المساعد الشخصي الرقمي

مشاهدة النسخة كاملة : ساعدوني بمواقع لصيد الاسماك على الشاطي بجده وكيف اصطاد بعض الاسماك المعينة وشكرااا


الصياد 7000C
30/07/2011, 04:06 AM
السلام عليكم جميعا
معاكم العضو الجديد بدر...
انا والله ليا فتره احاول اطلع اصيد لكن من دون فايده عقلي حار فين اروح...
ابغي منكم ياشباب تدلوني على مواقع صيد جيده بجده...
على الشاطيء والصناره وماكينة 7000 سي...
انا كنت اروح الكورنيش اللي جمب حرس الحدود قدام ابو شقره ورحت البحر اللي قدام دورشتسر ومالقيت صيد زمان بالكورنيش صدت هامور وشعور وغيره بس الان ولا شي... مدري ليش...
عشان كدا انا فقدت الامل... وانشاءالله استعيد الامل بيكم...
ابيكم ياجماعة الخير تدلوني على مواقع حلوه يعني بالصيد ...
وابغا اعرف انا ابغا اصيد شعور وهامور وباراكودا وابو نقطه وسبيطي وابغا اعرف ايش الطعم اللي استخدمه ومقاس الخيط والشوكه ادا ماعليكم امر...
وشكرا...اتمنى مااكون ثقلت عليكم...اخوكم الصياد بدر.:good2:
الصياد 7000C
30/07/2011, 06:09 AM
شباب رد عليا عشان استفيد وغيري اللي يدخلون يستفيدوا وكمان كثير من الناس يقولوا جده مافيها صيد ليه؟
اسماعيل كمال
30/07/2011, 10:42 AM
ان شاء الله يفيدوك اهل المنطقه
الفلاشاوي
30/07/2011, 11:19 AM
حياك الله اخوي بدر
انا بدلك على موقع ممتاز الى حد معين وجربته انا بحكم اني من اهل جدة
جرب السقاله الكورية امام منتزه الشلال

خيط 50 ممتاز ومدور 3 الى 4 ممتاز والهوك مقاس 7 كيربي
ومصفر مقاس 70 مناسب وجيد
الاجام الي طلعت معي من هناك الى الحين ممتازه وطيبه مابين 3 كيلو الى 4 كيلو لكن هذا بالنسبه لي غير طلع معاهم احجام اكبر

طبعا بالنسبه للطعم الشذب والباغا بس فرش يكون ممتاز

وموفق بحول الله
الصياد 7000C
30/07/2011, 10:22 PM
اخوي الفلاشاوي...
السقاله الكوريه عارفها اوكيه بس ايش هوا المدوار وال70 ؟ والطعم وضح لي اكثر ...
وايش نوع السمك وايت وقت؟ وهل يوجد موقع اخر تنصحني بيه وشكرا....
وارجو الرد...
ارجو اني ماثقلت عليكم...:D:good2:
علاء العمار
31/07/2011, 12:14 AM
اخوي الصياد 7000 بحاول اشرحلك الشي اللي اعرفه المدور اللي ذكره الاخ الفاضل عباره عن وصله
لونها ذهبي وتيجي مقاسات وهو اختارلك المقاس 3 او 4 وتستخدم لمنع تشابك الخيط الفرعي اللي هو يكون فيه المصفر والسناره عن الخيط الاصلي او الرئيسي

اما المصفر يكون سلك معدني خاص يجي مقاسات والاخ اختارلك مقاس 70
يربط بالسناره يكون متفرع من المدور علشان بعض انواع من السمك ممكن تقطع الخيط
النايلون العادي اما المصفر يصعب عليها تقطعه بس مو انه مستحيل انا حصل معاياه
انه مصفر مقاس 50 انقطع من سمكه الله العالم انها عقام .

واذا مخطئ بشء ياريت الشباب يصححوا واسف على الاطاله ولكم مني التحية
حاولت اضيف صور وما عرفت .
الصياد 7000C
31/07/2011, 12:36 AM
احب اشكرك ياعلاء جزيل الشكر انا اعرف القطع هادي لاكن المصطلحات ماعرفتها وجزاك الله خير لانك فهمتني...
واحب اسئلك هل انت من جده ولا كيف؟
الصياد 7000C
31/07/2011, 05:11 AM
اخواني 150 زائر والمشااركات ليست بالكثير
لو سمحتم محتاج واحد يدلني على محل للصيد بجده ويجاوبني على اسئلتي ...
يا اهل الخير ساعدوووووووووووووووووووووني الله يخليكم...
وشكرا:):D:p;):good::good2:
الفلاشاوي
31/07/2011, 09:52 AM
ماقصر اخوي شرح لك الطريقة
واذا حاب نلتقي تفضل هذا رقمي بعد اذن ادارة الموقع

0552391419
معاذ الحارث
31/07/2011, 12:36 PM
ياحبيبي نصيحة من حبيب لا تصيد فيي جدة الموية ملوثة بقوة روح شوف جنب النورس تحصل المواصير عيني عينك تصب في البحر وأيضا لا تنسى الشاليهات العامة والخاصة تضخ في البحر ولا رقيب ولا حسيب ..
عبدالله سراج
31/07/2011, 02:49 PM
احسن مكان تصيد فيه خليج سلمان
ممتازجدا جدا للصيد
الصياد 7000C
31/07/2011, 10:53 PM
مشكوووووووووووورين للي ردوا انا اقول اللي قريب مني لانه انا اعرف خليج سلمان والمرجان وكورنيشالجنوب بس كله بعيده علي انا بالجنوووووووووووووووب بجده عند الاسكان يعني مشووووار وخاصتن انه مامعي سياره ولا رخصه انا حدودي لين كنز ابحر وبالقوووه كمان ...وانا اشوف ناس ياكثرها تصيد بكورنيش جده وماقالت وسخ وصادت بس مدري والله والله العالم...
علعموم يافلاشاوي يبو الشباب عرفنا عنك اسمك فين ساكن وكدا عشان ادا حابب نتلاقى نصيد سوا ...
سؤال اخير كم عمرك.؟>>>ملقوووووف بقوه:)
الفلاشاوي
01/08/2011, 04:17 AM
انت بتصيد ولا بتناسبني
هههههههههههههههههههههههههههههههههههههههههههههههههه هه
لاتهتم اخوك عاقل ومدرس تربية اسلامية
الصياد 7000C
01/08/2011, 04:44 AM
نفهم انك مطوع ؟هههههههه
هات الاثبات اجل.؟ههههههههه
الصياد 7000C
24/09/2011, 05:24 PM
اخواني كيف اوصل للسقاله الكوريه بعد ان اقفلو الطريق؟