المساعد الشخصي الرقمي

مشاهدة النسخة كاملة : شاق ناب


ABU MANSOUR
30/07/2011, 10:10 AM
.
.

عندي بعير ودي أشيل أنيابه علشان مايأذي البكار والقعدان.

وش الشور يالربع أشيلهم ولا أقصهم؟

أحد يقدر يفيدني!

.
.
راع الريمة
30/07/2011, 01:24 PM
ياطويل العمر....ان كنت بتشيلهن..شوفلك اي بيطري لأنهم يخدرون البعير وبعدين يبرون انيابه


اتمنى اني افدتك
ابو الشبرميات
30/07/2011, 02:48 PM
ابو منصور


الانياب هي من وسائل الدفاع عند الابل لو تعرّض لهجوم من فحل اخر


اما اذا كان الفحل موذي ويعض الابل والبكار ويشكل خطر على الابل او الرعاة
فالله يعينك


لابد من التخلص منهن


والطريقة هي برد الانياب بمبرد الحديد
او قصها بواسطة الاسيام الموجودة عند الاطباء البيطريين


بحيث يتم طرح الفحل وتفقيره
واعطائه ابرة بنج في حالة عدم السيطرة عليه
ومن ثم برد او قص الاسنان


لكن يجب اخذ الاحتياط عند استخدام البنج
ولو استطعتم اتمام العمل بدون اللجوء إليه يكون افضل



تمنياتي لكم بالتوفيق


,,,
قزيزالنعام
30/07/2011, 07:15 PM
ارجوك لا تشيلها تعذب البهيمه .سولها بلام ووقت الهياج ابلمه ولا يقدر يفتح ثمه ولا يعقر شي ان شاءالله
مروبع
31/07/2011, 01:30 PM
ارجوك لا تشيلها تعذب البهيمه .سولها بلام ووقت الهياج ابلمه ولا يقدر يفتح ثمه ولا يعقر شي ان شاءالله


ايه بس لا صار آكلة لازم يبردهن والبرد بسيط لكن البنج يفتر ببعض الزمول