المساعد الشخصي الرقمي

مشاهدة النسخة كاملة : كيف استخدم القارمن ؟؟


الكامن
28/07/2011, 02:35 AM
السلام عليكم ورحمة الله وبركاته
مساء الخير جميعا
انا رجال شاري لي سيارة جديده يالربع
وابي اركب قارمن علشان التمشيات والروحات سواء للصمان والا الدهناء والا في المدن
اركب جهاز من اللي تثبت في السيارة والا اشتري اللي يحط على الطبلون ويتنقل ؟؟
ووش افضل نوع ياجماعة الله لايهينكم وهل لابد اركب اناتل ووجع راس والا على طول
سيارتي تاهو لاهنتوا جميع
doshf
28/07/2011, 10:10 AM
النصيحة انك تخلي سيارتك سالمة من تقطيع الاسلاك وتشويه الطبلون وتشترى جارمن تنقله معاك في اي سيارة تستعملها وسعره ارخص كذلك من الشاشة .والقارمن الذي ينفع للمدينة والبر فئة 200 اذا يهمك البلوتوث للرد على المكالمات من الجارمن خذ 265W وتجده معروض فى المنتدى بأقل من 600 ريال . والامر لك
صقار الوشم
28/07/2011, 11:12 AM
وعليكم السلام..
وانا كذالك رأيي ان تأخذ قارمن مستقل...ولا تحاول تقطيع الاسلاك... ربما تسبب مشاكل في المستقبل .
وأجهزة القارمن بها موديلات كثيرة تختلف بكمالياتها (بلوتوث - مرسل FM - مشغل mb3- تدعم خرائط الثلاثية الابعاد)
وتختلف بأحجامها (كبير - وسط - صغير)

فحدد ماترغب به وابشر..

وافضل الاجهزه الممتازة في البر:
276c : (يعيبه استخدامه الصعب في المدن)
المونتانا : (افضل مانزل حتى الان يدعم البر والمدن) وهو احدث مانزل في السوق
فئة 2xx : ( تدعم المدن بشكل جيد جداً والبر تقريباً جيد) مثل 205w و 255w و 265w

هذا ما يحضرني الان...

موفق يارب..
doshf
28/07/2011, 12:37 PM
فقط للاضافة تحديثات برامج الشاشة المركبة في السيارة والخرائط الخاصة بها لن تجدها متوفرة في النت مثل تحديثات الجارمن . والامر لك
الكامن
29/07/2011, 05:04 AM
الله يجعل شيبانكم في جنات النعيم

ويبارك لكم في مالكم وذريتكم

مالي والله في البلوتوث والام بي ثري

ابغى جهاز شاشته كبيرة واذا دخلت فيه احداثيات والا طلبت منه موقع ساقني :)

اخوي doshf وش تقصد ب200 يعني اسمه يجي كذا ؟؟

كذلك اخوي صقار الوشم تنصحني ب المونتانا ؟؟
صقار الوشم
29/07/2011, 06:48 AM
الله يجعل شيبانكم في جنات النعيم

ويبارك لكم في مالكم وذريتكم

مالي والله في البلوتوث والام بي ثري

ابغى جهاز شاشته كبيرة واذا دخلت فيه احداثيات والا طلبت منه موقع ساقني :)

اخوي doshf وش تقصد ب200 يعني اسمه يجي كذا ؟؟

كذلك اخوي صقار الوشم تنصحني ب المونتانا ؟؟
وشيبانك.. الله يجزاك خير..
اذا تبي جهاز سعره تقريباً 800 ريال وممتاز في المدن وحليو في البر عندك 1410 او 1490t حجم شاشتها كبير ... وكل اجهزة القارمن اذا ادخلت به احداثيه ساقك لمها :good2:
بس تبقى الاشكاليه للي راعي بر ... يعني اذا طلعت من الشارع ودخلت البر وحددت منطقة...
لنفترض... (ان مكان اول ماتطلع من الشارع وتشغل القارمن وتقوله ودني) رقم 1
(مكان الوصول ) رقم 2
هنا مربط الفرس..
فئة 200 : زي ماتفضل اخي doshf مثل (205w- 255w- 265w)
يطلع لك خطين ..
واحد ثابت : من رقم 1 الى رقم 2 (لو جا في وجهك جبل مثلا ومنطقه رقم 2 خلف هذا الجبل) ولفيت بالسيارة عن الجبل ..تجد الخط ثابت مايتغير حتى لو لفيت .
الثاني متحرك : يمشي معك حتى لو لفيت عن الجبل الى منطقة رقم 2
وهنا شرح الخطين
http://www.mekshat.com/vb/showthread.php?t=355891
http://www.mekshat.com/vb/showthread.php?t=347840

