استفسار يالربع عن مقناص مورتانيا

[مشروخها]

السلام عليكم ورحمته الله وبركاته

العنوان واضح ابي اروح اقنص في مورتانيا
وابي منكم بعض المعلومات من ناحية الديره
هل تستاهل الواحد يروح لها ولالا
فيها صيد واجد الحباري والارانب والضبى
وابي اسئل عن التاجير السيارات والاسلاح والدليله
وكم يبلغ مسافة المقناص وهل هي امان ولالا
واذا فيه ارقام مكاتب تسهيلات لا تبخلون علينا

ولكم شاكرين..

[راكان1000]

في رأي خلك في بلادك احسن لك الدول العربيه في الوقت الحالي ما فيها امان والصيد في موريتانيا مهوب واجد والدليله بيوديك لمكان قريب من المدينه ما راح يوديك للمكان اللي فيه صيد واجد لانه هو اصلا خايف على نفسه

[متغطرس]

السلام عليكم ورحمة الله وبركاته

انا اقول حباره في ديرتك وامان واحسن من حباري بديره اوضاعها ما تدري عنها
وهذي اعتبرها وجهة نظر
تقبل مروري
ابو تركي

[راعي زيزوم]

ماعاد تستاهل العنوه العام لعوزونا لانهم منعو المقناص ولا فيه رخصه رسميه
وقاع المقناص حوالي 1300 كم الي هي حدود مالي من موريتانيا
والعام وهالسنه صاير مشاكل بين ارهابيين والجيش الموريتاني في نفس المكان
يعني ريح ملايكتك ودور غيرها

[عناز الحره]

والله يالغالى انتبه واذا الله يسر ورحتو لايقل عن ثلاث جيوب كل جيب فيه 8 رجال ترى الكثره زينه حتى لو فيه ناس من اهل هاااك الديار ابطن النيه الفاسده يهاب الكثره
والله يوفقكم

[عتيج الصوف]

يعني ريح ملايكتك ودور غيرها ... اضحك الله سنك يا راعي زيزوم ... كلامك في محله

[sbider2002]

بصراحة مأنصح بنك تروح هناك في الوقت الراهن انا كنت اقنص هناك قبل اربع سنوات ولاكن السنين هذي ماعاد رحت لان القنص امنعوه منع بات وخاصة اذا قنصت بالطير مشكله لانك راح تكون واضح اما اذا عرفت احد هناك وعطاك بندق فالصيد كثير وقريب من العاصمة ولاكن اذا بتطيع شوري لاتروح لان اوضع تغير والمشاكل كثرت وتخوف دور مكان غيرة او اجلس في بلادك ابرك واستر وارحم من كل ديرة وحساسك انك عند اهلك وربعك خير من الغربة اللي بتكون متخوف وحالتك حاله وتقبل تحياتي

[اناترني طيرك5]

السلام عليكم

فادوك الاخوان وانا بفيدك بالي اقدر عليه صار مقناص مورتانيا مب نفس قبل الامور تغيرت وماشي تصاريح مصرحه من الحكومه
صارت عندهم تجاره تبغي تصريح ادفع وتدع مبالغ كبيره والي هيه رشاوي للنقاط البيئه الي هيه تعبرك تقربا 500 كيلو بعدين يصادفك السيح الي تعبره يوم او يوم ونص تقربا 700 او 600 كيلووو ويمكن تحصل حبرا ويمكن ماتحصل علا حسب المطر اذا ياي المكان الي وصلتله واذا خذت دليل من عندهم بعد مايفيدك لنه مايعرف شي بس يبغي فلوس ولو تحصل حد ساير وقنصنها وتسير وياه الله بيوفكم والحبارا مب اي طير يصيدها لنها الحبارا الحمرا وتكون كبيره للطير ونادر الي يصيدها غير الحر الوحش
وبعد واجار السياره غالي في اليوم 600 درهم للتيوتا استيشن وانا عن نفسي ان شالله اقنصها السنه بعد اذا الله قدرنا

[راعي لادن]

مرحبا الامور سهله جدا وصولك للمطار فقط تجد كل شي قدامك تحياتي

[البرنس الليبي]

امحق المقانيص هو انك تقنص وانت حذر لا احد يقنصك او يغدر بك ..لا وبعد إلى صاد طيرك مافيه مضحاه وانت مستامن ..اقول حبارى واحده في امان وطمان ابرك من عشر في خوف

[مشروخها]

السلام عليكم
وبيض الله وجيهكم على الردود
و الله لايهينكم و الله يزينها على كل حال
ماعاد خلونا اخوانا اللي يبعون الحباري نقنص ونستانس

شاكرين لكم

[مشروخها]

اناترني طيرك 5 ممكن رقمك على الخاص لبعض المعلومات

[اناترني طيرك5]

السلام عليكم طرشته رساله واخوك من الامرات