المساعد الشخصي الرقمي

مشاهدة النسخة كاملة : استفسار عن سستة في ام صتمة..


شيخ بني زيد
30/07/2011, 10:18 AM
السلام عليكم ورحمة الله وبركاته..


يا اخوان بمناسبة قرب موسم الصيد قررت اني اغير السستة والجلبة ..والساكتون ديانا موديل 27 القديمة..


شريت السستة والجلبة الزرقاء حقت الموديلات الجديدة ..
حاولنا نركب الجلبة ولا ركبت وكانت القديمة ممتازة ما فيها شي ركبناها وركبنا السستة ..


بعد ما قضينا ركبنا كلش كسرنا البندق وانضغطت السستة بس ما تنطلق يعني اذا ضغطنا الزناد ما تنطلق ((ترجع)) ولاحظت اني نسيت اركب سستة صغيرة ولا اذكر وين محلها وحاولت اركبها يمين ولا يسار بس ماش عجزت عنها قلت مالنا الا اخوانا في مكشات ..


هذي صورة السستة


http://www.m5zn.com/uploads2/2011/7/30/photo/0730110007270a4jd7l67td1i0.jpg



وصورة اخرى لتوضيح الحجم


http://www.m5zn.com/uploads2/2011/7/30/photo/073011000727xte5on4fo1v5jj4w7fq.jpg




الله يجزاكم خير يا اخوان نبيكم تساعدونا ..


انتظر ردودكم.
عاشق الاكستير
30/07/2011, 12:28 PM
اخوي هاذي تحط وراء الزناد هي والمسمار
شيخ بني زيد
30/07/2011, 04:12 PM
اخوي هاذي تحط وراء الزناد هي والمسمار

لا اخوي مهيب هي , الي ورا الزناد موجودة والي قدامه بعد..
شيخ بني زيد
31/07/2011, 02:40 PM
للرفع ننتظر اخوانا..
زجاج رخيص
31/07/2011, 03:13 PM
خذ نصيحتي

خذ الساكتون و ودها لمحل

يركبها لك

زي واحد من اخوايي فك الساكتون حقه ولما رجع يركبه ما عرف .,,, يحاول يركب الزناد ماركب معه

ولما راح المحل ركبها له وحصل الامان منكسر
شيخ بني زيد
31/07/2011, 04:14 PM
^^^^^

اليوم الصبح مشينا انا والوالد نبي نروح لمحل الشايقي الي في سوق الزل ..

وصلناه ولقينا صاك مكتوب لحالة وفاة ((الله يغفرله ويرحمه)) وينفتح بعد اسبوعين ..

لقينا محل اسمه الشايقي بس مدري هو تبعه ولا مستقل..

نزلنا ووريناه وقام يفر فيها وواشر له الوالد على مكان والوالد يعرف مكانها بس ما عرف وشلون تركب قال الباكستاني ايه هذا المكان وقال نبي نغير لك السستة والجلبة ونركبها بـ50 ريال طلعنا حنا نبي نتأكد عن محلها ووين تركب فقط..

والسلام عليكم.
رااس القطاه
31/07/2011, 05:16 PM
ماعندي اي خلفيه اعذرناااااااا
يفيدووونك الشباب
Khaled_R
31/07/2011, 05:28 PM
على ما اذكر مكانها بمجموعة الزناد كما في الصورة

http://store3.up-00.com/Jun11/QjN22194.jpg (http://www.up-00.com/)

مكانها من الاعلى وفيه شق خاص لها .. تركيبها سهل بمجرد انك تضغطها باصابعك وتركبها مكانها ... لكن راح تحتاج ترجع تفك الساكتون (تفك الاجزاء الداخلية من سبرنق والبستن الداخلي حتى تقدر توصل لمجموعة الزناد) وبمجرد ما تفك الغطا الاسود عن مجموعة الزناد رح تشوف مكانها فورا
شيخ بني زيد
02/08/2011, 05:09 PM
الله يجزاك خير اخوي خالد وكثر الله خيرك ..
الحمد لله عرفنا محلها وركباها وصارت مضبوطة ..

واخوي رااس القطاه .. يكفيني مرورك ..

واشكر اخواني الي ردوا وافادوني واشكر كل من رد..

ومبارك عليكم الشهر الكريم والله يعيده علينا وعليكم بالصحة والعافية والله يعيننا ويعينكم على صيامه وقيامه..

والسلام عليكم.