فئة 1000: مثل 1410-1300 - 1200 -1310 -1490t
للاسف خط واحد ثابت من منطقة 1 الى 2

فئة 700: مثل 760 - 780 - 765
بدال الخط الثاني اللي في فئة 200 حاطين لك سهم صغير ينوب عنه

المونتانا
افضل منهم ... حاطين زي البوصلة بسهم كبير يتجه الى منطقة 2 :good2:
والمونتانا جديد وممتاز في البر والمدينه.. وايضاً البحر لابأس به....ويدعم الخرائط الطبوغرافية... بس يعيبه سعره حول 2500 مع اغراضه
وهنا مواصفات الجهاز والحديث عنه
http://www.mekshat.com/vb/showthread.php?t=409477
http://www.mekshat.com/vb/showthread.php?t=418373



عاد الشرح مهب ذاك الزود :D ... بس انشاء الله اني وصلت الفكرة



موفق يارب..
almezo
29/07/2011, 09:29 PM
وعليكم السلام ورحمة الله
اولا الله يبارك لك في السياره ويطعمك من خيرها ويكفيك شرها .
انا معي سياره مثل سيارتك تاهو .. واستخدم القارمن 3790 واذا تجي ثتبته شغله يا في القزازه ويصير بعيد عنك او في الديكور ويطيح احيانا واذا نزلت من السياره لازم تفكه عشان ماينسرق .. ركبت شاشه من الغرابي تركب محل الرادو ولا فيه تقطيع اسلاك ولا شي كل توصيلاتها كبس فيها نفقيشن خرايط المملكه والخليج ورادو وتلفزيون وسيدي وتشبك عليها الكمرا الخلفيه وبلوتوث ينفعك في مكالمات الجوال ويظهر رقم المتصل على الشاشه وفيها ذاكره خارجيه تقدر تحدث الخرايط من النت او من اطرف محل.. الحقيقه روعه جدا عن تجربه .......
والرأي الاخير لك ............. تحياتي
الكامن
30/07/2011, 01:03 AM
الله يرفع قدرك يالغالي

طيب كم تكلفتها ؟؟ وهل شاشتها كبيرة ؟؟ وفي اي محل يالذيب علشان ازرقه

لاني مشتهي اللي تركب في السيارة لان مثل ماقلت ماتعقدك في التركيب والتنزيل
almezo
30/07/2011, 10:30 PM
الشاشة اسمها (BOXSTER) صينيه طبعا .. قيمتها شامل التركيب والمواصفات اعلاه اعتقد في حدود 2500 او حوله واذا بدون تلفزيون تقل القيمه تقريبا 600 ريال بس التلفزيون صافي جدا لانه يجي معه قطعه صغيره رسيفر ويعطيك قنوات السعوديه الاولى والثانيه والرياضيه والاخباريه واجيال والقرآن وريموت كنترول للتغيير .. انا ركبتها عند واحد في الغرابي اول ماتدخل شارع الغرابي من الشمال متجه للجنوب يقفل الشارع حرف T ريح يسار وادخل اول شارع يمين يجيك المحل على اليمين اعتقد ثالث محل ..
تحياتي وبالتوفيق ان شاء الله
GXR_2005
16/08/2011, 02:02 AM
الشاشة اسمها (BOXSTER) صينيه طبعا .. قيمتها شامل التركيب والمواصفات اعلاه اعتقد في حدود 2500 او حوله واذا بدون تلفزيون تقل القيمه تقريبا 600 ريال بس التلفزيون صافي جدا لانه يجي معه قطعه صغيره رسيفر ويعطيك قنوات السعوديه الاولى والثانيه والرياضيه والاخباريه واجيال والقرآن وريموت كنترول للتغيير .. انا ركبتها عند واحد في الغرابي اول ماتدخل شارع الغرابي من الشمال متجه للجنوب يقفل الشارع حرف T ريح يسار وادخل اول شارع يمين يجيك المحل على اليمين اعتقد ثالث محل ..
تحياتي وبالتوفيق ان شاء الله


بعد اذن صاحب الموضوع

انا ركبت في سيارتي شاشة boxster بس التلفزيون مش صافي
ايش القطعة اللي قلت عنها و وين تركب؟ خاجي أو لازم نفك الشاشة؟

عند استخدامك لارشادات الطريق
هل ينقطع صوت المسجل ويتكلم مرشد الطريق
أم ان صوت المسجل متواصل وصوت الارشادات منفصل

شاشتي ويندوز 6 وبرنامج الخرائط IGO 8

شكرا لك

الله يبارك لنا ولك