارة فوق H الاتش
ويضيق صدري قال واحد من الشباب لايهمك هذا الحساس وغيرته اي الحساس اللي هو يسمى الساعة لكن دون فائدة وبعدها رحت لكهربائي ببريدة وقال انه امبير الحرارة خربان ولازم تشتريه اما من التشليح او الوكالة قلت الله يعين التشليح اكيد ماعندهم او بتدور كل التشاليح وضيق الخلق والوكالة اكيد انه غالي ياناس مافيه كهربائي مضبوط ببريدة او بالقصيم
يعرف للشغلة او حل غير الامبير مع العلم اني رحت لكهربائي تركي اسمه مظفر لكنه مسافر ومادري فيه غيره ممتاز
وقلت له فيه امبير خارجي يجي امريكي قال انه ماهو دقيق

افق السراب

27/07/2011, 05:18 AM

اتمنى من الاخوان يفيدونك تجي باالشرقية ابشر ادلك على كهربائي

ابولولو

27/07/2011, 05:31 AM

اخوى صبحك الله باالخير
فيه العثيم ببريده بصناعيه الرواف
مشهور جدا انا باالرياض واسمع عنه

ولدحمد

27/07/2011, 10:03 AM

السلام عليكم ..
صبحك الله بالخير ..
دام الخراب متاكد انه من الانبير الحمدلله ..
مثل ماتفضل اخوي ابولولو رح للعثيم بس الله يعينك عليه:D ..
ولا ياطويل العمر فيه بالرس (العلاج) عندهم كهربائي باكستاني شغله كله على الباترول القديم اكثر من الجديد خاصه موديلات 89 -97 ..
ولا ياوطويل العمر اشتر طبلون كامل وريح عمرك يمكن من نفس الاسلاك ولا هو خربان كامل ؟
لكن فيه امبير قياس امريكي حق حراره تلقاه عند محلات الترهيم واسال الي يرهمون اكثر من شخص اشوفهم يركبونه وخاصه على الجموس القديمه وجيوب العشه الي عليه مكاين 350 ولا 454 :good2: ..
مالك بالطويله ..
مشكلتك حله سهل واذا رحت للتشاليح رح لاخر التشاليح الخضير ولا الرقيبه هم راعين الباترول وشف تشليح ابوعبدالله الصمعاني ياحبي له بس رح لمعتز السوداني العصل :D وتبي تلقاء الي تبي عنده ..
موفق خير يابعدي

وبل نجد

27/07/2011, 10:16 AM

دامك عارف الخراب فغيره من نفسك
لا يحتاج كهربائي ياخذ عليك فلوس
اشتغل بنفسك انت تراها شغلة بسيطة
فك الديكور اللي فوق الطبلون ثم طلع الطبلون وتراه مشبوك فيه ثلاث افياش قم وافصلها ثم طلع الطبلون كامل
فك مسامير عداد الحراره من الخلف ويطلع لك وغيره

ولدحمد

27/07/2011, 12:09 PM

ابوياسرو

28/07/2011, 03:09 AM

الله يجزى كل من رد وأفاد كل خير ويفرج همه

الذيب الاشهب1

28/07/2011, 03:15 AM

قسم بالله ودي افيدك لكن ماش خبرة

قلتي وش تحري

28/07/2011, 12:05 PM

السلام عليكم ياخي انا بنصحك والله لو تبيعه انه افضل لك لان النيسان القديم ماتنفك من مشاكله حتى لو صلحته الحين ماراح ترتاح وهو عندك

hz1oo

28/07/2011, 01:20 PM

عليك بحقات الترهم او الي عند حقين قطع الغيار رخيص وتركيبه سهل انت تركبه وعملي مجرب وخل الاول في مكانه

شبل داورد 1

28/07/2011, 01:42 PM

أذا كان العداد عندك حق سوبر موجود عندي حق الحراره والزيت سوى

وأبشر بها يااامااال الشحم

ابوياسرو

28/07/2011, 03:36 PM

أذا كان العداد عندك حق سوبر موجود عندي حق الحراره والزيت سوى

وأبشر بها يااامااال الشحم

الله يجزاك خير حق الحرارة لحالة بدون الزيت وجزاك الله خير على الهدية وهذا يدل على طيب معدنك