المساعد الشخصي الرقمي

مشاهدة النسخة كاملة : اللي يعرف بتبوك او من اهلها يساعدنا


محب التطعيس
29/07/2011, 03:51 PM
اخواني انا قمت بزياره لمدينة تبوك لاكن ماادري وين الاماكن اللي ممكن اني ازورها
انا سمعت بالديسه لاكن ماادري وشلون اجيها وهل هي تستاهل الزياره ويقولون فيه طريق جديد لها مسفلت ياليت احد من اهل تبوك او من زار تبوك ويعرف عنها يساعدني لاني معي عائلتي ودي استفيد شاكر للجميع
محب التطعيس
30/07/2011, 02:36 AM
مااحد فزع لنا
مسافر خان
30/07/2011, 09:48 PM
الديسة قبل خمس سنوات منطقة في غاية الروعة
بس بعد ما عرفوها الناس من برا منطقة تبوك للأسف تعرضت للكثير من التخريب ورمي المخلفات
لكن مع ذلك ما زالت تحتفظ بالكثير من السحر
الطريق الجديد ما أنصحك فيه يختصر المسافة لكن ما يختصر الوقت
باقي فيه وصله ما زفلتت
تاخذ منك وقت طويل عشان تقطعها
وما يمشيها إلا سيارات دفع رباعي وبسواقة أهل الخبرة
انصحك بالطريق القديم
طريق ضبا لين يجيك مفرق شواق ومنه تمسك الخط وفيه لوحات ترشدك للمكان
في مثل ذا الوقت أحذر الافاعي
الفيصل55
30/07/2011, 10:01 PM
مثل ما قال لك الاخ مسافر
محب التطعيس
31/07/2011, 12:54 AM
جزاكم الله خير اخواني رحت لها اليوم كانت جميله بجبالها واخذت نعناع ومانجو سكر
وانا بكره راجع للمدينه اي طريق افضل وهل الطريق مزدوج وش فيه ممكن ينزار على الطريق
ramii2010
31/07/2011, 01:06 AM
شكلي جيت متأخر
طيب اخوي حيآك الله بتبوك وبالنسبه لطريق المدينه
في عندك طريقين واحد متخصر لك حوالي 200 او 100 كيلو مو متأكد اللي هو
طريق المعظم بس الطريق شوي صعب وجديد وفيه حوادث كفانا الله ويآك شرهآ
وهالطريق يمر بالعلا وتقدر تشوف العلا بطريقك
الطريق الثاني اللي هو القديم .. مسارين وأأمن لك من طريق المعظم
وفقك الله
محب التطعيس
31/07/2011, 01:32 AM
الله يجزاك خير لاكن سوالي عن الطريق الزين من وين اطلع له وهل هو سيدين وش يمر فيه وكم المسافه من تبوك للمدينه
الله يوفق الجميع
ذيب حوران1
31/07/2011, 02:36 AM
الله يجزاك خير لاكن سوالي عن الطريق الزين من وين اطلع له وهل هو سيدين وش يمر فيه وكم المسافه من تبوك للمدينه
الله يوفق الجميع
بالانابة عن اخيramii2010
الطريق الزين هو طريق المدينة كما يطلق عليه وهو طريق سيدين الين تاصل المدينة المسافه حوالي 700كيلو ويمر في محافظة تيماء ويوجد فيها بئر هداج
والطريق الثاني وهو طريق المعظم لاكن ما انصحك فيه لانه سيد واحد ويعتبر خط زراعي وفيه منحنيات خطيره جدا والمحطات قليلة فيه
محب التطعيس
31/07/2011, 10:56 AM
من وين اطلع للطريق الزين اخواني وهل الطريق يمر بالعلا
مسافر1
31/07/2011, 11:09 AM
أخي الكريم :
يوجد أكثر من طريقين
يوجد طريق تبوك تيماء وهو جميل
ويوجد طريق تبوك المعظم وهو يختصر كذلك وجيد جداً ويكون موازي لسكة القطار وتمر على أماكن جميلة منها قلعة المعظم وكذلك الغراميل بأشكالها الجميلة وكذلك مداخيل وكذلك مزحم الناقة ومدائن صالح
وكذلك طريق تبوك بدا الجديد وهو الطريق المختصر للديسة .
أفضل أن يكون السير نهاراً ويكون مع طريق
تبوك المعظم
وكيفية الوصول إليه
الخروج من تبوك بسلوك طريق المدينة تيماء وبعد حدود 50 كم يأتي مفرق يمين يقول المعظم اسلك هذا الطريق
ينزل مباشرة على مدائن صالح
كما أنه يوجد طريق مختصر من العلا للمدينة وذلك بسلوك طريق مغيراء
أتمنى أن أكون أفدتك
محب التطعيس
31/07/2011, 11:18 AM
الله يجزاكم خير اخواني ويوفقكم جميعا ماقصرتوا بيض الله وجيهكم
شاكر للجميع الفزعه