باب الفرن مفصلاته خربت

[اصيل نجد]

صبحكم الله بالخير والعافيه اولا اهني اسره مكشات اداره ومشرفين واعضاء وزوار بقرب حلول الشهر الكريم شهر الخير والبركه و المغفره والعتق من النار .
انا بدخل بالموضوع على طول ياجماعه ابى احد اذا يعرف فني يصلح باب الفرن حق البيت نوعه ( جليم قاز) ادري يمكن تقولون اتصل على الوكيل واتصلت وقالوا ماهو اقل من عشره ايام علشان يجيك الفني لاانهم يقولون زحمه وكل الناس مستعجله علشان رمضان والمشكله ماخرب غير قبل امس ولا ودي اجيب حيالله واحد يلعب فيه والمشكله هي بالباب حق الفرن المفصلاات وحده زينه والثانيه انطلقت من مكانها وحاولت ارجعها ماقدرت يعني مافيه فطاير بالرمضان اذا ماصلح الفزعه ماجوز عن رايكم لكم الف تحيه من اخوكم ابو محمد ربي يوفق الجميع .

[مريقب العيفار]

هلا بك اخوي

ما يحتاج تطلب الشركة

محلات صيانة الاجهزة الكهربائية عندهم فصلات

انا مثلك خرب باب الفرن

حملته الى احد المحلات وعلى طول ركب فصلات

ممكن تمر محل ما تلقى لكن بالتاكيد تلقى عند الثاني

وبالتوفيق

[wafi4sa]

فطايرك عندي برمضان ولا تشيل هم الفطاير يالأخو
لكن إن شاء الله الأمر هين بالمره
على ماقال اخي اللي سبقني بالرد اي فني يركبها
انا حدث لي قبل كم سنه وفني بالحاره صلحها بخمسين ريال فقط
مع تمنياتي لك بالصحة والعافية
وشهر رمضان مبارك عليك

[900]

هلا بك اخوي

مر لمحلات قطع الغيار في الديره والبطحاء وخذ لك مفصلات وركبها بنفسك
ترى الدعوى 4 صواميل

[اصيل نجد]

هلا بك اخوي

ما يحتاج تطلب الشركة

محلات صيانة الاجهزة الكهربائية عندهم فصلات

انا مثلك خرب باب الفرن

حملته الى احد المحلات وعلى طول ركب فصلات

ممكن تمر محل ما تلقى لكن بالتاكيد تلقى عند الثاني

وبالتوفيق
يطول بعمرك اخوي مريقب العيفار الضاهر انى بسويها واوديه مشكور وعساكم دوم ذخروعونه لك تحياتي

[اصيل نجد]

فطايرك عندي برمضان ولا تشيل هم الفطاير يالأخو
لكن إن شاء الله الأمر هين بالمره
على ماقال اخي اللي سبقني بالرد اي فني يركبها
انا حدث لي قبل كم سنه وفني بالحاره صلحها بخمسين ريال فقط
مع تمنياتي لك بالصحة والعافية
وشهر رمضان مبارك عليك

الله يعطيك العافيه وعساك على القوه اليوم ودوم يالغالي لك من الف تحيه

[اصيل نجد]

هلا بك اخوي




مر لمحلات قطع الغيار في الديره والبطحاء وخذ لك مفصلات وركبها بنفسك


ترى الدعوى 4 صواميل


هلا وسهلا باخوي900 مشكور لمرورك العطر وادري ياخوي ان الدعوه اربع صواميل انافكيت الاربع بس المفصله عيت تطلع علشان اجيب نفسها من السوق وتراي حرفي ياخوي يعني احب الفك والربط وماني عجل على دخول الخبراءلبيتي ؟؟!!(العماله) لك مني التحيه ومشكور

[wafi4sa]

معلومة يأخي اصيل نجد
تراء الفصالات لها تركيب خاص الفني يعرفلها بلحظة
اما الغير متخصص فأنه يتعب في تركيبها ولو ركبها يكون مصادفة
ولا يقدر يطبقها مره اخرى بسهوله
انا حدثت معي هذا الكلام
انتبه للفني كيف يركبها واطلب منه يعلمك لان فيه شي غريب
وتقبل تحياتي ولو اني طولت عليك الشرح

[اصيل نجد]

معلومة يأخي اصيل نجد
تراء الفصالات لها تركيب خاص الفني يعرفلها بلحظة
اما الغير متخصص فأنه يتعب في تركيبها ولو ركبها يكون مصادفة
ولا يقدر يطبقها مره اخرى بسهوله
انا حدثت معي هذا الكلام
انتبه للفني كيف يركبها واطلب منه يعلمك لان فيه شي غريب
وتقبل تحياتي ولو اني طولت عليك الشرح

يطول بعمرك وانا ناوي ادخل بينه وبين السكروب بس اعزك الله مايعطونك فرصه لاشافني اتعلم او قلت كيف هذا يجي صرالواحد يستلطخ ويسوي نفسه مايدرويش تقول وهم اباليس يعرفون الجني من حركه عيونه لكن مشكور ويطول بعمرك بحاول اقتبس منه المعلومه على الاقل افيد احد فيها ربي يوفقك ومشكور على حرصك ربي يحفضك

[الهديف]

لاتوديه ولا تتعب نفسك
خذ له صورة ورح للمحلات وورهم الصورة او قل لهم فرن جليم غاز تراه ايطالي ومشهور وكل يعرفه
زي الددسن كل فني يعرف له وبتلقى أحد يصلحه الدعوى 10 دقايق بس و لا تتعب تدور به على المحلات

