المساعد الشخصي الرقمي

مشاهدة النسخة كاملة : يا اهل الباترول تكفون


هبوب
29/07/2011, 11:03 PM
باترول موديل 94 كلبليتر وهو يمشي يطفي فجاة ولايكتم خصوصا اني نظفه الكلبليتر واشغل الموتر بعد مايطفي ويشتغل وش السبب الله يوفقكم ويسعدكم
وبل نجد
30/07/2011, 12:00 AM
شيك على الصفاية وكذلك ليات الهواء اللي تركب بالكلبليتر

لابد من تغييرها اذا كانت في شقوق من الأطراف او تكون يابسة مع الحرارة
خالد الزومان
30/07/2011, 12:09 AM
شيك على سلك الكويل يمكن انه يفصل يعني فيه قطع او صاير ضعيف جدا ... ثانيا شيك على سلك حساس الكربريتر و بالتوفيق انشاءالله
بن لوتيه
30/07/2011, 01:28 PM
فيش الطرمبه تاكد منه بعض الايام يرتخي
بالتوفيق
هاوي المطاريش
30/07/2011, 04:09 PM
السلام عليكم
الاصلاح اذا كان ياباني وليس اصلي يسوي كذا احيانا اذا طفت السياره وبقيت داعس البنص تشتغل صح ولا
موفق لكل خير
ولدحمد
31/07/2011, 02:15 AM
السلام عليكم ورحمة الله وبركاته ..
أخوي هبوب / تبي تريح راسك اتبع التالي :
1- غير الليات حقات البنزين من التانكي لحد الكربريتر
2- غير ليات الهواء الي داخله وطالعه من الكربريتر وانتبه للاماكن لازم تكون صحيحه
3- شيك على اسلاك البواجي وسلك الديلكو
4- غير البويبينه+ البليتين = وكاله وكاله وكاله
5- اوزن الديلكو ولاتفتح له وااجد وانتبه للوزن
6- تنظيف الكربريتر +تركب فلتر هواء وكاله لانه يجي فيه ماده مثل الزيت تمنع دخول التراب والغبار
7- صفايه البنزين غيره وكاله
8- اذا كنت تعبي بنزين 91 غيره ابنزين 95
9- اوزن الكربريتر ولاتخليه مرفعو بالحيل
10- اوزن البلوف عند شخص متخصص عشان تفتك من الاصوات الي تطلع لك

بالنهايه اتمنى اني افدتك والاخوان فيهم الخير والبركه ..
موفق يابعدي
بو حجل
31/07/2011, 02:39 AM
طرمبتك خربااااااااااااااااانه هذى هي المشكلة فقط....... لاتلمس الكلبليتر ولا غيره

خصوصا انك مسوي له تنضيف ولو فية مشكلة فى الليات او الهوز حق الهواء او البنزين

يقطع الموتر او يضعف عزمة وتكثر صرفية البنزين

وبما انك تشغلة بعد مايطفاء ويشتغل المشكلة من الطرمبة لأنك تكون داعس على الابنص

زيادة وممكن لحد الآخير وبهذا استنتج ان المشكلة من الطرمبة اتمنى انى وفقة بحل مشكلتك
فاسيلي زايستي
31/07/2011, 12:57 PM
السلام عليكم
اخوي الظاهر مشكلتك الكويل يحتر ولامنه برد اشتغل الموتر
اذا لاحظت انه مايشتغل على طول ويشتغل عقب 5 دقايق او حولها
واذا طفى حاول تمسك الكويل وتشوف هو حار ولا لا
هبوب
09/08/2011, 11:23 PM
فعلا غيرت الكويل وظبط الموتر اشكركم على ردودكم
تخصص باترول
11/08/2011, 08:17 PM
سو تصفيه للموتر كامل للبواجي والاسلاك مع وزن ديلكو وتشيك الشاكوش اللي بداخل الديلكو مع التنظيف اذا احتاج
وغير البوبينه مع البليتين واوزن البلوف وغير صفايت البانزين مع تغييير اهواز الهوا حقت الكربليتر كامله واذا انك ماغيرت فلتر الكلبليتر غيره اللي بالصحن
واذا ذكرت شي اعلاه وانت مغيره خله وغير اللي ماغيرته وبتشوف فرق بالموتر اقل صرف بنزين وخفه ونشاط
=====
تحياتي...
تخصص باترول
11/08/2011, 08:21 PM
ملاحظه اذا كان الموتر يرمي قبل مايطفي ولا يتفتف ولا انه فجآه كذا يطفي ؟
لان احتمال الخللل من طرمبه البنزين
ارجو انك تفيدني اكثر مع شرح حالت الموتر قبل لا يطفي وشكرا .