يوسف الخليفة1
28/07/2011, 05:10 PM
بسم الله الرحمن الرحيم
السلام عليكم ورحمة الله وبركاته
يا ليت للدنيا شريطن يعادي=من شان اشوف من المسرات واعيد
ابغا الشباب ارسم عليه اجتلادي=مثل البعير اللي تدرهم بلا قيد
وانهم نشاطه بالعزوم الجيادي=لاجل استغل من العبادات وازيد
واقطف من البيضا بليا سوادي=وانشوف الاموات الزحول الاجاويد
نقضي معاهم ساعتينن تزادي=وهم يزيدون العمل لو هو يفيد
وانحوم مرباعن مضا بالبوادي=واندوج مفساح الوساع الصياهيد
واللي ذكرته مستحيلن يقادي=بامر الولي يمضي بليا معاويد
قدامنا درب الحقيقه وكادي=الموت والبرزخ وحشر وتناهيد
فيه الملا تنسل من كل وادي=سبحان من يبعث رميم الجراهيد
للدار الاخرى ذاك يوم الحصادي=بالعرض الاكبر فيه قطف العناقيد
من شال فوده باليمين استفادي=شاف النعيم وعاش بين التغاريد
واللي كتابه بالشمال بنكادي=يسكن جهنم في صفوف الملاهيد
يابن ادم الايمان لك خير زادي=نطق الشهاده والعباده وتوحيد
يوسف الخليفة ( أبو عبد الله )
السلام عليكم ورحمة الله وبركاته
يا ليت للدنيا شريطن يعادي=من شان اشوف من المسرات واعيد
ابغا الشباب ارسم عليه اجتلادي=مثل البعير اللي تدرهم بلا قيد
وانهم نشاطه بالعزوم الجيادي=لاجل استغل من العبادات وازيد
واقطف من البيضا بليا سوادي=وانشوف الاموات الزحول الاجاويد
نقضي معاهم ساعتينن تزادي=وهم يزيدون العمل لو هو يفيد
وانحوم مرباعن مضا بالبوادي=واندوج مفساح الوساع الصياهيد
واللي ذكرته مستحيلن يقادي=بامر الولي يمضي بليا معاويد
قدامنا درب الحقيقه وكادي=الموت والبرزخ وحشر وتناهيد
فيه الملا تنسل من كل وادي=سبحان من يبعث رميم الجراهيد
للدار الاخرى ذاك يوم الحصادي=بالعرض الاكبر فيه قطف العناقيد
من شال فوده باليمين استفادي=شاف النعيم وعاش بين التغاريد
واللي كتابه بالشمال بنكادي=يسكن جهنم في صفوف الملاهيد
يابن ادم الايمان لك خير زادي=نطق الشهاده والعباده وتوحيد
يوسف الخليفة ( أبو عبد الله )