[سيف وقلم]

في محل عنده قطع غيار في حي النزهة تمسك طريق الجامعة ووجهك شرق لين يجيك تقاطع أبو بكر لف يمين مع الخدمة في حي النزهة هو قبل المحطة أو بعدها ما أدري

[شنطة عده]

رح للمصلحين وقلهم السالفه قبل تجيب الفرن لهم ومن رده بتعرف هو يعرف يصلح والا معى جنبها
اذا تاكدت انه بيصلحه اتفق على السعر قبل كل شي والافضل يكون كل هذا مرفق بصور بجوالك
واعتقد الامر ان شاء الله بسيط

[FORD1969]

جليم غاز من أفضل وأعرق الشركات المنتجه للأفران انصحك تاخذ قطعه الأصليه من الوكيل

لنه يستاهل

وفعلا الفصالات مشكله تغييرها بسهوله لازم خبير

عاد انت استغفل الفني واساله عن كل شي وسو نفسك ما تعرف اي شي ولا عندك اي مفك او عده في البيت وراح تاصل مطلوبك
وشهر مبارك على الجميع

[اصيل نجد]

لاتوديه ولا تتعب نفسك

خذ له صورة ورح للمحلات وورهم الصورة او قل لهم فرن جليم غاز تراه ايطالي ومشهور وكل يعرفه

زي الددسن كل فني يعرف له وبتلقى أحد يصلحه الدعوى 10 دقايق بس و لا تتعب تدور به على المحلات

فعلا والله انك جبتها يالهديف ربي يوفقك والله ان التصوير رايح عن بالي ربي يوفقك ويستر عليك لك تحياتي

[اصيل نجد]

في محل عنده قطع غيار في حي النزهة تمسك طريق الجامعة ووجهك شرق لين يجيك تقاطع أبو بكر لف يمين مع الخدمة في حي النزهة هو قبل المحطة أو بعدها ما أدري

هلا باخوي سيف وقلم ربي يطول بعمرك وصفك واضح جدا مشكور اخوى

[اصيل نجد]

رح للمصلحين وقلهم السالفه قبل تجيب الفرن لهم ومن رده بتعرف هو يعرف يصلح والا معى جنبها

اذا تاكدت انه بيصلحه اتفق على السعر قبل كل شي والافضل يكون كل هذا مرفق بصور بجوالك

واعتقد الامر ان شاء الله بسيط

هلا باخوي شنطه عده ربي طول بعمرك وعمر الاخوه كلهم على هالفزعات بروحاليوم واشوف تحياتي لك

[اصيل نجد]

جليم غاز من أفضل وأعرق الشركات المنتجه للأفران انصحك تاخذ قطعه الأصليه من الوكيل

لنه يستاهل

وفعلا الفصالات مشكله تغييرها بسهوله لازم خبير

عاد انت استغفل الفني واساله عن كل شي وسو نفسك ما تعرف اي شي ولا عندك اي مفك او عده في البيت وراح تاصل مطلوبك
وشهر مبارك على الجميع


هلا وسهلا وشرفت موضوعي ولا توصي حريص وعلى قوله المثل من له حيله فليحتال ربي يوفقك وشر مبارك

[روق الشرقيه]

اصيل نجد
لك رساله على الخاص

[اصيل نجد]

اصيل نجد
لك رساله على الخاص

ربي يوفقك ويطول بعمرك

[swead]

في البطحا موجودة جميع قطع غيار الأفران والثلاجات والمكيفات

[اصيل نجد]

في البطحا موجودة جميع قطع غيار الأفران والثلاجات والمكيفات




ربي يوفقك وييسر امرك والشهر عليك مبارك

[اصيل نجد]

ابشركم تم اصلاح الفرن مفصلاته سليمه مافيها شي مريت على واحد وقال 140 الاصلي قلت يالله معي قال نفك باب الفرن ونجيبه للورشه وبكره اجيب قطع غيار قلت مافيه مشكله يوم جينا للبيت ناظر الباب حق الفرن وفتحه ورفع المفصله وطقه بركبته يوم صقط المفصله المنطلقه قال خلاص 100/100 قلت وشلون قال انا معلوم مايحتاج مفصله جديد والله ياجماعه طارت عيوني بس طق ركبه وخلاص لو انا داري كان طكيته ركب لين يدوخ لكن حاولت اركبه بس ماهو بسلوب طق الركب عقب هاذي اي شي يخرب بهالبيت بشغل الركب .
اشكر كل اخواني اللى تفاعلوا معي ودوروا الحلول ربي لايخليني عزالله انه منتداء يضم رجال بالفعل من تعاون وفزعات ربي يوفق الجميع وعساكم ذخر تحياتي للجميع ( على فكره اخذ الرجال 20 ريال فقط ) ربي يوفقه بين رجال راعي ذمه لو غيره فك الباب وجابه بكره وقال غيرت له مفصلات وحط بجيبه 140 ريال ربي يوفقه بهالرمضان ويرزقه ويهل عليه الرزق صب الغيب امين يارب العالمين

[رسيس نجد]

الحمد لله رب العالمين على كل حال 0

[اصيل نجد]

الحمد لله رب العالمين على كل حال 0



تسلم اخوي رسيس نجد عساك دوم ذخر لك تحياتي